Monday, September 10, 2007
الفتـــــل
الفتل (جمع فتلة) هو شكل متكرر جدا لعلاقات الرجل والمرأه
تلاحظ ان احد الاطراف يمسك فى يده بفتله ومربوط فى اخرها الطرف الثانى
تحدث احداث وتقع مشاكل وتثور ثورات ثم ببساطه يشد الفتله ماسكها فتجد الطرف الثانى جاء طائعا باشا راضيا ناسيا اى اساءه
جاءنى احد اصدقائى مكفهرا غاضبا حانقا يشكو لى همه وحزنه من حبيبته
قال لى انها اخبرته (جاده) انه الشئ الوحيد الذى تندم عليه فى حياتها
واخبرته انها مزقت كل صوره ولها مطلب وحيد واخير عنده ان يمزق صورها التى لديه
وظل يقص علىَ ما يقع فى خانه الغرائب والعجائب مما هو غير مألوف من اهانات كلاميه ونفور لايحدث ابدا بين المحبين
ولكن لم يمر وقت طويل حتى شدت حبيبته الفتله فهرول اليها هاتفا شبيكى لبيكى
احدى الصديقات ايضا اخبرتنى كثيرا عن زوجها الذى يسئ اليها حتى نفذ رصيده من قلبها وصارت لا تهتم بوجوده او انصرافه وتفاصيل الاساءات فعلا سيئه وجارحه ومقنعه ومنطقيه لانهاء اى رصيد من حب مهما كبر
ولكن اتضح ان الزوج ماسك الفتله بشده
ما ان شدها حتى استرجع كل ما فقده من حب زوجته وحصل على غفرانها
والغريب انه عادة لا تخلو يد من فتله (او اكثر) يمسكها صاحبها ولا تخلو رقبه من فتله تقيد صاحبها حتى انى احيانا اتخيل لو ان الفتل تجسدت فى شكل مرئى لوجدنا البشر مربوطين بشبكه من الفتل لم تترك احدا
ولو نظرنا الى العلاقات الناجحه الوحيده لوجدنا انها التى يحمل كل طرف فيها فتله الثانى فى يده
وربما لا يحدث هذا الا قليلا
ولو جلس اى احد منا فى خلوة مع نفسه وحسبها صح سيكتشف الفتل التى فى يده وسيكتشف للاسف كم يصعب على الانسان ان يتخلص من تلك الفتل
وكيف ان هذه الفتل تحقق فى داخله شعور بالجداره والتميز والرضا حتى لو لم يكن يشدها الا نادرا او يشدها فقط لمجرد ان يتأكد ان طرف الفتله الثانى مازال مشبوكا فى عنق صاحبه لم يفلت منه بعد
وسيكتشف ايضا (بعد قليل من مصارحة الذات) الفتله التى فى عنقه واليد التى تمسكها والتى لايستطيع مقاومه اى شده بسيطه فيهرول طائعا
الغريب فى كل هذا ان الانسان دائما مستمتع بالفتل
سواء التى فى يده
او التى فى عنقه
Subscribe to:
Post Comments (Atom)
37 comments:
ومالها فتلة الحلاق؟؟
مية مية
وترضى الكل
كل سنة وانت طيب
ورمضان كريم
صباحك عسل يا معلم
انت تقصد شعره معاوية الي حافظ عليها بينه و بين شعبه؟ لو هما شدوا هوا يرخي و هكذا؟
المهم فعلا في ناس مهما نحاول نكرهم منعرفش
فعلا الي يحب حد عمره ما يكرهه حتي لو عمل فيه اية
بيفضل في ذكريات حلوة تخلي قلب الواحد يحن
انا مثلا بحب محمود ابن اختي مع ان بيغلس عليا بس هو يتدلع علي شوية و يندهلي يا نهي ادوب انا
و كذلك السوسة مريم بنت اخويا هي بس تديني طقم الحنية و تحط راسها علي كتفي و تحضني و انا زي العبيطة اشيلها و الف بيها المحلات مع انها بتستعبط بس عشان ماتمشيش و تتشال و مع انها سفاحةةةةةةةةةةةة
شوف برغم كده هما بس يدوني نظرة كلمة اي حاجة اسيح انا و اعملهم الي عايزينه
