Sunday, December 23, 2007

ملعون أبو العريس


انا لست شتاما والله
صحيح الكيل طفح والسيل بلغ الزبى لكن الموضوع مش شتيمة

الموضوع قصة منبثقة من قصه طريفة

القصة انى يوم الجمعة السابق كنت معزوما فى فرح
الطريق للفرح زحمة جدا حيث مكان الفرح فى جرين بلازا واليوم عيد
المسافة التى تحتاج دقيقة واحده بالظبط قطعتها بالسيارة فى ساعه ونصف
عيب مين ده؟
اكيد العريس

الطريق مكسر والمطبات بالهبل والمطر عامل برك فى كل مكان
عيب مين ده؟
اكيد العريس

فى الفرح كان يجلس فى الترابيزة التى بجانبى محافظى الاسكندرية والبحيرة
بقيت اقول لنفسى يا ترى المحافظ بتاعنا مسؤول عن البوظان ده؟
لأ طبعا

الراجل قاعد فى حاله ويسلم على من يسلم عليه بادب جم
اكيد العيب مش فيه

العيب فى العريس

ما البلد كلها منهاره
التعليم مثلا, الصحه مثلا, المجارى مثلا, مياة الشرب مثلا, الزراعه مثلا, الرياضه مثلا, الحراميه مثلا, المحتكرين مثلا

ومثلا ومثلا
والف مثلا

حيكون مين السبب يعنى
هو العريس مافيش غيره

اخرجنى من تفكيرى طبق الجمبرى والسيمون فيميه الذى وضع امامى
اوردفر او فاتح شهيه فقط
البوفيه لسه جاى



اما القصه المنبثق منها القصة فهى الموضوع الاساسى

فى اواخر الاربعينات حدث خلاف بين محافظ القاهره وبين الكاتب الصحفى فكرى اباظه
صاروا يتشاجرون بالمقالات الشديده فى الصحف ومحدش عارف يفحم التانى ولا يزنق التانى

فجأه صدرت صحيفه فكرى اباظه وعلى المانشيت عنوان كبير

ملعون أبو المحافظ

وتحت الخبر بخط رفيع كتب فكرى اباظه
طول عمرى اضع فلوسى فى جيوبى كل جيب شويه
نصحنى اصحابى اشترى محفظه اجمع فيها الفلوس
عملتها واشتريت المحفظه
اول مرة اخرج بالمحفظه نشال سرقها منى
نزلت من الاتوبيس وانا اهتف
ملعون ابو المحافظ

طبعا مصر كلها ضحكت وانهالت التريأه على المحافظ بضم الميم وليس بفتحها

هذا يا اخوانى سبب العنوان
واسيب لكم بقى تشيلوا من العنوان الحرف اللى ما يعجبكمش

58 comments:

Bella said...

حلوة جدا

عرفت

فعلا ملعون ابو العريس

وابو ابو العريس كمان

هههههههههههههههههههههههههه

وملعون ابو مرات العريس كمان

عدى النهار said...

إنت السبب يا فكرى أباظة.. أى حرف أى حرف؟ أصل أنا برضه مش شتام

... said...

هاهاهاهاي
حلوة بجد
القديمة والجديدة
جامدة

klmat said...

كل سنه وانت طيب
جميله اوى اوى التدوينه دى
انا بشارك فى لعن
ابو العريس
جميله حقيقى

Anonymous said...

هههههههههههههههههههههههههه
والله انت مش ناوى تجيبها البر ......انت مش بتعتبر من العم نجم يا قمرك ;)

loumi said...

عزيزي....

ههههههههههههههههه

حرام عليك

جبت الكلام للعريس ولعيلته كلها

:)

تحياتي

Doba said...

هو فعلا العريس هو السبب
بقى بتاكل جمبرى واحنا لا

الله يسامحك

كل لما بقرالك بحس فعلا صدق مقولتك بأن الكلام رزق

اشكرك لمشاركتنا الموقف اللى مريت بيه وكمان الاضافة بالمقالة

تحياتى وتقبل مرورى
هبة

سلوى said...

