Monday, April 30, 2007

الخونة


كل حلفائك خانوك يا ريتشارد

العباره لا تفارقنى من وقت نهاية برنامج القاهرة اليوم والخناقة بين مصطفى بكرى وانور السادات

ياربى
كل الناس لصوص
كل الناس ممثلون

كلهم يأكلون لحم الشعب الميت
كلهم يشربون دم الفقراء

يهتفون بحياة الشرف نهارا
ويرتمون فى بحر خمور هارد روك شرم الشيخ ليلا

يبكون الفقراء صباحا
ويكدسون عشره مليارات مساءا

يعارضون زعيم العصابه فى العلن
ويقبلون اقدامه فى السر


الادوار مقسمه
والغنائم موزعه
ودمائنا رخيصه
وشرفنا لاثمن له

وهم مقسمون كفريق لاعبين لا ينهزم
كلاب فى ثياب اسود جبارة
وكلاب فى ثياب ثعالب ماكرة
وكلاب فى ثياب ضباع غادرة
وكلاب فى ثياب ارانب حالمة

وكلهم كلاب فى كلاب

لاحول ولا قوة الا بالله
كل ابنائك خانوكى يا مصر

45 comments:

Ma 3lina said...

يهتفون بحياة الشرف نهارا
ويرتمون فى بحر خمور هارد روك شرم الشيخ ليلا

اه الازدواجية االى البشر بقو يعيشو فيها و لا اقول النفاق و الكدب

كل واحد بقى عنده 100 وش بيغيرهم حسب الموقف و الاشخاص اللى حواليه

كله بيسعى لمصلحته كله بايع القضية

كلهم كلاب على رايك

انا و الله خايفة عليك اليومين دول لحسن الكلاب بقت فى كل مكان

Anonymous said...

طبعا شفت الجزء التانى من الحلقه امبارح
مش ممكن . و حسبنا الله ونعم الوكيل.

Van Gogh said...

الغريب انهم يعرفون الحق كما يعرفون ابنائهم..ولكنهم باعوا انفسهم للشيطان...صديقى لا تحزن...فأن لم نثأر لأنفسنا اليوم..فغداً لناظره قريب

سهر الليالى said...

لاوالغريب ان كلاب يسرقوا وينهبوا ويمشوا وتيجى كلاب تانيه تسرق وتنهب وتمشى وغيرهم وغيرهم كتير والملايين والخير مابيخلصش من البلد دى وشعبها مش لاقى من الملايين غير الملاليم
مش كده ولا ايه؟؟ تحياتى

Hannoda said...

ما شفتش الحلقة يا هارملس

لكن شفت فإسلوبك المفاجأة

أو يمكن لإني أنا متفاجئة فمشاعري بتفرض نفسها على تفسيري لإسلوبك
شوف..
مش غريب حد زيي سهل يآمن باللي يسمعه سريعا إنه يتفاجئ لما يسقط حد من نظره زي مصطفى بكري

لكن صعب قوي انك انت بالذات تتفاجئ بحقيقته اللي بتتكلم عنها دلوقت

يا ريت لو أشوف الحلقة بجد لأني عندي شعور بالألم و الله العظيم و شعور كده مش عارفة أقوله

بس أكيد انت فاهم إزاي الواحد بيحس لما يتكسر مثل عالي قدامه زي مصطفى بكري.. ده أنا اتمنيت لو كان هو الريس

بس رأيك فيه كفيل إنه يكسره رغم إني مش عارفة ايه اللي اتقال

تخيل مدى ألمي

harmless said...

ما علينا

الموضوع زاد عن حده بجد
مش متخيل حرامى يكون من خططه انه يسرق اكتر من مليون ولو فاجر يبقوا اتنين ولو كافر يبقوا عشره

لكن 200 مليون ولا 500 مليون ولا الف مليون ولا الفين مليون؟؟؟

وفى بلد سكانه بيموتوا من الجوع والمرض؟؟؟

ايه الناس دى؟

harmless said...

لمى

شوفتى با لمى وسمعتى؟
شوفتى اللصوص والافاقين والمنحلين بيعلموا ايه؟

وافتكرتى حالنا ولا لأ؟

harmless said...

فان جوخ

ياريت تكون شوفت الحلقه
دى اعترافات من غير خجل ولا كسوف
الحرامى اللى سرق والحرامى اللى ساعده والحرامى اللى شاركه ورئيس العصابه اللى سابه عشان يكسر عينه

مخضوضين بس عشان بنسأل منين كل ده
ومش طايق حتى يتقاله انت حرامى

وفى نفس البرنامج كل يوم
الشرفاء بيتصلوا يتسولوا العلاج لهم او لاولادهم
فاضل ايه؟؟؟؟؟؟؟؟؟؟

harmless said...

