Thursday, August 28, 2008

الرجاله هبله


نعم
بدون زعل
وبدون تعميم

الرجاله هبلة
والنساء يتحكمن فيهم
لا يغرنك عظيم ولا مهيب
ستجد له فى النهاية امرأه تحركه كالعرائس
واذا لم يكن فى حياته تلك المرأه بحث هو عنها


رأيت نساءا كثيرات يملكن ثروات ضخمه مصدرها فقط هبل الرجاله
ورأيت رجالا عظاما يملكون الهيبه والملايين المتلتله وفى اخر الليل تجده مسحوبا وراء امرأه نص كم تسوقه فيساق وتأمره فيطيع


انظروا الى هذا الكوكب
نصف سكانه من النساء
وعلى الاقل نصف هؤلاء فى سن المفاتن
اذا لا يوجد اى نوع من الندره
النساء متوافرات بكثره
وكل النساء لديهن نفس المفاتن
الصدور والافخاذ و العيون والسيقان والارداف
من كل حجم وشكل ولون ستجد الالاف


اذا لماذا ينهبل الرجال على اى امرأه تلبس قصير او تضع ساقا على ساق او تخطو بالبكينى على شاطئ العجمى؟
لماذا حققت روبى ثروة طائله بتعريه فخذ واظهار نهد والقفز فوق عجله جيم؟
ماذا تملك هيفاء من مواهب حتى يضع الرجال اموالهم تحت ارجلها؟

لماذا لا تحتاج اى عاهره فاهمه الا شويه دلع وقليل من الكلمات المسَكره وبضع نظرات ناعسه حتى تجد الاموال تنهمر عليها

ما هو مشوار بوسى سمير الا جيبه قصيره وتأوهات تافهه وكلمات بذيئه ورووف وبره وجوه حتى صارت حديث الناس وضيفه الفضائيات وثريه من اثرياء القوم

ما المتعه فى سوقية فيفى عبده وفجور دينا ومياصه نانسى وقلة ادب هيفاء وأنبرة روبى على العجلة؟

وحتى لو فيه متعه فى صفه هنا او خصله هناك
اتستحق كل هذه الاموال وكل هذا الاهتمام وكل هذ الضجيج؟

انه هبل الرجاله الذى تستغله النساء
بالرغم ان مفاتن النساء متوافره بالملايين بجميع الاشكال والالوان



جلست فى جلسه بها عميد كلية طب وعميد كلية اسنان ولواء جيش على المعاش ووكيل وزارة مهندس وآخرون

ورأيتهم ينقلون من الموبايلات بحماس شديد كليب لزينة ظهر فيها صدرها عاريا وكليب لنانسى وهى فى مركز تجميل عارية
حاجه غريبه
الم يروا نساءا؟

حضرت جنازة منذ شهر لسيده فاضله
وظهرت فجأه ابنتها الممثله المعروفه خارجه من مكان عزاء النساء وهى تبكى
تلبس السواد صحيح لكن المشكله ان نص صدرها عارى
وجدت كل عيون الرجال فى اتجاه واحد مع ان العزاء منصوب والقرآن يُتلى
الم يروا صدورا من قبل؟

وعرفت قبطانا بحريا قضى عمره يلف العالم وعندما تقاعد فى الستين من عمره نصبت احدى العاهرات شباكها عليه وهى اصغر منه بتلاتين عاما فتزوجها ودمر سمعة عائلته واشترى لها محل احذيه كانت تعمل فيه بائعه لكى تصير صاحبة نفس العمل الذى ذاقت فيه المهانه سنينا
دخل عليها المحل مره وجدها تمارس الفحشاء مع عامل أجير لديها وعندما رأته صرخت وتصنعت الاغماء ثم اقنعته انها مريضه نفسيا وكانت تتخيل العامل فى صورته هو
تخيلوا اقتنع الرجل وعرضها على الاطباء وارسل بلطجيه كسروا عظام العامل
رحمة الله على الرجل - مات من عدة سنوات خاسرا كل شئ