طبعا العيب ع العريس

بدون أدنى شك

ومن غير شيل حرف وحط حرف

هو العريس السبب مفيش كلام

عارف تدويناتك عموما فيها شئ قوى
وهذه التدوينه لا تقل عنهم
تحيااااااتي

Hannoda said...

هههههههههههه

لااااا.. طيب أنا حافضل أتفاجئ كده لحد امتى؟.. تخيل أنا لحد ما قريت آخر جملة و انا ماك على ان الشتيمة كلها رايحة للعريس!.. هههههه
:)

و الله أنا كده بدأت بجد أقلق عليك.. ربنا يستر

تحياتي

no chance said...

بسم الله
فكرى اباظة دة راجل زكى جدا
بجد
وبصوص موضوع ات بقى
لو صادفت وجلست بجانب اى محافظ مرة تانية او مسئول يا ريت تقوله
مش كفاية كدة سرقة

قولله بيقولك احمد كفاية

تحيااااااااااااااتى

حوريه said...

صديقى العزيز
كل سنة و انت طيب
و ملعون ابو العريس
هههههههههه
بركات العريس وصلت لعمارة لوران
و ربنا يسترررررر
خلى بالك من نفسك .. قلقانين عليك
و ملعون كل قرايب العريس
ناديه

دنـيـا محيراني(ايناس لطفي said...

هههههه
ضحكتني من قلبي ياراجل
ملعون ابو العريس صحيح
كل سنه و انت طيب
تحياتي

زُمُرده said...

عيد سعيد عليك وعلى المسلمين اجمعين
وانا اقوووول الزحمه دي يومها ليه ....امممم
فكرتني يالأبيات دي
حافظ إبراهيم : يقولون إن الشوق نار ولوعة فما بال شوقي اليوم أصبح بارداً؟
رد أحمد شوقي :حملنا الإنسان والكلب أمانه فخانها الإنسان... والكلب حافظ

------------
متقلقش العريس مبسوط منك اوي
كفايه انك عمال تفكرنا بيه كل شويه وتجيب سيرته وتغمنا باحساسنا بالعجز
وهو يفرح ويتفرج علينا ويضحك مننا
زي البهلوانات نتنطط ونضحكه وجوانا ألف صرخه ألم

Drop of the Ocean said...

يالذيذ يارايق:)

بس العريس (اللى بكل الحروف) صعبان عليا ، ليه عاملين الراجل كوبرى عشان نلعن ابو العريس (الناقــــص ..حرف) وهو ولا يستاهل اصلا ؟؟ ما ملعون ابو الر.. الر.. احم احم... الر..العريس :):)

(اه يابلد ، اعتذر من كل قلبى للعريس الحقيقى و لعم حنفى الحقيقى:)، واحب اهديلهم اغنية اخترناه وبايعناه..و عظيمة يامصر ياارض اللوا)

زُمُرده said...

هابى نيو يير ... وحاجات حلوة وطراطير .... وجاتوه وفطير....والأهلي خطير ..... والريس لسه قدامه كتير

harmless said...

bella

اشكرك على تواجدك يا عزيزتى
خصوصا ان التواجد نارى ومحدش بيهدى النفوس بس برضو احنا معذورين

بس يا ترى العريس بيوصله اراءنا؟
بيتهيألى الاراء هنا منزهه عن الهوى جدا
يعنى مفيده قوى للعريس وعائلته

تحياتى

harmless said...

عدى النهار

كل سنة وانت طيب
واشكرك لتواجدك الدائم الذى يسعدنى بشده

تحياتى

harmless said...

حلم

الاخت العزيزه المتجدده دائما
يسعدنى وجودك الغالى واشكرك على كلماتك وعلى طيارتك الورق ايضا التى لاتفوتنى ابدا

تحياتى

harmless said...

كلمات

مرحبا بكى وبتعليقاتك وبكلماتك وبافكارك

مدونتك رائعه وغزيرة وادعو الجميع للاستمتاع بها

اشكرك وتحياتى

harmless said...

