Tuesday, August 7, 2007
عم ابراهيم
عم ابراهيم الفراش زميلنا فى العمل
انسان كالملاك
اذا نظرت الى وجهه تشعر انك تنظر الى احد اهل الجنه
نفسيه صافيه جدا
قلب طيب جدا
ادب غير معقول
سعة صدر وقوة تحمل اسطورية
بقاله كام يوم حزين
عينه تنطق بحزن صامت قاتل
ابتسامته انطفأت وذبلت
خطواته تثاقلت
مرحه صار ذكرى
مداعباته الخجلى تلاشت
دعواته لكل فرد منا صارت تمتمه حزينة
وفى صمت وبالتدريج
توترنا جميعا
واضطربنا كلنا
وزحفت الكآبه علينا
وتسلل الحزن الغامض لقلوبنا
حاول كل فرد منا على حدى معرفه اسباب حزن عم ابراهيم
وكل المحاولات فشلت
عم ابراهيم صامت
لا اجابه لديه سوى الحمد لله
آه يا عم ابراهيم
كم انت غالى
كم حزنك مؤثر ومتعب
وفجأه انكشف السر
باح عم ابراهيم بالسر لاحدى الزميلات فنقلته لنا فى ثوانى
عجبا
كلنا لم يعد لنا موضوع سوى مشكله عم ابراهيم
لا عمل ولا مواعيد ولا التزامات ولا تعاقدات ولا واجبات ولا اى شئ
فقط عم ابراهيم
ابنة عم ابراهيم ستتزوج
والزيجه مهدده بسبب الفين من الجنيهات
اسودت الدنيا فى وجه عم ابراهيم وفشل فى التصرف
رأى من قسوة الحياة ما لم تراه روحه الراضيه فى عمره كله
انكسرت نفس عم ابراهيم وركبه الهم وشعور العجز بسبب هذه الجنيهات اللعينه
لم ينتهى اليوم الا وكان ضعف المبلغ فى جيب عم ابراهيم
وعادت البسمه لوجهه الملائكى
وعادت مداعباته ودعواته
وعاد كل منا الى عمله راضيا مطمئنا
وبالامس كنا كلنا فى فرح ابنة عم ابراهيم
فى الشارع فى منطقه شعبيه
مئات من محبى عم ابراهيم يقبلونه ويهنئونه ويحيطون به
وهو يحتفى بنا نحن زملائه فى العمل
يظن انه يتشرف بنا
والحقيقه
اننا الذين نتشرف به
Subscribe to:
Post Comments (Atom)
45 comments:
أنا أول من سيعلق...معقول؟
بوست بيلمس القلب..هؤلاء الناس اللي كتير من الأحيان بننسى وجودهم الأساسي في حياتنا متلهم متل أي فرد من عائلتنا بينما هم يعتبروننا عائلتهم و لا ينسون ذلك أبدا
تحياتي
يا باختوكوا بيه وياباختو بيكم
رجاااااء ممكن تُحط ستارة على السِحنة اللي على اليمين؟
اقسم أني رأيت عم إبراهيم قبلا
بنفسه الصافية و مداعبته الخجلى ودعواته الصادقة
ولكني لا اعلم أين
في احد المدارس اللتي مررت عليها؟؟
بواب أحد عمارات العيلة أو عمارتنا؟؟
بائع أحد البقالات التي تعودت على زياراتها
أحد الكمسارية الذين تعودتهم أيام ما كانت الترام مواصلتي الوحيدة؟؟
لا أعرف
ولكني أعرفه جيدا
وممتنة له .. أنه بشخصيته هذه يملأ بلدي.. يرسخ فيها معاني واخلاقيات يوترني جدا إحساسي بتلاشيها
وممتنة لكم وسعيده جدا
وغيرانة جدا
كنت أتمنى أن أكون واحدة ممن رسموا بسمة عم إبراهيم و نالوا من دعواته
تحياتي
