دمه تقيل - واخد بالى
مالوش اى معنى - حاسس
طيب ايه لازمته؟
مش عارف
اهو اتكتب وخلاص
يمكن احد وشوشى المستخبيه هو اللى كتبه
اللى جاى ده مجرد فزورة
تسالى يعنى
والمطلوب حل الفزورة
يوم العيد وانا سعيد جاتلى فكره من افكارى
خبيت الكحك ومنعت الضحك ورسمت صورة سيريالى
راس كبير, قميص حرير, عصايه وكرباج سودانى
بطن جعانة, جيوب مليانة, وناس بتغنى اغانى
بعدهم سور وانسان مغرور ومسجون بيقول آه يانى
يخرب بيتكم ويهد حيلكم انتم واللى فى بالى
تعالوا بصوا يمكن تحسوا بمصيبة اللى فى حالى
كلامكم كتير وفعلكم حقير واللى ماتوا دول اولادى
يمكن بيبالغ وكلامه فارغ واحنا صدقنا عميانى
اصل الفرعون كلامه موزون ودايما له رأى تانى
حاكشف المستوره واحل الفزوره وبلاش تركز فى كلامى
نبص نلاقى الكلام عدائى لكن مافيهوش اى معانى
فى الموضوع سر زى الزر تضغطه تكشف اسرارى
يعنى تاخد حرف من اول كل سطر ومنه تعرف افكارى
27 comments:
بصراحة أستاذ
:)
بس المشكلة إن حنفى بيته هو البلد واللي فيها.. مش عارف إذا كان لسه فيها حاجة لم يخربها
على فكره البوست مش دمه تقيل ولا حاجه
بس بصراحه خايفه اقول الحل
انا عارفاه
اقصدى لاء معرفوش
بس برده لو حصل فى الامور امور انت عارف موقفى؟
ايه ده هو انا جيت تانى؟
معرفوش بجد
يا صلاح ............ ااقصدى يا هارم انت ما لكش حل :)
انا سمعت عنك كتير فى المدونات بس دى اول زيارة ليا
واضح ان دماغك عالية
ماشية معاك يا عم
ونقول معاك
يخرب بيتك يا حنفى
الا هو مين حنفى ده احسن انا مش من هنا
انا من ششنى
سلام وتقبل مرورى
تحياتى
هبة
صول وجول..
مهما تقول..
حنفى ده اصله غول
مثبت كل العقول
وان حد يوم فكر.. يتاخد على اللى بالى بالك على طول
بوست جميل .. والآجمل مابين السطور
تحياتى للعبقرية اللى علي آصول
على فكرة البوست ولا دمه تقيل ولا ملوش لازمة... و ماتتدايقش قوي كده عشان جملتي ده اللي يمكن تحسسك انها رد طبيعي للفته اللي بدأت بيها البوست
لإنها مش مجرد رد تلقائي ناتج عن تلك اللفتة.. لأ ده اكار شديد لها ولده إعجابي الحقيقي بالبوست
******
نبص نلاقى الكلام عدائى لكن مافيهوش اى معانى
جملة حقيقية قوي
كلنا متغاظين وشايطين.. مين فينا بعمل حاجة تخلي كلامه له معنى؟؟
ولا حد
س لما حل الفزوره هو حنفي أمال إنت حاطط الـ lable إجتماعايات ليه؟؟
:))
على فكرة.. كلام المسجون بيوجع قوي
عدى النهار
تعرف
احيانا بنبقى محتاجين دمار شامل ومحتاجين نوصل للقاع اللى ما بعدهوش قاع عشان نعرف نبنى
يمكن يكون ده رأيه وبيعمل كده عشان قلبه على البلد
رحيل
انتى بايعانى جامد يا رحيل
بس لعلمك
التاريخ بيقول ان الحكومات الديكتاتوريه دى لما الامر بيبدأ يفلت من ايدها وتبتدى تتهاون مع المعارضين وتسمح بالمتزمرين والمعتصمين والمضربين
لازم لازم قبل نهايتها تقوم تضرب الكل ضربه جامده ويا صابت يا اتنين عور
اعتقد يوم الضربه الكبرى قرب
الغالية زوجة المحظوظ
بصراحه انتى اللى مالكيش حل
دماغ كبيره بجد
دوبا
سعيد بمعرفتك جدا
ويارب تدوم الصداقه
وغصب عنى تعليقى عندك اللى مش عاجب حد
يمكن عشان احنا من جيلين مختلفين
الدنيا اتغيرت قوى عن ايامنا
تحياتى وفى انتظارك دائما
كاميليا
التحية لكى
على العقل الكبير
والقلب الرحيم
والنفس الحساسه
والروح الشفافه
مدونتك بتقول انك انسانه جميله قوى
اللى زيك بيخلى الحياة حلوة
تحياتى لكى
هانوده
والله يا هانوده كل كلامك بلسم وكل ارائك ممتعه وكل مشاعرك رائعه
كل ما اقرالك اسال نفسى
معقول الرقه دى كلها؟!!!