الغالية زوجة المحظوظ

تفتكرى حد بيوصل للعريس كلامنا؟
لو مافيش يبقى خلاص

لو فيه يبقى يا ترى هو بيهتم باللى بنقوله ولا مش بيهتم؟
لو مش بيهتم خلاص

لو بيهتم يبقى ياترى بيبقى ايه رد فعله
بيفكر فى الاسباب اللى خلتنا نقول كده ولا بيزعل؟
لو بيفكر فى الاسباب يبقى خلاص

لو بيزعل بقى تبقى مصيبه
ولا ايه؟

harmless said...

لومى

بصراحه هو اللى جايبه لنفسه
ولازم يستجدع شويه ويراعينا شوية
مش عارف ازاى مش حاسين بالنار المولعه دى كلها

حاجه غريبه

harmless said...

doba

ربنا يخليكى يا دوبا
صحيح اكلت الجمبرى لوحدى بس غصب عنى
اصلى ضعيف قدامه بصراحه
الجمبرى ده فعلا اكله جامده جدا
ربنا ما يحرم حد منه

على فكره
بيسعدنى كلامك وتعليقاتك جدا
لا حرمنا الله منك يا عزيزتى

harmless said...

سلوى

بالمناسبه
انا اتابع مدونتك تأملات قلب
ولكنى اكتشفت مدونتى عالم الكنبيوتر وطوق الحرية اليوم فقط

مجهودك رائع كالعاده
اشكرك مرتين
مره على تواجدك وتعليقك هنا
ومره على المتعه والفائده التى تعطيها بسخاء

تحياتى

harmless said...

هانوده

منورة يا ست الكل يا رقيقه النت
ياترى اخبارك ايه
مش عارف ليه عندى احساس انك مش مبسوطه
يمكن كلامك فى مدونتك ادانى ايحاء بكده؟

يارب تكونى فى احس حال وتطمنينا عليكى
تحياتى

harmless said...

no chance

حاضر يا استاذ احمد
حاسال لانى نفسى اعرف اجابه السؤال ده فعلا

ليه مش بيكتفوا؟
نظرية المنفعه الحديه بتقول ان اى فلوس اضافيه مالهاش قيمه

يبقى ايه لازمتها؟
بجد السؤال مهم جدا ومحتاج تفسير نفسى

تحياتى لك واشكرك

harmless said...

حورية

كل سنه وانتى طيبه يا استاذتنا الغاليه
اتمنى من قلبى ان تحققى كل امنياتك حتى لو كانت احدهما ستسبب مشاكل للبعض

لكن
هل تعرفين كم انتى متوهجه؟

harmless said...

دنيا محيرانى

اسعدتنى رسالتك جدا
وذكرتنى بتقصيرى فى متابعة مدونتك الرائعه

تحياتى لكى وكل عام وانتى بخير

harmless said...

زمرده

حافظ وشوقى
ما اجمل الناس المحترمه حتى فى خناقاتهم
للاسف خلاص تلوثت اذاننا بالسوقيه والشتائم الصريحه والخوض فى الذمم والاعراض ببساطه
فرق كبير بين عصر احمد شوقى وعصر مرتضى منصور

الاعجاب بكى يزداد دائما
والفخر بمعرفتك يتجدد مع كلماتك وتعليقاتك

كل سنه وانتى طيبه ويارب دايما فى سعاده وتألق

تحياتى واعجابى

harmless said...

Drop from the Ocean

منورة يا صديقتى الصغيرة الجميله المتفتحه للدنيا والحياة

ليست المصيبه فى فقر او عوز
المصيبه فى انقلاب القيم واختلال الموازين وارتفاع الدنئ وسقوط العفيف

المشكله فى جيل يتكون فى مجتمع نجومه لصوص وقممه قوادون واعلاه احقر انواع البشر

ربنا يستر

زُمُرده said...

السلام عليكم

سنه هجريه وميلاديه جديده
بالأمل والحب والخير مليانه
يارب الشمس تطلع فيها
وليلنا ينتهي
لحسن ده بقاله 26 سنه
------------
اشكرك على كلامك الجميل
واهتمامك

سلوى said...

عوده مرة أخرى

عام سعيد
وإن شاء الله تحقق فيه كل ما تتمنى
ويكون كله خير وصحه وسعاده
لك ولكل من حولك

على فكرة أول مدونه عملتها كانت طوق الحريه

حفظك الله

تحياااااااتي

Anonymous said...