وعرفت امرأه مهندسة سيدة اعمال وصاحبة مصانع
كانت فقيره لا تملك شسئا سوى طموحها وذكائها وتصميمها على تحقيق اغراضها
بدايتها كانت كلها مجانا
على مدار عشر سنوات هى عمر معاناة البداية حصلت على ارض المصنع هديه من مالك الارض وعلى بناء المصنع هديه من مقاول شهير ومعونات من هنا ومن هناك كلما تعثرت او دخلت فى أزمه حتى صارت اليوم من مشاهير المجتمع واثرياءه

تقول انها فهمت الرجاله وعرفت مفاتيح هبلهم وصار سهلا عليها ان تحصل على ما تريد
ربنا يشفيها عندها مرض خبيث

وعرفت تاجر شهير جدا جدا بالاسكندرية وثرى جدا
وكان ضيفا دائما على صفحات مجلات الفضائح ومدمنا للسيارات الحديثه
وبالرغم انه كان دميما جدا فقد كان يصرف الملايين على البنات الصغيرات
عشرات وربما المئات منهن اخذوا منه اموالا طائله
والغريب انه كان عنينا وفاقد للقدره الجنسيه تماما
مزاجه التعيس فقط ان يجمع عدد من العاريات الصغيرات حوله يتفرج عليهم


وعرفت للاسف رجلا محترما
وكيل وزاره ورئيس احد الاجهزه الهامه فى الدوله وصاحب نشاط اجتماعى كبير وزوج لسيده فاضله واب لابناء كبار
وقع فى حب عاهره رخيصه
رخيصه لدرجه الأرف
جميله ورشيقه ومتناسقة ولكنها رخيصه

وهى اصغر منه بربع قرن على الاقل
وبالرغم ان كل اصدقاءه نالوها بمائه جنيه او اقل ولكنه صمم على ان يتزوجها
عزل نفسه وكره اصدقائه ودمر اسرته وانصرف الخاطبون عن ابنته واصابت زوجته الامراض حتى اوشكت ان تفقد البصر
ولكن لم تهتز له شعره
شقه تمليك وعفش جديد وسياره على الزيرو وملابس فاخره للفتاه التى صارت من علية القوم
ولكنه لم يعرف طعم الراحه ابدا
ساءت سمعته ولم يجدد عمله عقده وتقاعد
وكان دائما يشك فى زوجته ودائما ما يكلف احد بمراقبتها عندما يسافر ودائما ما يجد ارقاما غريبه فى تليفونها ودائما الحياة بينهم ملعبكه
ولم تكن شكوكه خاطئه

فالحقيقه انها اقامت ببعض العلاقات مع الشباب
وكانت لها تبريراتها ومنطقها
وبعد عشر سنوات طلقها بعد ان خسر الكثير


وعرفت ايضا لواء طيار متفوق جدا فى عمله حتى انه كان مرشحا لمنصب من المناصب الرفيعه جدا فى الدوله
تعرف على عاهره لا يمكن وصف فجورها وقحتها
ترك منزله وزوجته واولاده واجر شقه مفروشه وعاش مع عشيقته فيها
ليله صار نهارا
لا يفيقا الاثنان من السكر والبانجو وكل واى نوع من انواع السموم
وسرعان ما تخلص منه الجيش وتقاعد
ولانه ليس غنيا فقد عجز عن سداد تكاليف حياة العربده
وبالتدريج وجد نفسه قوادا لصديقته
يقيم الحفلات فى بيته ويحضرها اصدقاء عشيقته محملين بالهدايا والمشروبات والاطعمه والمخدرات ويخرجون فى الصباح وقد تركوا بعض الاموال
ومرت سنون حتى افاق على المستنقع الذى هو فيه فقطع علاقته بصديقته ورجع الى استقامته وتوسط له اصدقائه وتم تعينه فى وظيفه مرموقه فى مدينه نائيه
اما صديقته فقد تزوجت رجلا اهبل أخر يعمل فى السياحه وسيارتها الان بى ام الفئه السابعه


