Wednesday, April 9, 2008
نصيحة
والله يا بنى اخاف عليك
كلما مر زمن وانطوى عام يزداد خوفى
اعلم ان الحياة ألم ومعاناة ومصاعب ومصائب
هذا يا بنى قدر الله كتبه على ابن آدم
عشها يا بنى
لكن عشها رجلا
فقط رجل
لا ترضى الا ان تكون رجلا
لا يخدعنك ما تراه
لا يغرنك فرعنة الفراعين ولا تعالى السفاحين ولا غرور التافهين ولا سفسطة المخنثين
لا يا بنى ليس هؤلاء رجال
مهما كبروا ومهما تحكموا ومهما حكموا ومهما علوا
والله يا بنى لا يمتوا للرجوله بصله
اذا رأيت سرور يستغل علمه وذكاءه فى الكذب
اذا رأيت شهاب وقد اسود وجهه الكئيب
اذا رأيت بدراوى وهو يلف ويدور
اذا رأيت زكريا وهو يرتدى كل يوم قناع
اذا رأيت لوقا ينافق ويكذب بالسنه من فى بطون امهاتهم
اذا رأيت هلال وقد حول حياته الى صفر كبير
يا بنى
اذا علمت ان الخونه باعوا دماء الاف الشهداء
ونسوا الدبابات التى داست على اجساد ابنائنا
وتعاموا عن منظر الاسرى موثقين على وجوههم والحيوانات القذره تقتلهم
وجرأوا على بيع ثروة بلدك بربع ثمنها لاعدائك وقاتليك
اذا علمت ان المجرمين تركوا قاتل الالف انسان يهرب
وساقوا اصحاب الاقلام الى السجون
اذا علمت ان اللصوص والمحتكرين واصحاب السلطان قد اخذوا كل ثروات بلدك وتركوا الشعب كله لا يجد طعاما يأكله ولا ماءا يشربه
يا بنى
ليسوا هؤلاء رجالا
ولا اشباه رجال
انهم مخلوقات بشعه لا تمت للرجوله بصله
يا بنى
كن رجلا
الرجل لا يكذب
الرجل لا ينافق
الرجل لا يكون ذليلا
الرجل لا يخون ابناء وطنه
الرجل لا يظلم اذا تمكن
الرجل لا يرضى بمليم يأتيه من سحت
يا بنى
كن رجلا بنفسك
ولنفسك
كن رجلا فقط لانك تريد ان تكون رجلا
كن رجلا
فاذا نظرت فى مرآه احترمت ما تراه
Subscribe to:
Post Comments (Atom)
35 comments:
كم تشتاقين يا مصر الى الرجال
اللهم ارزقنا رجلا يطهرنا من اشباه الرجال
ماشاء الله اول زيارة وان شاء الله مش الاخيرة
الرجال هم مشكطلة فى هذا الزمن اين هم والله لو صلحوا لصحت امة المصطفى صلى الله وسلم
كل التحية اخى الكريم
صدق المثل القائل
رجل والرجال قليل
=================
وأنت من الرجال القلائل في تلك الدنيا ، أتعلم أنني ودون أن أدري أقول يابخت زوجته أذا كان متزوجا ، وياسعدها تلك الذي سيرتبط بها أذا لم يكن مرتبطا بعد
==================
موش نق والله بس أنت حقيقة فريد من نوعك ولا أجاملك اذا قلت أنني أسعد بتعليقاتك عندي وأشعر أنك المرآة التى أحتاجها حتى أري ما اخبئه عن نفسي عمدا وأستعباطا مني
فى الحقيقه لم أقرأ البوست
انا احمد مهنى
من مدونات مصريه للجيب
انا هبعتلك ميل
لو موصلكش دور عليه فى الجنك ميل او ابعتلى
sneen.blogspot.com
ahmed_mahana_me@yahoo.com
على الرغم من المرارة التى أشعر بها معلقة فى حلقك وانت تكتب هذه الكلمات
على الرغم من ان من المفترض ان يكون كل من فى وطننا رجال ولكن للأسف ألتهم الشيطان وأغواهم وذهب بهم إلى حيث لا عودة
على الرغم من الخو فالشديد الذى يتملكنى انا الآخرى على وليدى ومستقبله وطريقه فيما بعد
ولكن كل ما أعلمه أن بتعلمه تقوى الله سيفلح وان إتقى الله آبئه حفظه الله فيما بعد بحق تقواهم له
علم ولدك كيف يتقى الله فى كل شىء
فى أفكاره
فى ردود أفعاله
فى حبه للناس
ومن حق تقواه لله يملك مكمن قوته ويصبح رجلاً عن حق، ولم لا وهو معه الله حسبه فى كل وقت ومكان
لك كل التقدير على ما تطرح
وكل الامنيات بمزيد من النجاح
هبة
قبل ما اشكرك احب بس اشكر الشخص اللي دلني على صفحتك هذه
جزاها الله كل خير