سهر الليالى

صحيح سؤال ليه بيسرقوا مش منطقى
بس سؤال ليه بيسرقوا كل ده؟ سؤال منطقى جدا

تخيلى واحد سرق الف وخمسمائه مليون جنيه
فوايدهم فى البنك بس مليون ونص شهريا وهم زى ما هم
يعنى مش ممكن يتصرفوا مهما عمل
والمليون نفسه مالوش قيمه ولا له معنى
لو وقع منه ما يحسش
ولا هم ملكه اصلا مادام مش حيصرفهم

ولسه بيسرق
فيه ايه؟
مش فاهم والله

harmless said...

هانوده

مصطفى بكرى محترم وشريف وعند حسن ظنك على ما اعتقد
صحيح السادات اتهمه اتهامات سخيفه لكن مجمل الحوار واضح جدا

و التشويش والزعيق والتلاعب بالكلمات مش ممكن يأثر على اى حد بيفهم

خصوصا ان السرقه بفجر والاساليب واضحه وكل شئ يمكن تخيله

والمصيبه الاكبر ان الاعترافات صريحة بشكل فاجر

والمصيبه الاكبر واكبر اننا عارفين كل حاجه من زمان بس برضو بنتخض لما نعرف التفاصيل

اما بكرى فانا اعرف شخصيته كويس
عنده مبادئ
بس معندوش ذكاء للاسف
ده رأيى عموما عنه ولسه ما اتغيرش

يارب تقرى الرد ده النهارده
حاتضايق انك تباتى وانتى مغيره رايك فى انسان بسببى وهو مظلوم

Anonymous said...

قريت الرد إمبارح فعلا قبل ما أنام... وارتحت جدا لإني فعلا بحترم بكري جدا وكنت شبه مصدومة رغم إني ماعرفش أي تفاصيل

كنت عاوزة أقولك امبارح بس الجهاز كان بفصل كتير

شكرا على توضيح الصورة
تحياتي


Hannoda

harmless said...

سهر الليالى

عايز اصحح غلطه مش مقصوده او مقصوده الله اعلم
فوائد المليار ونصف ليسوا مليون ونصف شهريا كما قلت لكى
ولكن خمسه عشر مليون شهريا
اى نصف مليون جنيه يوميا

كل يوم الصبح ينزل يروح البنك ياخد نصف مليون جنيه وفلوسه زى ما هى

اقصد فلوس الفقراء والمرضى والعاطلين والمحبطين والغرقى فى بحر ايطاليا وتلوج اوكرانيا

تصورى
ولسه بيسرق حتى كتابه هذه السطور
وتصورى
هو افقر الحراميه

ولاحول ولا قوة الا بالله

SomeOne said...

الليل لو طول ح يعدي
:)

gohayna said...

ولما البلد كلها كدا بتسرق

كبرها بيكلو ضغيرنها
حيتانها بتلتهم كل شيء

ونرجع بعد كدا نلوم علي الي باخدوا قروض من البنوك ولما بيتعثروا في السداد يهربوا علي بره

والناس والدنيا كلها تقوم عليه

طيب ما فيه ناس قاعده جوه اهه وشغاله من غير ما حد يـأخد باله

او واخدين وقاسمين مع بعض


بس فالحين يتشطروا علي الغلابه الي في الريف الي وخدين قروض علشان يزرعوا ويأكلوا ولما اتعثروا

طلعلهم احكام قضائيه بالحبس في اقل من اسبوعين

والناس سابت ارضها من الخوف وعايشين في في احواش الاموات يزاحموهم حتي في نومتهم

شطار في قلب الحقايق وتزوير كل ما هو واقعي
وتدنيس كل ما هو شريف

بالزمه دي عيشه؟
تحياتي

gohayna said...

ايه توارد الخواطر دا ياخواتي

انا كنت لسه عندك قبل ما تسيب تعليقك عندي

تفتكر صدفه دي مثلا؟

Anonymous said...

بجد خبر القذافى ده موتنى على روحى من الضحك
هو تقريبا الفراغ بيعمل اكتر من كده
لمى
وما تقوليش كتبت اسمك تحت ليه عندى مشكله فى النت ههههههههه

Rosa said...

harmless
قلبت علينا المواجع,هي صحيح متقلبه جاهزه بس انت حطيت ايدك على الجرح وضغط قوي
تحياتي

أسوور said...

على فكرة انا أعرف بكرى شخصيا
وهو مش زى ما انتوا فاكرين انت وهنودة خالص
:))
والله حاجة تضحك بجد
تحياتى

R.R said...

طيب انا نفسى اعرف بقى
احنا هنصدق مين بعد كده

طيب تفتكر ايه الحل عشان البلد دى ينصلح حالها اكيد فى حل

harmless said...

شادى فايد

صحيح يا اخى
الليل حيعدى
وزى ما انت عارف
الدنيا بتنور فجأه
شعاع بسيط وفى دقايق النور بيملا الدنيا
والمصيبه ان احنا او هم نفتكر ان الحال بيدوم

سهر الليالى said...