وشخصيه اخرى لذيذه جدا
رجلا طيبا جدا كل من يعرفه يحبه
يعمل مقاولا ولديه ثروة لابأس بها
الرجل مسكين ميأوس منه
اى شئ يسمع عنه يجرى وراه الى آخر الدنيا
ميلاتونين ماشى
حبه البركه ماشى
بلح سيوة ماشى
عسل جبلى ماشى
غذاء ملكات النحل ماشى
حاجات محطه مصر من الناس اللى فارشه على الارض ماشى
ثم بعد ظهور الفياجرا واخواتها

برطمنات حبوب من كل نوع ماشى
كل ده ومافيش فايده
وبالرغم انه زوج واب لمعيدين فى الجامعه
لكن برضو رايح جاى معه صديقه يصرف عليها دم قلبه
سفر وفسح ومنتجعات وبره وجوه والصديقه معه
وصديقته تقول بعد ان مر العام الاول من علاقتهم انه ينام وجهه للحائظ ولم يمسها ابدا
هى تقول وهو يضحك فى خجل
طيب ايه اللى رماك على كده؟
هبل الرجال

فى احدى حفلات الروتارى بالاسكندريه حضرته الممثله الهام شاهين
كان هناك مزاد على بعض الاشياء لصالح الاعمال الخيريه
وتبرعت الهام بخاتمها فى المزاد
وتحدثت عن قيمته واهميته لها
وبدأت المزايدات بين الحاضرين حتى رسا الخاتم على احد تجار السيارات المشهورين جدا فى الاسكندريه وبمبلغ ضخم جدا
وعندما استلم الخاتم وضعه فى اصبع الهام شاهين كهديه متواضعه منه لها
صفق الحاضرون طويلا وابتسمت الهام لصاحبنا شاكره
هذا التاجر اعرفه جيدا
لا يصرف مليما فى الخير ابدا
ومقترا جدا على العاملين لديه
سألت نفسى لماذا فعل هذا؟
ما الشعور الذى انتابه فى هذه اللحظه؟
هل الابتسامة التى منحته اياها الهام تستحق هذا المبلغ الكبير؟
ام هو هبل الرجال؟

الهام نفسها كانت متزوجه من رجل اعمال لبنانى دفع لها مليونان مهرا ثم بعد سنتين دفع مليونا لمجرم لكى يشوه وجهها بماء النار كما تذكرون فى الحادثه الشهيره
ما اهبل الرجال


كل ما فى هذا البوست حقيقى تماما ولولا خوف الاطاله كنت استرسلت فى قصص كثيره كلها دليلا متكررا لا ينكر على هبل الرجال وتحكم النساء فيهم


ولكن سبب البوست تورط المياردبر هشام طلعت فى مقتل سوزان تميم
محير جدا هذا الموضوع
من سوزان هذه حتى يدفع احد الملايين لكى ترضى عنه ويدفع الملايين لكى يقتلها؟
لا استطيع ان اصدق الخبر
ولو كان صحيحا فهى قصه جديده تضاف الى قصص هبل الرجاله

38 comments:

kochia said...

السلام عليكم
الحقيقة الموضوع اللي انت اتكلمت فيه "بدون تعميم كما قلت "
لان طبعا رغم كثرة تلك الحالات مش عارفة هل ممكن نقول عليها ظاهرة ؟؟

وبما اني امراة مش هقدر اقول كلام حقيقي 100% لكن هي وجهة نظر فقط ارجو تقبلها
كل ما قلته بدون تعميم هو صحيح وانا اراه علي مستويات اثل من ذلك في المجتمع من خلال الواسطة بين الرجل والمراة في المكاتب الحكومية مثلا
او في المعاملات
او اي نوع من التجاوزات اذا طلبه رجل او اذا طلبته امراة
اري ان كلام الست حتي لو لم تعري جسدا هو مقبول