-----------
الموضوع ده شغلني كتسر ومن زمان فكرة القدوه اللي قدام عيوننا وعيون ابنائنا في المستقبل انشاء الله
سمعت احد المحاضرين بيتكلم عن الهند وبيحكي عن شخص كان فقير وبعدين دخل في موضوع البرمجه ولغات الكمبيوتر فأمريكا عينته هناك في شركه عندهم عادي يعني لكن طبعا المرتب اللي هو عندهم طبيعي كان بالنسبه ليه ضخم جدا المهم بعد منه بقت المسأله ان كل الناس عايزه توصل للوضع بتاعه فلوس وامريكا وكده فالكل بدأ يدرس كمبيوتر وبرمجه والنتيجه انهم اتقدموا جدا في المجال ده وبدأوا ينتجوا برمجيات واجهزة حاسب الي
يعني الناس شافت ان اللي تعب وصل للهدف اللي كلنا بنسعاله عيشه مستريحه فبقى قدوتهم وبقى العمل هو الحل
تعالى عندنا بقى تلاقي ان كل واحد فينا بيبص على حد عايش في ميغه وفلوس وكنوز لا حصر لها طيب اعمل ايه علشان ابقى زيه
اسرق
اكدب
اخدع
انهب
اقتل حتى وميهمكش
دوس على صاحبك
دوس على اخوك
يمكن حتى تدوس على ابوك
اعمل اي مصيبه ميهمش
كل اللي يهمك في الدنيا
ازاي تصبح فيها منفوش
ازاي تشفط دم اخواتك
ازاي تسرق اكل اخوك
بيع اوطانك بيع اراضيك
عارك مش انك هتخون
عارك لو سبق اعاديك
سرقوا بلادك هم زمان
ليه متسرقهاش انت كمان
زي ما طول عمرك مسروق
الحق اسرق يالا وفوق
كل اللي ايدينك هتطوله
حطه في جيبك واهرب بيه
هي بقى القدوه عندنا كده
عايز تتغني زيهم اسرق وخون وتاجر حتى في دم اخوانك
يبقى متوقع ايه من الناس كل واحد بينهش في اللي جنبه
حلمك جميل انك عايز ابنك يبص في مرايته يشوف راجل ميخجلش من صورته
ياريت كل واحد فينا لما يبص في المرايه ميخجلش من صورته
لكن المشكله ازاي هنعمل الرجاله دي كلها من غير قدوه ناجحه
علشان تقنع ابنك ان هي دي الصوره اللي يفخر بيها لازم يشوفها ناجحه وكويسه
لازم يحس ان فيه غايه وراء هدفه
مفيش قدامك طبعا غير الألتزام بدينه واخلاقنا الحقيقيه
كلامك جميل قوي
ربنا يسعدك ويحفظك
شرفت جدا بيك
سلاااااااااااااااااااام
عندما فقدت الجدية و الحزم
فقد الاحترام
وعندما فقد الاحترام لم يعد هناك ما يسمع
أنا أتكلم عن علاقة الآباء و الأمهات بأبناءهم
قليلون فقط من هم حافظوا على الجدية و الحزم.. مع التأكيد طبعا على الرحمة و الحب
فنالوا من أبناءهم الاحترام لحد يقترب من التقديس
فأصبح لكلماتهم معني وتأثير و كإنها طريق و نهج يعش الابن أن يسير عليه
أنت تشكو في التدوينة البلد
و أنا أشكو لك في تعليقي علاقاتنا بأباءنا و أمهاتنا
لم يعد هناك من يتكلم بهذا العمق
ولم يعد من يسمع بإخلاص و ايمان
فأصبح الابناء ينتقون ثقافتهم من الحياه
ينتقون خبراتهم من أوساط هم يختارونها .. و الله وحده من يملك أن يحميهم من مصادرهم
هكذا أصبح محيطنا فاسد .. جاهل.. صالح للخداع و التلاعب
أتمنى أن أري من بين جيلنا أباء و أمهات مدركون جيدا لما تقوله هنا.. يلتزمون بمنهج جاد و حازم بعيد عن التهريج و الروشنة و التحضر الذي ارتدى ثوب السطحية و الاستخفاف بالمعاني
أملي يقبع هنا.. في تلك الامنية
بها أرى بلدي عظيمة كما كانت في أيام أأسف لأني لم أعيشها
صدقني...لكم أنا سعيده بحديثي معك
آآآآآآآآآآآآآه
من القلب والله
مصر دايما بلد الرجال
يمكن الزمان اختلف
بس اكيد الاصل لسه موجود
عارف بحس بايه
ان مصر بقت زي الصحرا الجااااااافه
بس في باطنها لسه فيه ميه جوفيه
هما دول امل مصر
وانت منهم
ربنا يكرمك
ويحمينا من الفساد
كن رجلا
فاذا نظرت ألى المرأه أحترمت ما تراه
عباره فى قمه البلاغه والاصرار
ربنا معنا ويكونوا رجالا
.