عم ابراهيم، عم رجب كلها اسامى بس المصادفة انك تحكى عليها النهاردة واتلقاها ف الشغل انا كمان النهاردة - ايه هوه موسم عم ابراهبم ف كل مكان - عموما ربنا يزود الخير ف قلوبنا لبعض - تفتكر هاختلف معاك ف ايه المرة دى وكل حرف من حروفك بسمة حنان
تصدق و تؤمن بأيه
من أول كلمه فى البوست وأنا مندمجه مع الأحداث وشايفه عم أبراهيم قصاد عنيه
وطلعت بالمشاعر لحظه حزنه وفرحت ساعه فرحته كانه موجسد
أحييك على أسلوب راقى عميق هادف
كان نفسى أوى ربنا يقدرلى أتوجد فى وسط مجموعه عمل مثلكم فأنتم أسره واحده
ولكنه قدر لى عدم العمل
فانا سعيده أنك نقلتنى لأجواء أحبها
عم ابراهيم
مبارك لابنتك وزيجتها المباركه
بقلوب ودعوات احبائك
هذا ما جنيته ..حب الناس وشرفهم بك وحنان من زرع بذرة الحب
عم ابراهيم
من كلمات محبيك
احببتك
فمبارك لك
الراجل الطيب عم ابراهيم يستحق كل الحب والتقدير منكم جميعا وانت وزملائك تستحقون حب وتقدير كل من يقرأ البوست .ويا بختك بدعوات عم ابراهيم
:))تحياتى
عم ابراهيم
اراه امامى فى اليوم عشراات المرات
بنفس النفس الراضيه والروح البشوش
بينى وبينك بستغرب
قد ايه فى ناس سعيده وراضيع بقليلها
وقد ايه فى ناس مهمومه رغم توافر كل شىء
سبحان الله
فعلا لو الواحد قعد يدور على معنى السعاده
مفيش غير كلمه واحد بس تلخصها
الرضا
اللهم ارضى عنا وارضنا عنك
تحياتى لبوست حسسنى براحه وهدوء نفسى افتقدهما كثيرا هذه الفتره
عم ابراهيم ده بركه
ربنا يخيلهولكم ويخليكم ليه
والله وحشنى
وكان نفسى احضر الفرح
تحياتي
عم ابراهيم
وجميع زملاء العمل صوره
جميله بتدينا امل ان الدنيا لسه
بخير ربنا يكرمكم جميعا
انا سعيده جدا باكتشافى المدونه الجميله دى
تحياتى وسلامى
أثر فية البوست قوى
سلم لى على عم ابراهيم
وقوله مبروك
تحياتى
اكيد الواحد ممكن يكتسب السعاده من فرح الاخريين
واكيد برضه اننا بنسعي ورا نوع من اراحه الضمير
او عمل شيء بنحس بيه بدرجه من القرب لربنا بعمل انساني عارفين اننا عاملينه لوجه الله
ومن غير اي اهداف
من غير اي مصالح
من غير ما تشاركنا فيه اهوئنا
عمل خالص
مش عايز منه غير السعاده وبس
السعاده ليك في الاول عشان اسعدت انسان تاني
تحياتي ليك وليكم كلكم
لادخلكم البهجه والسرور لشخص في محيطكم
ربنا يقدركم علي فعل الخير و رسم السعاده علي وجوه كل البشر
تحياتي ليك يا هارملس
السلام عليكم ...الناس الي زي عم ابراهيم دول ...هما الي مخلينا لسة قادرين نعيش في مصر....هما الي بيحسسوانا ان الدنيا لسة بخير.....بحبك و بحب كل الي زيك يا عم ابراهيم
كام عم ابراهيم يا ترى لم تنتهى حكايتهم بمثل ما انتهت له حكايه عم ابراهيم
سبحان الله ..
لما قلنا إن الحب لسه حوالينا في كل مكان .. الناس قالوا .. لأ الحب مش موجود ..