اري ان الرجل وضع غريزته محل العقل في هذا
وان هؤلاء النساء قد خاطبوا الغريزة سواء بارادتهم او لا
يعني من تعرت عن قصد مثل مطربة ما
او من تملك جسدا جميلا لفت اليها الانتظار

واكثر الفتنة علي الرجال هي النساء
اليس كذلك ؟
والعلاج في غض البصر وهو من المكارم
والاستمتاع بما احله الله

اما من تبيع جسدها لتكسب قدرا من المال باجتذابها الرجال في حفل او شارع او او فو وجدت ان ذلك لا يكال بكيال لدي الرجال معظمهم فسوف يكف ذلك بالتدريج لان المراة لا تتعري الا لعلمها انها تكسب شيئا من وراء ذلك
والتعري عندها ليس للتعري فقط بل هو وسيلة لشئ اخر

ده مجرد راي
اشكرك

موضوع مميز
تحياتي

وجهة نظري said...

كلام صحيح، ودا موجود علي مر التاريخ وفي كل الدنيا

الدمعه said...

السلام عليكم

سبحان الله كلامك صح بس بردو في هبل سيدات ولو حصرت قصص هبل المرأة اظن تعادل الرجل او اكثر كمان

هذا هو طبيعه في الانسان عامه


تسلم ايدك على الموضوع الشيق

Anonymous said...

اولا الحمد الله ان المحيطين بنا من الوسطية هم اصحاب الياقات السوداء ولا اريد ان اتعامل باى حال من الاحوال مع هؤلاء التفهه - وعلى راى اللى قبلينا الدنيا ما تهونش الا على الغلبان - ولكنه ليس غلبان لانه ما زال يجرى وراء قيمة وهدف يسعى اليه بعيد عن اغضاب الله وما زال يخاف الله - مين عارف لو كان المال بين يديه كما ذكرت لربما كان اسواء ممن ذكرت ولكن المرض ف كثرة المال فهو لعنة يصيب من يعديه بجنون العظمة - فصاحب المال الوفير عندما يوضع امامه ميزان مراجعة ممكن ان يعين شخص حتى يقراءه له واخر حتى يفهمه ايه المغزى وايه النتيجة وبس خلاص - عندما ياتى المال يكسل العقل عن التفكير - هذا ليس تعميم ولكن - اريد ان اضيف الى حالات الفساد التى ذكرتها حالات الاكتئاب والانتحار والمرض النفسى - فهذا ايضا ياتى فى وجود وفرة المال وليس من قلته - فهناك من ظل يكافح ف الحياة برغم انه قد لا يتحصل الا على لقمة او قد لا يراها يوما ولكن هناك من لا يطيق ان يحاول فهم مفاتيح سعادته ولا يملكه ماله له - انه تعجيز المال للعقل - بصرف النظر عن ان الرجالة هبلة فالنساء ايضا تافهه - وعادة ما يتقابل الصنفان فى سلة واحدة -
اعمال العقل الطموح فى ظل محددات قيمة الانسان يؤدى الى نتائج مرضية من كل الجوانب ولكن اعمال العقل من اجل الطموح فقط فهنا ياتى مبداء الغاية تبرر الوسيلة ويظهر مبدا " النفس تقرر والعقل يبرر " -

bastokka طهقانة said...

اللهم بلغنا رمضان و اعنا على صيامه و قيامه و اجعلنا من عتقائك من النار في هذا الشهر الفضيل
امين
أختكم
عبير عبد الشافي صاحبة مدونة طهقانة و كلبوزة لكن سمباتيك

سلوى said...