هاقولك كلام اوعى تفتكرة مناصرة للعريس - لكن بصراحة امور حياتى والحمد الله لغاية دلوقتى لم تحتاج للعريس ولا لاسرته ولا لحكومته ولو حصل انا عارفة ديتهم كلهم فباقتلهم كلهم - فاكر زمان اول برنامج قال ايه يعترض يوم الثلاثاء جالنا فيه الراجل الافاق ده اللى لازق شعره على جنب وكل ما يتكلم مناخيره تكبر - والله صدقت ان من حقنا نعترض ونصلح ولما اتكررت العملية واللاخ المحاور ده متحمس برضه للاعتراض بدات اشك والناس تسخن وقلنا الاصلاح ات لا محالة والتليفزيون تبعنا - وبعد فترة كنت باقرا ف ادارة السلوك ف العلوم السياسية - اتلقيت انه لضمان استمرار الفساد والديكتاتورية نسيب قناة نحددها نحن دولة العريس وعائلته لتفريج راى الشعب وخاصة لما يكون فاض بيه الكيل واكيد عايز ينفس هوه ينفس وانا مبتسم ابتسامة تحقيق الامال وافضل مستنى قدامك لغاية يا حبيبى ما تطمن وتمشى وتلبخك احتياجاتك تانى اللى انا طبعا مش هانفذهالك من حلقة لحلقة - المهم ان كل مرة تنفس فيها لازم تخرج بنتيجة الا وهى انك ارتحت وده كل اللى يهمنى كعريس - راحتك - وكل سنة وانت طيب

رحــــيـل said...

عزيزى هارملس

برده مفيش فايده
كل مده كده لازم تقلقنا عليك
طيب متبقاش تغيب كده طمنا انك لسه موجود
هههههههههههههههههههههه
جميله جدا

كل سنه وانت طيب

تحياتى وتقديرى

Anonymous said...

كل سنة و انت بالف خير استاذنا العظيم حقق لك الله كل امنياتك
و اشكرك لدعاءك الكريم
..
اتمنى من قلبى ان تحققى كل امنياتك حتى لو كانت احدهما ستسبب مشاكل للبعض
----------
يا ترى ايه الامنية اللى هتحقق مشكلة لغيرى ؟
انا كتبت امنياتى فى موضوعى

مر عام ... مازلت باقية.. و سنة أخرى تبدأ ..

يا اللا شاور لى على الامنية اللى فيها مشاكل
------------
هل تعرفين كم انتى متوهجه؟
ههههههههههه
لا اعرف يا عزيزى انا كده هتغر خالص
شكرا لك و كل سنة و انت طيب ..
ناديه

زُمُرده said...
This comment has been removed by the author.
زُمُرده said...

اين انت يا اسكندراني يا غالي علينا
اوع العريس يكون ضايقك

يا ترى ظروف ولا في سبب معين للاختفاء؟؟

فى القلب said...

يا عم ايه الحركات الجامده دى

جرين بلازا وشرنب كوكتيل وسيمون فيميه

عقدتنا أحنا مش أدكده


وبعدين مش تخدنا معاك عشان منقرش

MerMaid said...

ايه ده ايه ده؟؟
ايـــــــــــــه ده؟؟

انا فاتني كل ده؟؟
كل الكلام الحلو اللي حضرتك كاتبه ده فاتني؟؟
لا مش معقـــــول ده انا حظي سيئ سيئ سيئ

بجد انت عبقري
والله بجد
وكلامك جميل و عاقل و محترم
فعلا انا يشرفني اني اكون في مجال واحد معاك
فعلا والله انا مبهورة بيك و باسلوبك و مدونتك كلها

ربنا يكرمك يارب
كل سنة وانت طيب

:))
Mermaid

harmless said...

رحيل

افتقدتك كثيرا يا صديقتى العزيزة
لسه حالا مستمتع ببوستك الجديد الذى اصله قديم
واحب ان اقول لكى ما اجمل رومانسيتك فى رضاكى وفى غضبك
احييكى يا عزيزتى

harmless said...