ربنا يحفظك يا جارتى العزيزه
مالوش لازمه
دمه تقيل
مالوش اى معنى
فزورة
ايه مش كفايه تواضع؟؟
احلى ما في البوست
انه اخدنا لدنيتنا تاني
بشكل كريكاتيري مؤثر جدا
رسم بسمه من جوا الغمه
ويا آآآه ياني
لفيت بنيا 26 سنه في مصر في ثوان
خد بالك من عيالك
انا سمعت رزع وخبط كتير بصراحه
وقالوا انهم جم خادوك
قولتلهم علي فين
قالولي اصله عامل شغب كتير جدا
والناس الي فوق قالت للناس الي تحت
والناس الي تحت جت عشان تهد القمم وتخرس الاصوات
خالي بالك من صوتك يا هارملس
خلي بالك من نفسكك
المطوفان مش عاتق
والجو مش رايق
والزمان عمره ما كان صادق
القلوب مزيفه
والوشوش خداعه
والضحكه صفرا خبيثه وراها انياب
ما دا الطبيعي
من عاشر القوم اربعين يوم صار منهم
واحنا شوف بقانا كام سنه في الهم دا
ما علينا انا شكلي بعك
وهتاخد ان كمان يا عم
انا مش لاعبه
انا هنزل اشوف الي فاتني واعلق بمزاج قبل ما
ولا بلاش
سلام يا هارملس
بعد اذنك انا اضفتك لقائمة اجمل البلوجز اللى بازورها
لك تحياتى
أولا اشكرك جدا على تعليقك في مدونه تأملات قلب
ليس شكر لمجرد مرورك وتعليقك
ولكن لأن التعليق جاء في وقته
أشكرك بجد
وبعدين الفزورة دي صعبه أوى
يلا بلا حنفي بلا مبارك
ربنا يتوب علينا
بوست متميز أخي الكريم
وفقكم الله
انا قريت كام بوست كده وعجبونى
انت دماغك عالية يا باشا
يا ترى رجعت اسكندرية ولا لسة
و ياترى ايه اللي وداك كايرو؟؟
عارفاها السفرية ده اللي تفضل مكشر فيها و بتقول .. فينك يا اسكندرية
زمردة
دائما يسعدنى وجودك يا صديقتى الرقيقه
ودائما ترضينى ارائك وتعليقاتك
اشكرك واحييكى
جهينة
اخيرا عدتى وعادت تعليقاتك الجميله
واحب ان اقول لكى ان اذا نجح النظام فى اسكات اصواتنا الهامسه الضائعه تافهة التأثير منتهية الأثر فسيكون هذا هو النجاح الوحيد الذى اصابه بعد فشله فى كل شئ
فهل نضن عليه بنجاح واحد يباهى به التاريخ؟
ربنا يستر
كاميليا
اشكرك شكرا لا آخر له
فلقد اعطيتنى من التكريم ما يفوقنى
اتمنى ان يدوم رأيك فى كثيرا
تحياتى
سلوى
الشكر لكى يا عزيزتى
والفرح لى بمعرفتك ومعرفة مدونتك
واكتساب صديقه فى مثل نقاء قلبك وجمال روحك هو مكسب كبير
صحيح اخدتلى فى مدونتك كلمتين فى العضم لا استحقهم
لكن مكافأه معرفتك اكبر من اى شئ
احييكى واشكرك
الباحث عن الحقيقه
قرأت فى مدونتيك يا صديقى الجديد ما سرنى ورفع معنوياتى واثار عاصفه من التفكير فى عقلى
والتفكير يحتاج تفكير لكى يخرج الى الورق فى صورة مفهومه وغير مجتزءه
لقد ارهقتنى
ولكن لنا عوده لنقاش سيكون مثمرا للقارئين ان شاء الله
والى هذا الحين تقبل يا صديقى تحياتى واعجابى
هانوده
لسه راجع حالا
وساعاود نشاطى على الفور
اتمنى لكى كل سعادة يا ارق الناس واشكرك على كلماتك الجميلة
طيب هو بيت حنفى هيتخرب ايه اكتر من كده نقول يخرب عقلك يا حنفى
الا قولى هو جاله العقل امتى
Post a Comment