طبعا ما ذكرتهم حضرتك نوعيه موجوده

ولكن هل السبب فيها
هو هبل الرجل أم ذكاء المرأه
أم تبادل المنفعه

هي تكسب بعض المال وتفقد نفسها
وهو يفقد أسرته وماله ويكسب التقرب منها ولو لفتره

وما يكسبها الإثنان دوما إلى زوال :)

يبقى الإتنين هبل
حتى:)
ولو تخيل كلا منهما أنه أذكى البشر وفاز بما يريد

ففي النهايه
كل شئ يزووووووووووول

بوست غير عادي من حضرتك
فعلا بوست جديد :)

كل سنه وحضرتك طيب وكل من حولك

احساس لسه حى said...

عزيزى

انت رجل وتعلم ما يفعله جسد
المراه فى الرجل

اه مش كل الرجاله بتضيع نفسها وحاجات كتيرة علشان النساء

لاكن هناك بعضهم الذين يفعلون ذلك

فالرجل رغبته هى مفتاح قلبه

فاذا اثارت امراه رغبة رجل

تحكمت فى قلبه وبالقلب يمكن ان تتحكم فى باقى الاعضاء كالعقل

وهناك نساء ايضا عندما تحب تبيع كل شئ من اجل حبها

لاكن حب المراه بيكون لرجل ولشخصه

لاكن حب الرجل بيكون للنساء عموما ولامراه خاصة


كل سنه وانت طيب

رمضان كريم

تحياتى

سلام

Doba said...

أثر ما احبه ويستهوينى فى كتاباتك وماتحتويه سطورك هو الخبرة المتواضعة

أرى انك تعاملت مع كثير من الشخصيات المرموقة وغير المرموقة ولكنك تعلمت من كل منهم الكثير والكثير والثبات على الفكر الراجح يحتاج لنضوج مميز وعقل متزن حباك الله به

الرجاله مش هبلة على فكرة
الرجالة غلابة
بيفتكرو انهم بيحققو حاجات وهم بينفذو اللى انت قلته لكن لو فكر الأسلام فارض عليه ايه وانه يحتوى اهله وبيته وأولاده وازاى ممكن يستمتع جدا وهو بيصرف على أولاده وعلى الفقراء وانه يساعد البشر ويتواضع للى خلقه بدل ميتغر باللى فى حافظته
===========
عجبنى جدا راجل شفته مرة فى برنامج اللى هو عمل جايزة الرئيس الناجح مش فاكرة اسمه بصراحة

اشتغل كتير قوى وبقى ملياردير ودلوقتى بطل يشتغل وبيقول الفلوس اللى معايا مش هتخلينى اركب غير عربية واحدة واسكن فى بيت واحد واكل 3 طقات فى اليوم والفلوس مش هتزود سع الأنسان بتاعت اليوم وده وقت رد الجميل - او Time to pay back هو قالها كده

ودلوقتى بيشتغل هو ومراته وولاده فى مساعدة المجاعات وبتوع السرطان ومعالجة الطفال ومال إلى ذلك

عجبنى النضوج ده والعقل ده وانه متمسك بمبادىء ومحازشى عنها

يمكن ده حقيقى بالفعل ويمكن لا ولكنه بالفعل أثر فى رأيى
==================
عفواً أطلت عليك ولكن موضوعك جعلنى أشعر بالخيبة لما يشتت عقل الرجال فى هذه الآونة بدلاً من التمسك بمبادىء ومحاولة تحقيقها مهما كانت المصاعب فهى خلقت للرجال

تحياتى لما تثير من موضوعات
هبة

hussein said...

ياااااه
كل الحكايات دى تعرف اصحابها عن قرب . انت فعلا لك حق تقول ان كل الرجاله هبله
بس تقول ايه على الستات و البنات اللى لو قلتلهم بحبك مينموش الليل و يعملولك اللى انت عايزه واللى انت مش عايزه
تفسر بايه انك تشوف راجل عنده 50 سنة بيبوس فى بنت عندها 20 سنه فى الشارع مش حتى فى عربيه لانه اصلان معندوش عربيه
تفسر بايه الست اللى بتقتل جوزها و ترمى ولادها فى الشارع علشان راجل ميساويش ربع جنيه
الرجالة و الستات الاتنين اهبل من بعض وللاسف احنا فى عصر كل واحد بيدور فى على شهوته و بس
موضوع جميل كالعاده تحياتى و رمضان كريم

زُمُرده said...