الاطفال دوووووووولللل انصح مني و منك
اتصور أول مره أخد بالى
فعلاً يا عبقرى
بصيت على رقبتى وأيدى لقيتها مليانه فتل
مكنتش واخده بالى
ده أحنا طلعنا عرايس ماريونت
شكراً لك سأقضى باقى النهار أفكر فى ذلك
الحب
الجرح
التخلي
الاستهتار
الغدر
العشرة
التعود
ده حاجات عايشة في النص بين المشدودين بالخيوط
منها اللي بيشدنا مع الفتلة
ومنها اللي بيزقنا بعيد عن الطرف التاني
و الناس فاكرة الحب أقواهم
و الحب مش أقواهم ولا حاجة
أصل مش ملاحظ ان الحبيب غلاوته بتزيد قوي قوي في الفراق
بتحتاجه أكتر.. بتكون مستعد تنفق كل عذاب الدنيا في سبيله
عارف ليه؟؟
مش عشان هو لسة قادر يشدك بفتلته
لكن عشان المؤثرات اللي بتبعدك مش موجوده زي الاهمال و الاستهتار والجرح
ما بيتبقاش بينكم غير العشرة و الحب و التعود
وكلها مقومات جذب تخليك عن أول شده منه تجري عليه
دايما ألاقي فكلامك جملة بترضيني و ترد على كل اللي قلته
جملة البوست هي
"العلاقات الناجحه الوحيده لوجدنا انها التى يحمل كل طرف فيها فتله الثانى فى يده"
"في يده" ... مش في قلبه
صح قوي الفكرة ده
انت شرحت الواقع بطريقه عبقريه
اللى بيحب بيغفر وبيخلق العذر
تشد وترخى
لكن كتر القسيهممكن يقطع الفتله
بوست رائع
كل سنه وانت طيب
تحياتى وسلامى
واسمحوا لى اجعل بداية تعليقى هو اخر حرف من(KLMAT) تعليق الا وهو ان القسوة تقطع فى بعض الاحيان الفتلة ولا تعطى اى مساحة للتفاوض بحيث يراها المربوط انها اصبحت مشنقة يراد بها حتفه وليست مجرد وصل للوداد - لا انكر اننا فعلا اصبحنا كاماريونت كما قالت الاخت "فى القلب" لاننا ما زلنا نتصل بفتل اخرى وقد نمثل مراحل الفتل فى حياتنا كمنحنيات السواء فى الاقتصاد فالفتلة الاولى للانسان هى فتلة الام وتتدرج تصاعديا الفتل فى حياته تباعا وبالتدريج الى كل معرفة جديدة تطراء عليه الى ان يصل الى قمة الفتل وذروتها ومن هذه اللحظة يبداء فى التدرج تنازليااما بالتنازل عن بعض الفتل عن قناعة بانها لا تصلح الا ان تكون مشنقة ولم تعد فتلة للمودة وانه ليس على استعداد للانتحار بفعل مشنقة المودة هذه او ان بعض الفتل تتركه بمفردها لانه لم يعد ذو فائدة كما كان من قبل ومن ثم يعود وحيدا الى ان يرتبط بالتراب
مقال جميل للغاية
يصف حالة مزدوجة من حب تعذيب النفس من جهة وقمة التاسمح من جهة أخرى
تحياتي عزيزي
نعم .. للأسف معك كل الحق :(
نستمتع بالفتلة الذي في يدنا و الفتلة التي برقبتنا
انا جاي اقول كل سنة وانت طيب
شهروزة
والله يا شهروزه انتى بتقولى كلام ببساطه عشان ما جربتهوش
لو تعرفى فتلة الحلاق دى مؤلمه اد ايه ماكنتيش فكرتينى بيها
والمشكله ان مالهاش بديل
حتى المكن الجديد اللى بيقصقص ده مش حلو
يلا
كل سنه وانتى طيبه
nohaz
والله يا نهى لفتى نظرى ان الفتل اللى فى رقبتنا مش بس مع الحبيب والحبيبه
ده فيه فتل كتير فعلا مع ناس من علاقات محتلفه
خصوصا الاطفال طبعا
فتلتهم مالهاش حل
وفعلا هم عارفين قوى ازاى يشدوها وياخدوا اللى عايزينه
كل سنه وانتى طيبه ومنورة بعد غيبه لا اعادها الله
فى القلب