.
.
أفتقد تعليقك
قال عبد الرحمن الكواكبى
ما بال الزمان يضن علينا برجال ينبهون الناس ويرفعون الالتباس ويعملون بعزم ولا ينفكون حتى ينالوا ما يريدون
واقول انا ما بال الزمان يضن علينا برجال يعرفون الحق والضمير ويحمون العرض والشرف حتى وان كانوا بلا عقول
فان قطرت كلماتك حزنا فلتكن كلماتنا هى الحزن نفسه
فما عدنا على مرمى البصر نجد رجالا وما نراه هو اشباه الرجال اى خلقة الرجال وليس خُلق الرجال
فتحت جرحا فاثرت الما فاوضحت اننا ما زلنا احياء نتألم
تحياتى
عندي بوست جديد تعالى زورنا بيسعدني تعليقك عندي وبأحس أنك أكتر واحد فاهمني
عزيزي....
والله وأنا كمان ضحكت لما شفت الراجل ده
قاعد بيتكلم
***********************************
إحنا بننصح ولادنا كثير
ونتمنى إنهم يكونوا أحسن ناس
بس إللي بيشوفوه
يخللي دماغهم تشت
ومعاهم حق
بس
إن شاء الله
لما يبص في المرايه
حيشوف راجل حقيقي
تحياتي
كل سنة و إنت طيب
زمان أجواء الربيع و الأجازات مالية إسكندرية
وزمان العساكر غيروا من الاسود للأبيض و الساعة كمان إتغيرت و النهار بقى أطول
يارب تكون بتستمتع بكل ده
كل سنة و إنت طيب و سلملي على حتتنا
تحياتي لحضرتك
هانوده
كن رجلا
يالها من كلمات قويه
ووصيه ذات معاني كثيره
أحسنت أحسنت
تحياااااااااتي
اولا القى عليك سلامات كتير
بالنسبه بقى للبوست
شعورى بالظبط وانا بوصل لنهايته
بحسره شديده
لان للاسف معنى الرجوله او احب اسميها الصفات الانسانيه اللى اى بنى ادم مفروض يتصف بيها واللى مش عارفه ليه الاغلب بيسميها رجوله انا عارفه طبعا انك تقصد نفس المعنى بس ده سؤال اعتراضى
المهم المعنىده بيتلاشى بشكل رهيب
ولو قلت لحد النصيحه دى هيرد عليك ويقلك ناكل ونشرب منين
رد اتسمع مليون مره بس فعلا اول مره السنه دى احس بيه لدرجة انى بقيت التمس الف عذر لناس اللى بتسرق
ازاى يبقوا رجاله وولدهم مش لاقين ياكلو عيش حاف
دى حتى المرايا اللى ممكن يشوفو نفسهم فيها محترمين مش عندهم اصلا
طعا انا مش بحلل السرقه بس فعلا الناس بقت مجبره على التحايل عشان الرزق
عموما نصيحه غاليه وياريت نسمعها ونرددها زى اذكار الصباح والمساء
عشان اكيد تانى يوم هتتلاشى مع الضغوط الرهيبه اللى البلد حطتنا فيها
تحياتى لك
hussein
آمين يا صديقى العزيز
وجودك يسبب سعادة
اشكرك
و
مدونتك مختفيه ليه؟
la3lahakhier
اهلا بكى صديقه عزيزة
مدونتك رائعه
قرأت اوائل البوستات واستمتعت بخفه الدم والاسلوب الراقى
لنا عوده باذن الله
تحياتى
MAKSOFA
معقول يا مكسوفه ده رأيك؟
سألت نفسى
هو انا بارع فى اخفاء حقيقتى المتواضعه؟
ام تكون النت مرآه تعكس صور غير حقيقيه؟
ام تكون مكسوفه انسانه مجامله الى ابعد الحدود؟
الحقيقه ارتاحت للتفسير الاخير خصوصا مع معرفتى بشخيتك المحبه للناس والحسنه الظن بالمعارف
اشكرك جدا يا صديقتى العزيزة
دائما عندما اقرألك اقول
ان للنت افضال عليً لا تقدر
حزين
اهلا بك يا صديقى