كل سنه وانت طيب
مش بترد ع التعليقات ليه؟؟؟

كراكيب عادل said...

كل سنة وانت طيب

فعلاااا فية رجالة هبلة

وفية برضو ستات هبلة

Hannoda said...

أولا كل سنة وإنت طيب و بخير

جيت و ققريت البوست من فترة ومالحقتش أحط التعليق

حكاياتك أحبطتني جدا و خلتني أدخل في حوار مع نفسي طويييل

بس مش ملاحظ إن الصفتين السيئتين اللي بروزت فيهم كل من الطرفين .. الراجل و الست من خلال الحكايات كلها هم صفتين بيكونوا موجودين في نوع واحد بس من العلاقات؟؟

وهي علاقات الشهوة فقط

طالما الحب و الاحترام مش موجودين بين اتنين يبقى مافيش أي قانون أ×لاقي أو إنساني يحكم العلاقة

لااااازم يكون فيه دوافع تانية غير آدمية تبروز العلاقات ده

وبما إن المحرك الأكبر للست مش الشهوة فتلاقي المادة هي الغالبة
ولإن الراجل عادة هو مالك المادة وفي نفس الوقت هو الأضعف أدام شهوته فتلاقي الشهوة هي اللي بتحركه
وطالما كل طرف لاقي عند التاني اللي بيحتاجه و من غير حدود يبقى لازم يحارب عشان الطرف التاني يفضل موجود في حياته

بحاول أفسر الحكاية بشكل متعقل قوي.. بعمل فيها عاقلة وو محايدة

يمكن عشان أغطي على احباطي من خيانة الرجال الدايمة و اللي ممكن تفاجئ أي بيت في لحظة و تقلبه رأسا على عقب وسط هدوء و أمان طويل

harmless said...

kochia

انا فعلا كتبت هذا البوست وانا محتار من تأثير النساء على الرجال واستدعيت بعض الصور التى شاهدتها فى حياتى والتى كانت تصدمنى وتصيبنى بالحيرة

وكثيرا ما سالت نفسى
هل قاوم رجل يوما امرأه استهدفته؟
هل الرجال لا يقولون للنساء (لا) ابدا؟

بالمناسبه
بوستك الاخير رائع

تحياتى

harmless said...

وجهة نظرى

انا معك
هذه تبدو هى الحقيقه

harmless said...

الدمعه

قصص هبل الستات قليله جدا بالمقارنه بهبل الرجاله
اعتقد ان قصص هبل الستات كلها قصص حب من طرف واحد وهو على ما اظن الاسلوب الوحيد التى تقع فيه امرأه تحت تأثير رجل

والحب من طرف واحد هو اكبر مصيبه تصيب انسانا رجلا كان او امرأه
مصيبه ستبهدله بهدله لا اول ولا اخر لها
اسالينى انا

ربنا يحفظ الجميع

harmless said...

الغالية زوجه المحظوظ

ايه رايك انى متفق معك فى كل ما كتبتيه؟
دى اول مره نتفق مية فى الميه مش كده؟

اوعى يدوم هذا الحال
المشاغبات معك لا غنى عنها

تحياتى

harmless said...

bastokka طهقانة

آمين يا رب
كل سنة وانتى طيبه

أسوور said...