سعيد جدا بوجودك وعايز اقولك اد ايه اخر بوست لكى جميل ومؤثر وبيلخص حال الطبقه المتوسطه اللى بتكافح لمجرد انها تعيش عيشه عاديه ملائمه
وتعليقا على تعليقك اعتقد ان تفكيرك سينتهى ان الفتل اللى فى ايدك كتير قوى
اصل شخصيتك مؤهله جدا لحصد المحبه والاعجاب
تحياتى
هانوده الرقيقه
والله لا اتخيل ان هناك مخلوق يمكن ان يؤذيكى او يضايقك او يغدر بكى او يؤلمك او يجرحك
ان مكانك فى العيون والقلوب وصحبتك مع البشر الملائكه الذين يقدرون ويفهمون رقتك وجمال روحك
كل سنه وانتى طيبه يا ملاك التدوين
كلمات
مسستى الحقيقه يا عزيزتى
كتر الأسيه يقطع الفتله
ودائما اسال
لماذا الأسيه بين المحبين؟
اهو حب من طرف واحد؟
ام هو حب مريض لمريض؟
ام حب صحيح لمريض؟
وهل يحب احد ويقسو؟
ام هو يحب القسوة؟
ان فى الدنيا غرائب كثيره
الغالية زوجة المحظوظ
اشرتى فى ثنايا كلامك العميق كالعاده لنقطه هامه
ان بجانب الفتل التى تربطنا هناك سلاسل تربطنا ايضا
وليس المقصود ان الفتل اضعف ولا السلاسل اقوى
ولكن المقصود ان الفتل من المشاعر فهى رقيقه وناعمه وروحانيه
والسلاسل من الماديات قاسيه غليظه وكلها اعباء ومتاعب
ونحن لا نحتمل السلاسل بدون الفتل
ولا نكتشف مدى غلظه السلاسل وصعوبه التعايش معها الا اذا انقطعت الفتله
مش صح؟
صاحب البوابه
التحيه لك يا عزيزى
فقد افتقدنا وجودك وتعليقاتك
وكل سنه وانت طيب وفى اتم صحه واحسن حال
Anonymous
مادامنا نستمتع فلا أسف
ربما نتعجب لماذا نستمتع وقد سيطر علينا الحبيب ولكنا راضون بالاستمتاع بلا شك
كراكيب عادل
صديقى الفنان الجميل
مرحبا بك دائما وكل سنه وانت طيب
كل عام وانت بخير دة اولا...
ومقال جميل جدااا دة ثانيا..
تحياتى اليك
ورمضان كريم
عزيزى....
إذاً فالعلاقات الناجحه
لا تحدث إلا قليلاً
تحياتي
.:.-=- ELGaZaLy-=-.:.
الغزالى العزيز
وحشتنا يا اخى ووحشنا كلامك
خليك هنا
لومى
انتى شايفه ايه؟
مش هم قليليين فعلا
ولا اتكلم بقى واقول؟
صح - ويا ريت تقرا تعليقى على البوسترات السابقة
فتله ايه بس اللى بتتكلم عليها يا ريتها فتله دى دباره بس تعرف مع الوقت اكيد هتقطع من كتر الشد بجد هيجيلها يوم وتتقطع
كلسنه وانت طيب رمضان كريم
السلام عليكم
رمضان جميل يا مفكر
تعرف اول مره ادخل العالم ده
وبجد كلامك شدني
فلسفت الحياه والعلاقات بشكل جديد وغريب
بس انا حاسه انها مش فتله
دي مجموعه فتل
يعني كل ما تقرب من حد ...كل ما تحسه اكتر
كل ما تفكر فيه اكتر...يتولد جواك مشاعر ليه
يصدها او ينميها هي دي الفتل
كل لحظة اهتمام رعايه حب حنان دفء
تزود الفتل وتقوى الفتله الأم
كل غدر ظلم جرح لامبالاه
تقطع فتله ورا التانيه
ولو شديت في اللحظه دي يبقى خلاص
لو رجعت اهتميت و....و... هتتكون فتل تاني
وتستمر الحياه
سلام
عزيزى هارملس
جيت أقول لك كل سنة و انت طيب و سعيد بحبايبك و اصدقاءك لقيتك كاتب موضوع عبقرى مما أكد لى مرة اخرى ان الله قد انعم عليك بالحكمة و من أوتى الحكمة فقد اوتى شيئا عظيما و خيرا عميما تهون معه كل مصاعب الحياة مهما كانت ..