موجود وعم إبراهيم يشهد ببهجته اللي بينشرها قبل حدوث المشكلة وموقفكم معاه عند المشكلة .. وبفرحتكم كلكم بعد حل المشكلة
قصة زي دي كفاية عشان تبعث الأمل من جديد في نفوسنا إحنا اللي على حافة الاستسلام
فينك يا عم
أيه أنت لسه مشغول مع عم أبراهيم ولا أيه
رد علينننننننا
عايزين نطمن عليك
diala
افتقدت وجودك يا عزيزة يا ابنة الاعزاء
وسط الظلام الكثيف لازالت المشاعر الانسانيه الجميله تضئ حياتنا
عدى النهار
منور يا استاذنا الجميل
السحنه حتتشال فعلا وستصبح تاريخا اسود لا اعاده الله
قول آمين بقى
هانوده
ومن المؤكد ان عمتك الكريمه رأت عم ابراهيم ايضا
بالمناسبه
ايه اخبار الاجازة؟
الغالية زوجة المحظوظ
مش حنختلف المره دى
اصل انا كنت ناوى اعمل ملحق للبوست السابق للرد على الكثير من الايميلات التى وصلتنى وفهمت منها ان البوست اسئ فهمه عند البعض
وكنت بالمره سامارس هواية الاختلاف معك
وبعدين فكرت ان طبيعة النت والتدوين تلزمنا بالاختصار والاكتفاء بالاشاره دون التفصيل فصرفت نظر
لكن بحر الاختلاف واسع
وربنا يرزقنا قريبا بخلاف
خلاف ودود طبعا
فى القلب
بصراحه وبدون اى مجامله مدونتك رائعه جدا
افكارك واسلوبك ومعانيكى رائعه وجميلة وفيها نظرة فنانة ترى مالا يراه امثالنا من العاديين
ادعو كل من يقرأ هذه السطور ان يقرأ مدونتك ويستمتع بها وخصوصا ارادة قدر ومملكة العشق وسراب
سعيد جدا لان اضفت الى قائمتى مدونيتن جميلتين جدا
مدونتك
ومدونة اخرى ساذكرها حالا
تحياتى
شيماء الجزيرى
الاخت الجميله الرقيقه الحساسة
جمالك يذهب للقلوب مباشرة
اعجابى بكى وبكتاباتك متجدد
احييكى
سهر الليالى
تطول غيبتك كثيرا
ويقل انتاجك باستمرار
وآخر بوست يدعو للقلق
ياترى ماذا فعلت بكى الايام يا اختنا العزيزة
طمنينا
r.r.
عارفه
اسمك المختصر هذا يسبب السعاده فورا عند رؤيته
ودائما يليه كلمات ارق من النسيم
اتمنى لكى الخير كله يا طبيبتنا الجميله
تحياتى
لومى
وصلتله السلام وبيشكرك كثيرا
بس
انتم شفتم بعض امتى؟
مش فاكر خالص
حاجه غريبه
klmat
الاستاذه كلمات
مدونتك رائعه ومزاياها وجمالها لا تخطئهم العين
اعجبنى جدا الاختصار فى الكلمات والتركيز فى المعانى وايصال الرساله المطلوبه بسلاسه ورشاقه
اخر بوست عن الطلبه رائع وقصة ساكن قصادى واقعيه ومنطقيه ومفيدة
ادعو الجميع للاستمتاع بمدونه وبافكار راقيه مصدرها القلب والعقل
وتحياتى لكى على الزيارة والتعليق واتمنى الدوام
ياسمين
افتقدناكى كثيرا يا ياسمين
صحيح انى ظبطت نفسى احيانا اقر عليكى وصحيح لم تمنعنى محبة الخير لكى وتمنى السعاده لحضرتك من القر الخفيف عليكى
بس انا معذور برضو
بتصيفى فى الساحل
وفين؟
فى اجمل مكان
ومع مين؟
مع الاحبه كلهم
ولانى باكتبلك دلوقتى والاحتفال بالاسراء والمعراج شغال فى التليفزيون جنبى