البوست بتاعك دة هام جدا بالنسبة لى
وجاى فى وقته
ويمكن يكون رأيك دة هو سر عذابى واعتزالى وتقوقعى
وخلتنى أسأل نفسى بجد .. أنا ليه مكتئبة كدة ؟؟ .. مكتئبة بجد لدرجة اللف على الدكاترة
السر يا صديقى العزيز انى أردت أن أكون امرأة مستقيمة .. واكتشفت انه مش نافع فإكتئبت
اكتشفت انى يا إما أكون امرأة .. يا إما أكون مستقيمة
وانه ما ينفعش اكون الإتنين..
المستقيمة ما تبقاش ست حقيقية فى نظر الرجال ومنهم طبعا جوزها
والمرأة ما تبقاش مرأة إلا اذا كانت لعوب
قلبت علية المواجع .. أو يمكن هى متقلبة لوحدها
تحياتى لصديقى العزيز

دنـيـا محيراني(ايناس لطفي said...

ماينفعش بوست زي ده يعدي من غير تعليق بس رمضان كريم
اكيد في العيد هاكتب كتيررررررررررررر
بس بوست حلو اوي وسكاي لايت راده ببوست
فظيع برضه علي نفس الوتيره
لازم اللتنين يترد عليهم
اكيد هارد كتيرررر اصل الموضوعين حلوين اوي بعد رمضان كل سنه وانت طيب

Anonymous said...

مساؤك خير أخى العزيز
كالعهد بك متميزا ..
ادراج جرىء " و شهد شاهد من أهلها " ههههههه

رمضان كريم و ليلة قدر مباركة
اعتذر عن التأخر و لى عتاب لتأخركم
تقديرى و احترامى
ناديه طه
مدونة حوريه من الاسكندريه

فى القلب said...

أولاً كل سنه وأنت طيب
ووحشتنا جدا جدا

ثانياً لقد قرأت هذا المقال منذ فتره ولم أستطيع الرد فى ذلك الوقت

ثالثاً أنا أعترض لاول مره على فكره من أفكارك التى دئماً ما يبهرنى عمقها وأقف أمامها طويلاً متأمله

وو جه أعتراضى هوأن الرجاله مش هابله ولا حاجه
فى فى وقت من الأوقات و تحت ظرف معين وفى مرحله عمريه بعض الرجال وليس الكل يشعرون بالوحده وبأحتياج شديد للعاطفه والأحتواء والأهتمام وليس كل أنسان سواء رجل أوأمرأه يستطيع أن يكون بنفس القوه النفسيه لأخيه الأنسان الأخر
هناك من ينزلق وراء المحترفات و الكلمه المعسوله التى يظنها أحتواء وهذا يكون من ذوى الحظ العاثر
وأخرين يجدون المرأه الحقيقيه والتى من الممكن أن يقابلها فى سن كبيره وتكون أمرأه حقيقيه وتخشى الله وهؤلاء لا نسمع عنهم لأنهم يعبرون الحياه فى هدؤ
لا نعرف ظرف كل رجل مما جاء زكرهم فى مقالكم
لا نعرف أذا كنا فى مثل ظرفه النفسى و الأحتياج ماذا نصنع

أما أختلافى الأخر فهو تعريف المرأه

نعم الجسد يحتوى على نفس التفاصيل
ولكن فى وجه نظرى كل تفصيله تختلف من أمراه لاخرى وهذا يؤدى ألى أختلاف المتعه من واحده وأخرى
ولا ننسى الأحساس فنحن النساء مختلفات فيه

أرجوأن أكون أستطعت توضيح وجه نظرى
وأخيراً

متغبش علينا كتير عشان بنفتقدك

Hannoda said...

فينك بس

حاسة المدونات فاضية في غياب حضرتك

كل سنة و انت طيب

تحياتي

جسر الى الحياة said...

بحان الله اول مرة الاقى راجل يتكلم بموضوعية كده على مع ان كل الرجال بيرموا المصايب اللى بتحصلهم على ان الست هيا السبب لاول مرة الاقى رجل محايد بيقول برضه ان فيه رجالة لاغية عقلها وماشية ورا غريزتها بجد باحييك على البوست الواقعى والملموس لكن برضه باقول ان فيه ستات شياطين على الارض مهمتم افراغ جيوب المغفلين من الرجال والغاء عقولهم ومنهم لله مش هيوردوا على جنة ابدا لانهم من خرابين العقول والنفوس والبيوت

دمت فى الخير وللخير

R.R said...