قرأت تعليقك بمدونة ياسمين العزيزة فتألمت لشعورك بالوحدة و قد يكون فهمى لما بين السطور غير صحيح و أتمنى ذلك
عموما احيانا نشعر بان هذه الفتل التى تشدنا و قد تخنقنا نعمة و خير
و احيانا نكون بدونها احرارا بلا قيود و لكن لا بد منها ...
انا كتبت الكلمتين دول بدون تفكير لتأثرى السريع و لاحترامى لك كأخ عزيز
أتمنى أن اراك سعيدا متفائلا و كل سنة و انت طيب
سأعود مرة أخرى بعد قراءة التعليقات و تأمل كلماتك و معانيها و ما بين سطورها
دمت مبدعا .. مع تمنياتى الطيبة
ناديه
على فكرة الناس بتروح وتيجى بمزاجها مش بالفتلة
لكن فكرة الفتلة دى فكرة رجالى جدا
و وصفها جون جراى فى كتابه الرجال من المريخ النساء من الزهرة
الفتلة دى فكرة رجالى بجد وكتب عنها يقول للمرأة .. عشان تعرفى تتعاملى مع الراجل تخيلى انه ماسك الناجية التانية بطرف الفتلة لما يشدها ما تقربيش عشان ما تترخيش بل تابعيه وانتى تحافظى على نفس المسافة
يقال ان الرجال يظلون طوال حياتهم يدافعون عن حقهم فى أن يكونوا أحرار ومتحررين طوال الوقت
يعنى شادين الفتلة
ويدافع النساء عن حقهن فى أن يكن متضايقات من كونك بعيد
يعنى برضه متضايقات من الفتلة
الفتلة دى حاجة من اختراع الرجل وخنيقة جدا جدا بالنسبة للست
ولازم تعرف ان لما ست تتخانق تهجر وتلعن السلسفيل دة معناه انها طقت وزهقت واتخنقت من الفتلة
ولما راجل يهرول ناحية امراة ما دة معناه انه محضر فتلة جديدة وعايز يثبت طرفها عندها مش أكتر
تحياتى على فكرة الفتلة المزعجة للمرأة .. الرمضية للرجل
الغالية زوجه المحظوظ
لا يفوتنى اى كلمة لكى حتى لو كتبتيها فى اول بوست
سهر الليالى
يا سلام يا امانى
بتختفى كتير وبعدين تظهرى زى شعاع من الشمس يحمل النور والدفء
ياسلام لو تتواجدى اكتر
كانت الدنيا حتبقى اجمل بكتير
تحياتى
زمردة
هدوء وسكون وصمت
ثم فجأه عاصفه من الجمال والفكر والحركة والشباب والحيوية
سبحان الله
اين كنتى يا زمرده
لقد اضفتى الكثير لى عندما قرأت مدونتك التى هى كمدفع سريع الطلقات
مدفع يوزع الحياة بكرم وسخاء على كل من سيقرأ لكى
تحياتى واعجابى
حورية
افتقدتك كثيرا واشكرك على كلماتك الرقيقه كعهدى الدائم بكلامك الساحر
ولا يخفى عليكى يا عزيزتى ما للوحده من متعه وما للاختلاء بالنفس من فوائد خاصة اذا كان امام بحر لانهائى الاتساع يجرى فوق صخور واعشاب ويحوى اسماكا واحياء ويحمل سفن واخشاب ويعكس شمسا واضواء
تعالى اجلسى امام البحر ساعه او ساعات وسترى ان الوحده من نعم الله
(احيانا)
تحياتى واعجابى المتجدد الدائم
ياسمين
المشكله الكبرى ان معارضتك مسأله صعبه