انا آسف انى تأخرت فى قراءه تعليقك والحقيقه انه لم يصلنى ايميلك ولا اعرف مصيره
ارجو التكرم بارساله على الهوت ميل حيث انى اتابعه باستمرار مع تحياتى لك ولافكارك الجميله
Multifuncional
اشكرك على اضافتى لديك
بس يا ترى انا وشى وحش ولاايه؟
حاولت الدخول عندك اعطانى رساله تفيد بالغاء المدونه
ارجو ان يكون الالغاء مؤقت ولاسباب ليست بالسيئه
تحياتى
doba
والله يا عزيزتى انا فعلا اشعر بمراره شديده
ليس هذا فقط ولكن عدم فهم ايضا
اسمع كلام من شخصيات كانوا يستطيعون ان يكونوا نجوما بذكائهم وعلمهم ولباقتهم
ولكن لاسباب معلومه ولكن غير مقنعه اختاروا ان يكونوا نعالا واحذيه واشباه رجال
مع ان البدائل كثيره وليس فيها تضحيات
كان ممكن ان يصمتوا
فقط يصمتوا
ولكن فى النهايه العيب فى النظام الذى يسمح بارتقاء هؤلاء ويمكنهم من اقتناء الاموال والسلطه
على العموم اشكرك واتحين الفرصه دائما لاظهر اعجابى بكى وبشخصيتك وباسلوبك وبكتاباتك
تحياتى
الشنكوتى الكبير
اشكرك على رسالتك الجميله واشكر من شكرته وكان سبب لقاءنا
واتساءل معك
كيف من الاساس تكونت القيم
كيف ادرك الانسان ان هذا لائق وهذا غير لائق
هذا يدعو للفخر وهذا يسبب العار
هذا خلق حميد وهذا تصرف حقير
انها الفطره
ربنا خلق الانسان يفهم الخير من الشر
كما يفهم ان 1 + 1 = 2
ثم جاءت الاديان لتتماشى مع الفطره وتؤكد معنى القيم
واخيرا
المال لا يخلق قيمه للناس
قيمة المرء بمواهبه وذكاءه وابداعه
او باخلاقه وشرفه وحب الناس
ثم
هل حبنا لزويل او الشعراوى او غيرهم مرتبط بما يملكونه من مال؟
هل يحب او يحترم احد احمد عز على كثرة ماله؟
كل شئ واضح وكل انسان يختار طريقه
وتحياتى
هانوده
والله انا السعيد بحديثك الفخور بوجودك المستمتع بارائك
مسستى كالعاده نقطه هامه
اخلاقنا الاجتماعيه وترابطنا الاسرى
اتذكر جلسه لى مع اسره المانيه تتكون من اب وام وشاب فى الثامنه عشر
وحدث حوار بين الاب وابنه واحتد الكلام وانا لا افهم ما يقولونه
ملت على الام وسالتها بالانجليزيه ماذا يقولون
ترجمة لى كلام الابن وكان كله كلام من نوع انت مالك بيا ومش شغلك وخليك فى حالك
وعندما ظهر الامتعاض على وجهى سالونى عن السبب
اخبرتهم ان هذا لا يحدث عندنا
وان الابن يحترم اباه ولا يجرؤ على مخاطبته الا بكل اجلال واحترام
ومهما نرى من شطط هنا او هناك
وحتى لو تطاول فلان او تجرأ علان
فاعتقد اننا مازلنا بخير فى هذا المجال
والدليل انا وانتى ومعارفى ومعارفك
معظمهم لا يشذ الا شواذ
اسعدنى وجودك يا هانوده
ويارب تكونى متأقلمه على الغربه
تحياتى
زمرده
يا اسم على مسمى
الخير فيك وفى امثالك دائما ان شاء الله
كلما اصاب اليأس القلوب
وفقدت العقول الامل فى المستقبل
ترى العيون امثالك
الرقه والشفافيه والصدق والسمو الاخلاقى والعلو الانسانى
فنفهم ان القادم خير باذن الله
تحياتى واعجابى