حورية

عزيزتى
هناك من الامانى التى تحول (عند تحققها) من كان مغمورا الى محسود وهذه مشكله
وتحول من كان آملا الى يائس وهذه مشكله
وربنا امر بالستر

harmless said...

زمردة

الحمد لله يا عزيزتى
العريس مشغول عنى بدنيته وبخططه وباطماعه وبامواله

غالبا لا يشعر الفيل بنمله
تحياتى لكى ولمشاعرك الرقيقه

harmless said...

فى القلب

ده رزق يا عزيزتى
فى شهر ونص 3 افراح فى نفس المكان
واكلت وبحلقت
ونميت كمان

الدنيا لسه بخير

harmless said...

mermaid

مرحبا بكى فى اول تعليق واول معرفه
ساقرأ مدوناتك الثلاث ولنا لقاء قريب ان شاء الله

واشكرك بشده على تعليقك الرقيق الذى يعطينى اكثر مما استحق بكثير

هذا من كرم اخلاقك وذوقك يا صديقتى
تحياتى

Hannoda said...

وحشني تبادل التعليقات معاك وو حشتني تدويناتك

فقلت آجي أرمي السلام عشان يوصل لعمارتك و كل العمارات اللي حوليها اللي واحشاني
:)

Anonymous said...

كل سنة و انت طيب اخى العزيز
سنة هجرية جديدة سعيدة ان شاء الله ..
حوريه

Anonymous said...

ايه يا جماعة هيه المركب وقفت والا ايه - زئه للنبى - خلينا نفضفض المعبى

gohayna said...

جاااااااااااااااااااامده

جااااااااااااااااااااااامده جاااااااااااااااااااااااامده فعلا والله

زي ما عودتنا بجد

بس انا صعبان عليا العريس

والله صعبان عليا
حد يعمل ككدا في ليله خرجته

عمال تشتم فيه الراجل كدا هيخرج منها وهو زعلان دا خلاص بيلعب في الوقت الضايع مش فاضله كتير ابدا


عموما العروسه مشغوله دايما في الكتب الي بتقرء فيها لانها من انصار القراءة للجميع بتاعت طنط


وطبعا الاهمال في العريس يؤدي بالتبعيه للاهمال في الامور المحيطه بالعريس

عشان كدا التعليم بايظ وكل حاجه متهببه علي الاخر

عارف بس لو العروسه خدت بالها شويه هتتظبط الامور

فين المأذون يطلقهم ويخرجهم ويخلصنا


تسلم ايدك بجد

تحياتي ليك جدا

Anonymous said...

صباح الخير
واضح يا اصدقائى ان فيه " حاجة " و حرام نطنش عليها ..
اللى يعرف تليفون هارملس .. ياريت يحاول يكلمه الاول
و لو فيه حاجة مش مضبوطة قولوا عشان نتدخل عن طريق جمعيات حقوق الانسان او اى طريق ..
المهم نلحق اخونا هارملس ..
ياريت حد يرد على انا بتكلم جد
ناديه طه
buty23a@hotmail.com

MAKSOFA said...

بجد هلكتني من الضحك
فعلا ملعون أبو المحافظ
بس تصدق هو ممكن برضه يكون قاصدها
=====================
كل كلامك اللي كتبته عندي صح
بس فيه حاجه مهمه لازم تعرفها
أنا أمرأه معروفه لدي الناس جميعا
بأنني صاحبه شخصيه قويه
بل معظم الناس لايمكن أن يصدقوا أو حتي يتوقعوا أني ممكن أبكي
أو أضعف
=============
بس الحقيقه
أنني أضعف ما أكون مع الناس اللي بحبهم
==============
وموش بأقدر أخد اي قرارات صعبه تجاههم

Anonymous said...

فعلا حاجة تخوف
اللى يعرف عنوانه ف اسكندرية - يروح يسال عليه - حتى لو كان مسافر كان هايقول

harmless said...

هانودة

الوحشه متبادله والله يا هانوده
يا ترى ايه اللى شاغلك؟

يلا نرجع النشاط تانى

harmless said...

جهينة

اشكرك على كلماتك الـ
الـ ايه الـ ايه؟
الرقيقه؟ الراقيه؟ الجميله؟ المجامله؟ المشجعه؟ المسعده؟

كل اللى فات والاهم
اللذيذه

harmless said...