فساكتفى بهذا القدر
حمد لله على السلامه
جهينة
تعليقك رقيق كالعاده
وتحملين كل الخير كالعاده
وتحبين كل الناس كالعاده
وتنالين كل الاعجاب كالعاده
احييكى يا رقيقه النت
Anonymous
عندما يحكم العادلون يختفى المجرمون ويتدارون فى الشقوق
وعندما يحكم اللصوص يختفى الشرفاء ويزهدون
لكن فى الحالتين لا هؤلاء انقرضوا ولا اولئك فنوا
دائما الكل موجود
Mohamed A. Ghaffar
فعلا يا صديقى
هذه هى المشكله
ولكننا نثق فى عدل الله ورحمته بعباده
وفى علمه ايضا
ma_3alina
with underscore
اعتقد يا صديقى ان شعور عدم الامان ومظاهر اذلال الفقراء او حتى الموسرين الذين تصيبهم مصيبه اكبر من امكانياتهم كالمرض
هذه المشاهد التى نراها كل يوم جعلتنا متوترين عدوانيين نافذى الصبر ضيقى الصدر
ويظهر هذا بصورة اوضح عندما نتعامل مع الغرباء فى الطريق او فى المصالح
ولولا تراحمنا مع معارفنا واقربائنا ليأسنا فعلا
تحياتى لزيارتك
بجد شعور جميل منكم وانتم كده فرقتم هنه كربه ومن فرج على مسلم كربه من قرب الدنيا فرج الله عنه قربة من قرب الاخرة
جزاكم الله كل خير
ايه ده؟؟.. إزاي بقى؟؟
أنا كده تهت خالص
:)
أما الأجازة فأنا لسة ماحستهاش قوي لإن حاليا كل اللي بعمله زيارات و مواعيد مع الناس
لسة مواعدتش بيتنا وقعدت معاه
ولا واعدت هنوده و خرجت معاها
ولا فتحت درفة دولابي و سهرت مع اللي فيها
لمايسمح الوقت وكل ده يحصل حاجي بسرعة وأحكيلك أخبار الأجازة
سؤسفني جدا اللي قلته عن محمد هداية لإني كنت بثق فيه و أحترمه جدا
عارف
بقالي قترة طويلة و بدون أسباب بشتاق لإذاعة القرآن الكريم و صوت الشيوخ اللي فيه رتابة و روتين ماشيين عليه بقالهم سنين طويلة
من غير أسباب لقيت نفسي حاسة بأمان وثقة شديده ناحيتهم
الواحد خلااااص مابقاش فاهم حاجة يا هارملس
ياريت تفك الطلاسم عشان أنا كده مش فاهمة حاجة
ازيك يا هارملس
البوست دة خلاني اسرح كتير هو فية كام واحد عم ابراهيم محتاجين مساعدة
كتييييييير ومش هيلاقوا حد يوقف جنبهم
ربنا يخفف عن عم ابراهيم المجهول همومة
الحياة اصبحت هموم تقيلة علي الكثيرين
ومزحة وترف ايضا للكثيرين
يا عم ايه المصايب دي كلها
هدايه والشيخ جبريل
ولسه عارفه ان الوالد الي اسمه محمد
االي حول ديانته للمسيحيه لسه بيصلي وعمل كدا بس حبا في الشهره مش اكتر
العالم اتجننت ولا ايه
القيم والرموز عماله تنهار
والدنيا بتسود وتبقي كئيبه اكتر واكتر
ياربنا
انا تقريبا مش مصدقه والله
ربنا يخرجنا منها علي خير
عرفي؟
مجوزها عرفي؟
يا دي الفضايح يا ولاد والله
نسيت اسألك
هو ليه كدا بجد؟
ليه الظاهر شيء والباطن شيء اخر؟
ليه القول حاجه والتطبيق حاجه تانيه خالص؟
ليه ازدواجيه المفاهيم والقيم والشخصيات؟
هو العيب فينا ولا في زمننا يا هارملس؟
اييييييييييييه ده