تحتاج لشحذ الهمم واستجماع القوى واستحضار العزم و
الاستبياع
مع احترامى لكاتبك المفضل حاليا جون جراى ولكتابك المفضل حاليا الرجل من المريخ والست مش عارف منين
انا شايف ان طبعا
الف مره طبعا
مليون مره طبعا
ان الفتل من صنع النساء
وهم اساتذه لا يشق لهم غبار فى موضوع الفتل
ويشهد على هذا اعناق الرجال التى تمتلئ ندوبا لا تندمل واثارا لا تختبئ
بالله عليكى انتى بالذات
مدى يدك الان وحالا وامامنا جميعا
وانظرى كم من الفتل مربوطه فى يدك الرقيقه
يمكن فتل مالهاش اهميه عندك
يمكن فتل ولا فى بالك
يمكن فتل لقتيها فى ايدك من غير سعى منك
لكن
لا تنكرى وجودها
ولا تنكرى انك فى اى وقت تجربى تشدى واحده منهم حتلاقى صاحبنا المربوط فيها جاى يجرى
فى الاخر تقوليلى الرجاله هم اللى ماسكين فتل ولا من اختراعهم ولا مش عارف ايه؟
آه يا رقبتى
كلام معقول وموزون، ولكن الحقيقة ان الفتل التى تكتف اى شخص كثيرة ومتعددة وليست فقط التى بين الرجال والنساءفهى شبكة كثيفة معقدة ومتداخلةوكلما نضج الانسان وتأمل ما يجرى من حوله ادرك اكثر حجم التوريط والتكتيف بالفتل والدوبار والسلاسل وخلافه
تحية لك
والسلام
راجى
صديقى الجديد
قرأت بعض تعليقاتك حديثا
واسعدنى اسلوبك ومنطقك
اتمنى ان تدوم صداقتنا واشكرك
أشكرك كثيرا عزيزى لمشاعرك الجميلة الصادقة و أحمد الله اننى أجد فى الاخوة المدونين الأهل و الأصدقاء الأعزاء حتى أصبح بيننا رباط مقدس أو كما تقول أنت فتل تمنعنا من اليأس و الانزواء فى وحدة .. و أحمد الله على انك بخير سعيدا بوحدتك التى تثمر التأمل الجميل و سمو النفس و صفائها و الابحار مع الله فى ملكوته مع البحر و الامواج و الطيور و اللوحة الجميلة التى رسمتها بقلمك و شوقتنى الى الجلوس على البحر لغسل النفس من ادرانها و التزود ببعض البهجة من أمواجه
و ما دمت افتقدتنى أخى الفاضل أدعوك لزيارة مدونتى فهى قريبة لن تحتاج لمواصلات .. مرحبا بك فى أى وقت
مدونتك كالواحة الجميلة التى تظللنا بأفكارها
شكرا لك عزيزى و فى انتظار زيارتك و كل عام و أنتم بخير
ناديه
nadiataha.maktoobblog.com
حورية
زرت مدونتك الان التى حملت لى مفاجأه هذه القصيده الجميله التى لا اعرف كيف لم اقرأها سابقا
اشكرك كثيرا يا اختى الغالية
حقيقة لا يأتى منك الا كل خير
احيانا هارملس عندما يعتقد طرف انه ممسك بالفتلة طول الوقت ياخذه الغرور وربما تنقطع الفتلة دون ان يدرى لما لا نستغنى عن الفتل وتصبح الاصابع متشابكة فتعطينا احساس الامان وانفلات القبضة يوحى بالفقدان فنتريث ونعقلها قبل ان يفقد كل منا الاخر فلا نحتاج الى ممارسة لعبة الفتلة
Post a Comment