عندما اسير فى الشارع من اكثر ما يضايقنى نظرة الاخرين-خاصة الرجال- كم اكره فعلا الفضول رغم انى واخريات م صديقاتى والحمد لله فتايات محجبات -مش الحجاب الموضه الحمد لله- الا انى ارى ان الرجال تحاول باعينها اختراق ما يستر اجسادنا
كم يضايقنى ايضا عندما اتحدث مع احد زملائى فى مواضيع تحمل من الجديه والاهميه ما لا يجعل العين تلفت الا صغائر اخرى
الا وانه للاسف يحدث
الرجال هم من جعلوا من النساء تلك الاداه التى تستنفذ اموالهم
لانهم يخاطبون اجسادنا ولقلما يخاطبون عقولنا
دائما ما يمتدحون الجمال الشكلى لا العقلى
حتى الرجل مع زوجته يمتدح صفاتها الجسديه بالطبع تريد المراءه وتحب هذا المديح لكن فى راى ان هذا ما يحول من عقول النساء والاتى هن الامهات ومربيات الاجيال الى عقول تافه تسعى فقط لارضاء الرجل من النواحى الشكليه ولا تسعى ان تزين عقلها الذى فيه بناية لاجيال ولامم
فنداء لكل الرجال خاطبوا عقول النساء بالاضافه الى جمالهن
خاطبوا عقول بناتكم زوجاتكم صديقاتكم اخواتكم لا تتفهوها لا تجعلوا منا فقط اداه للمتعه لكى يصلح حال المجتمع

حياتى لك ولموضوعك الشائك

Hannoda said...

كده برضه؟

كراكيب عادل said...

فينك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

إيمان قنديل said...

يمكن كلامي حايزعل الناس مني





بس انا نفسي هشام طلعت يطلع براءه


والله أنا لا أعرفه ولا يمت لي بصله

إيمان قنديل said...

ليه لغيت تعليقك من عندي؟؟؟




زعلان مني والا حاجه؟

Hannoda said...

كده فات على البوست ده تقريبا شهرين ونص

طيب ايه؟؟

ماتقولش ان هارملس مش حايكون في التدوين تاني

بجد ما ينفعش

افتقدناااااك

إيمان قنديل said...

صديقي



افتقد نقدك لي

R.R said...

هارملس
لماذا كل هذه الغيبه ارجو ان تكون بافضل حال

Amira said...

لي فتره لم أقرأ لك
أتيت و استمتعت للغايه

البوست واقعي و بسيط لكن به تساؤلات عميقه تدعو للتأمل

امتعتني للغايه بقرائته

ثم تنبهت الى تاريخ البوست و عجبت من سرعة مرور الأيام
!!!!!!!!!
أين أنت؟؟

البوست السابق اكثر من رائع
طرقة شرحك لنظرية الجهاد أراحتني و اجابت على اسئله عده كانت تدور بذهني


تحياتي
و يا ريت الغيبه ما تطولش

R.R said...

ليه الغيبه دى
ارجو ان تكون بخير

سلوى said...

كل سمه وحضرتك طيب وبخير وصحه وسلام
أنت وكل من حولك


فين حضرتك؟
ليه الغيبه دي ؟

أتمنى تكون والجميع بخير

Hannoda said...

أنا جيت أقولك كل سنة و حضرتك طيب و يارب تكون على غرفة السنة ده أو السنة الجاية يااارب

يارب تفتح التعليقات قلب بكرة عشان تعرف اني قلتلك كل سنة و انت طيب قبل العيد

ماهو انا ماعنديش طريقة تانية أقولك بيها كل سنة وانت بألف خير وسعادة

حلوة الدنيا said...

كل عام وأنت والأسرة والأمة الأسلامية بخير

kochia said...

(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)

R.R said...

;كل عيد وانت طيب