المدونة مالها مليانة أحداث سُخنة كده ؟؟؟
المهم
عم ابراهيم .. والناحية التانية عم محمد أبو هند
ياسلاااام
صدفة دي ولاّ مقصودة ؟؟؟
:)
بمناسبة جبريل وهداية ... بحكم عملي ممكن أضيف الضلع التالت بكل ثقة
خالد الجندي ... ولاّ بلاش
رمضان قرّب
ربنــا ما يجعلنا من قطاعين الأرزاق
فيه حاجة كمان عايزة أقولها بعد إذنك
فيه سؤال شفته في تعليق جهينة
العالم اتجننت ولاّ ايه ؟؟؟
بالظبط يا جي جي
بس مفهوم الجنان إتغيّر حبتين عن زمان
Hend
تشرفت بوجودك
دائما المح اسمك فى المدونات ومعه تعليقات انسانية ذات بعد دينى راقى
اشكر وجودك وارجو دوامه ولكى تحياتى
هانوده
الخبر فى المصرى اليوم وبالرغم ان احاديث د. هداية كانت لا تقنعنى ودائما ارى فى كلامه تشدد غير مبرر
ولكنه فى النهايه قدوه للكثيرين وله مريدوه وتلامذته فلماذا يرضى لنفسه النقائص وقد اكرمه الله بما لا يمكن ان يخسره عاقل لاى سبب
يلا
ما علينا
خلينا فى الاجازة
والبحر والتمشيه والاصحاب والاحباب والتأملات والسرحان
يلا
هاتى ما عندك
كراكيب عادل
اخى الفنان الجميل
لم يعد احد يهتم بالفقراء ولا يشعر باحاسيسهم ولا يفهم قسوة حياتهم
الغريب ان حتى التخيل صار صعبا على القلوب المتحجره
عندما يكون اثرياء البلد هم كرامها وعظمائها واشرافها فلن يعانى فقراءها ابدا
واذا كان اثرياء البلد هم لصوصها ومنافقيها ورعاعها وصعاليكها فالويل كل الويل للفقراء
في ناس كتير زي عم ابراهيم بس يا تري في ناس كتير مثلكوا
بارك الله فيك و في صحبتك اعظم اعمال المسلم ادخل البهجه علي قلب مسلم جزاءكوا الله خير جزاء
----------------------
harmless
انا كنت عايزه اسالك الخبر الاي كتبته عن محمد هدايه انت عرفته منين و ياريت لو كان موقع اعطيني اللينك
الراجل ده انا كنت بحترمه جدا يا خساره!!!!
جهينة
والله يا عزيزتى كل الصور ضبابيه
وكل النس صاروا موضع شبهات
ولم يعد من الحكمه ان نثق حتى فى انفسنا
نحن فى زمن الفتن
لم يعد احد يأمن من الفتنه
لدعو الله ان يجعل فى جيلكم الخير الذى ذهب من جيلنا ولا تكونوا امثالنا
أميرة
ياسلام يا اميرة
اسمك منور والله
بيتهيألى عملتى شغل سنه مقدم وحتفضيلنا شوية
من فترة كتب ابراهيم عيسى عن شيخ وداعية شهير جدا ولم يكتب اسمه وحكى كيف انه يتلقى تعليمات من امن الدوله وانه شط مره وتكلم بما يخالف التعليمات
وقص ابراهيم عيسى فى الدستور كيف قبضوا عليه وجردوه من ملابسه وضربوه واهانوه وهو يعتذر ويتوسل ويعلن توبته ويوعد بالتزامه
يا ترى هل قرأتى هذه المقاله؟
دنــــيــــــا مـحـيـرنـي
اختنا العزيزة اشكرك على كلماتك الرقيقه وعلى تواجدك
واشكرك ايضا على كلامك الجميل وارائك المفيده فى مدوناتك
خبر مطلقة الشيخ محمد هداية منشور بتاريخ 13 اغسطس فى جريدة المصرى اليوم ويمكنك قرائته هنا
تحياتى
Post a Comment