طبعا شايفنى وانا بانهج علشان الحق الطابور - لك حق تزنبنى ف طبور المتاخرين - لكن الشغل فعلا لا يرحم - المهم لو تلاحظ انى باكتب ردى الساعة 6 مساء يمكن تعذرنى - المهم خلينا فى الموضوع - عارف يا هارم لما كنت بادعى ربنا وانا سنى 15 - 16 سنة انى ما اخلفش اولاد لو مش هاعرف اربيهم ولما كنت باقول لاهلى واهل جوزى انى مش اد مسئولية تربية وترتيب مخ بنى ادم وتنظيمه انا بالكاد باتعامل مع نفسى - كانوا بيبصولى ويدوروا على تفسير لكلامى ولما يعجزوا يقوموا يسطحوا اللى باقوله على انى خايفة على شغلى او على قوامى او خايفة معرفش ااكلهم - وف الاخر يتهمونى بالجحود لنعمة ربنا - انا فعلا خايفة وخايفة موت ان اولادى ما يكونوش رجالة بسبب التضاربات والتازلات اللى موجودة ف مجتمعنا -"وخاصة لما ابنى يقوللى مع كل توجيه اشمعنا انا م كل الناس كده" باحس ساعتها انى فعلا فشلت او على وشك الفشل وان الحمل اصعب اكتر مما انا كنت مستصعباه وكل اللى باقوله دلوقتى " مش قلتلكوا الامر مش سهل "
جميلة اوى يا هارلملس النصيحة...
مش عارف ارد يمكن لانها فكرتنى بموقف معين...
بس جزاك الله كل خير
فى القلب
يا اهلا ومرحبا بالصديقه الغاليه احد الاعمده الرئيسيه فى النت والتدوين
انا طبعا قارئ دائم لكى وهذا شرف لى
ولولا بعض المشغوليات الطارئه لى والسفر المتكرر ما كنت تأخرت ابدا فى التعليق لديكى
اعذرينى وتقبلى تحياتى وتقديرى الكبير لكى
tota
الصديقه العزيزه مرحبا بكى وبتعليقاتك وافكارك
احيانا اتخيل التاريخ عباره عن مجموعه قصص تصف كل عهد بكلمات قليله او بتفاصيل كثيره وتأتى اجيال تسمع هذه القصص وتتعجب وتمصمص الشفاه وينتهى كل شئ
وكل مانعانيه وكل ما نقاسيه هو بضع سطور فى كتب التاريخ
ويا توتا
توتا توتا
مكسوفه
قرأت رسالتك الثانيه حالا
ما اسوا المشغوليات التى تشغلنى عن الاستمتاع بكتاباتك
ساذهب حالا يا عزيزتى
لومى
اهلا اهلا
نورتى المدونه اللى كانت مضلمه من غيرك
واشكر الراجل اللى استفذك واستفذنى وخلانا نتكلم عليه
وربنا قالنا انه حيرزق من لا حيلة له حتى يتعجب اصحاب الحيل
والراجل على اد ما بيعصر نفسه عشان يقول كلام فخيم
برضو بيعوك اكبر عك
هانوده
حتتنا بتسلم عليكى ومفتقداكى ومفتقده نور الدور الرابع
يارب تكون اخبارك سعيده كلها
تحياتى
سلوى
مفتقدك جدا يا صديقتى العزيزة
انا لاحظت ان معظم (جيلنا) فى التدوين صار مقلا فى الكتابه
ياربت تكون مرحله يعقبها صحوة وانتاج غزير
على العموم انا سعيد باسمك المنور ده ويارب دايما
r.r.
مش عارف اقولك ايه
شهور كتير وانتى مختفيه وكل محبينك ما بين اليأس والرجاء انك تعودى تنورينا وتسعدينى بكلامك الرقيق ونظرتك الشفافه وكلامك الصافى الراقى
انا سعيد انك رجعتى لاصدقائق واستعدتى حيويتك ونورتى مكانك
وعقبال صاحبتك
الغالية زوجه المحظوظ
طبعا مختفيه
واختفائك غير مبرر كمان
ومش موجوده فى اى مكان من اللى ممكن تكونى موجوده فيهم
ايه الحكايه
وايه التطورات
وايه اخبار نفسيتك
وايه اخبار قراراتك
مطلوب تقرير سريع
Post a Comment