حورية

يا ست الكل مافيش حاجه حصلت
بس زى ما انتى عارفه
فيه حاله نفسيه بينتج عنها كلام كتير
وفيه حالة نفسيه بينتج عنها صمت طويل

احيانا الانسان بيبقى مش عايز يفكر
لانه لما بيفكر بيحس انه بيقول لنفسه حاعمل وحارجع زى زمان وحاكسر الدنيا وحاهد الحيطان
ويكافح ويكافح وينجح شوية وبعدين يلاقى الامواج واللطمات رجعته مية خطوة لورا
ويرجع تانى يقول تانى نفس الكلام

الشط قريب بس مش عارف يوصل له
كل ما يقرب ويمد ايده عشان يلمسه
يرجع لورا مسافات

المشكله ان مافيش فايده
ومش ممكن حيوصل
لان ببساطه
العمر خلص

شوفتى الكلام بقى؟

harmless said...

مكسوفة

مكانتك لا تخفى على احد
وحب الناس لكى واضح وصريح

بصراحه انتى حاله مختلفه
مش خط واحد انتى كذا خط
كانك كذا شخصيه فى بعض
وكل شخصياتك صادقه
القوية اللى بتاخد قرارت قوبة صادقه جدا
والضعيفه اللى بتخاف من الم المجهول ومن تعب الاحبه برضو صادقه
اللى عايزه تكسر الدنيا صادقه
واللى عايزه تنتحر صادقه

عشان كده قلقنا عليكى
خسارتك مش خسارة صديقة
دى خسارة 100 صديقة

harmless said...

الغالية زوجة المحظوظ

ياسلام على 3 ايام فى بورسعيد
فى بلكونه غرفة هيلنان
اتفرج على البحر والقناة
والمراكب رايحه اوقات وراجعه اوقات

تحسى المركب الحديد وهى داخله من وسع البحر لضيق القناة متضايقه
واللى خارجه على البحر اللانهائى فرحانه
كانت عملاقه وهى فى القناة
وبقت صغيره تافهه وهى فى البحر
لكن الحرية احلى بكتير

فين الحرية راحت؟

Anonymous said...

حمد ا لله على سلامتك عزيزى
معلش الحياة كفاح
احنا بنعمل اللى علينا و اللى ييجوا بعدنا يكملوا .. و هكذا
المهم ان انت بخير
خلى بالك من نفسك
دمت بألف خير
حوريه

زُمُرده said...

الحمدلله
كنت قلقانه عليك
ربنا عالم
حمدلله ع السلامه
ويارب يكون خير اللي غيبك عنا
تصبح ع خير

Anonymous said...

هههههههههههههههههه
حمد الله عل السلامة - لكن فكرتنى
1- البوكس ده علشان اختفيت فجاءة من غير لا كلام ولا سلام
2- البوكس ده علشان كنت مستخبى عندنا وف بيتنا من غير ما نعرف
3- البوكس ده علشان صمتك اطول من الللازم
وايه ده كمان انت تعرف الحرية كمان ده انت طلعت بورسعيدى إرارى - بس ايه رايك مش بقت انضف
وايه حكاية المركب اللى مش لاقية نفسها ف البحر ومش مصدقة نفسها ف القنال - عارف هوه التغيير مطلوب سعات بيبقى الواحد نفسه يحس انه ما فيش اكبر منه وساعات بيبقى نفسه يحس انه ما فيش اصغر منه يعنى شوية جد وحزم وخنقة وشوية دلع وحرية
سيبك انت عجبنى تعليقك كمان لحورية بس باختلف معاك ان العمر مش عايز يخلص كتييييييييييير لدرجة بيت الشعر ده باحس انه صح
"سئمت تكاليف الحياة ومن يعش .... 30 40 حولا لا ابالك يسأم
المهم فعلا فعلا غيابك مش بس مؤثر ده كمان مدمر
بقولك ايه لما ما تلقيش كلام ابقى عدى بالصباح والمسا كفاية واحنا نهريك كلام لغاية ما ينزل عليك الوحى