فوائد المليار ونصف ليسوا مليون ونصف شهريا كما قلت ولكن خمسه عشر مليون شهريا
اى نصف مليون جنيه يوميا يا نهار ابيض طيب ماتعرفنا بالشخصيه دى حرام عليك كده ده احنا اصحاب
:))))))))
تحياتى

harmless said...

جهينة

لكل مجتمع مسارات يتحرك فيها افراده
اذا كانت المسارات تتيح للموهوبين والمخلصين والشرفاء الوصول للمراتب العليا والتقدير والثراء عمل الناس على ان يكونوا شرفاء
واذا كانت المسارات تتيح للمنافقين واللصوص والافاقين الوصول لمقاعد الحكم واقتناء الاموال والتحكم فى العباد امتلات البلاد بهم
اما من يضع المسارات فى مجتمعات مثلنا فهو رأس الحكم للاسف وهو يضعها طبقا لاخلاقه واراءه

وعلى قدر ما لهذا الوضع من مساوئ ففيه ميزة واحده فقط
ان مهما وصل الفساد ومهما خربت الذمم فهى مرتبطه بمسارات صنعها شخص واحد فقط
اذا فالامل موجود والتصحيح ميسور وان غدا لناظره لقريب

harmless said...

rosa

فعلا المواجع كثرت جدا
كل يوم خبر العن من سابقه ومصيبه اكبر من سابقتها
واللصوص فجروا
والظالمون تمكنوا
والليل حالك

يبدو ان اقصى ما نستطيع الان ان نحاول ان نظل احياء الى ان يقضى الله امرا كان مفعولا

harmless said...

ياسمين

نبدأ معرفة الانسان من اقواله
ثم نراقب افعاله فتؤكد اقواله او تنفيها
وبعض الناس يتكلمون جيدا
ويفعلون سيئا
كالمنافقين

ونحن نميل الى تقسيم الناس بين ابيض واسود
وهو اسلوب غير واقعى وساذج الى حد ما

ولكنى اعتنق اسلوب تفكير الخطوط الحمراء
هناك خطوط حمراء من يتخطاها يسقط ويكون جديرا بالاحتقار

والان
ماذا عندك من معلومات
نورينا هنا
او
نورينى هناك

harmless said...

r.r

ما الذى يحدث فى مجتمع حكمه اللصوص والفاسدون؟

تخيلى رجل ذا عقل وحكمه وموهبه يريد ان يخدم مجتمعه بقول حق وفعل حق
مؤكد سيصطدم بالحكام
فبياضه ويظهر سوادهم
ونقاءه يفضح فسادهم
مجرد ظهوره سيؤرقهم
واغلب الظن انه سيجد نفسه معتقلا او حامل لتهمه ملفقه

المنطقى ان ينزوى ويعتزل ويختفى وسط العامه
فليس كل الشرفاء انتحاريين كما قال مصطفى امين رحمه الله

قد يخدعنا هذا المشهد فنقول لم يعد هناك شرفاء
ولكن ثقى ان الخير موجود
ولكنه الان فى مكان ما

harmless said...

سهر الليالى

من زمان وانا نفسى اشوف حد اعتمد عليه فى المعايش وابطل شغل ووجع قلب

مش عيب خالص

تخيلى بقى واحد ايراده يوميا نصف مليون جنيه
وتخيلى نفس هذا الشخص يجد نفسه بجانب عز او ساويرس او حسين سالم او عشرات غيرهم فقيرا يستحق الصدقه

وتخيلى اضراب عن الطعام لالاف العمال لانهم لم يقبضوا منذ ثمانى اشهر ومتوسط المرتبات مائه وثمانون جنيها

وتذكرى فى حلقه رولا خرسا فى التليفزيون الحكومى السجينه المسجونه تنفيذا لحكم ثلاث سنوات لانها ضمنت ابوها الذى توفى فى قرض لجهاز اختها وتركت ابنائها ومنهم الرضيع
وكل الدين فقط خمسة الاف جنيه

وتخيلى الاب الذى قتل اولاده وانتحر لانه لا يستطيع ان يؤكلهم
واب اخر انتحر لانه لايستطيع معالجه ابنه المريض بالسرطان
والاف الاسر يسكنون الصفيح وفيهم الاطفال والبنات

وانا
والله انا
حضرت افراح واعياد ميلاد اريق فيها مئات الالوف بلا حساب

بالله عليكى اهناك كفر اكبر من هذا؟

hamasat said...

اثار اعجابي اختيارك لموضوعات مدونتك وخصوصا التعليقات الجانبيه
اما بالنسبه لبلدنا فلها ولاهلها الغلابا الله وحسبنا الله ونعم الوكيل في كل الظلمة

gohayna said...

والله انا كنت بحب جاك شيراك
كان راجل ودود كدا صحيح هو مش احسن من الموجودين علي الساحه
بس كان ليه شكل وكاركتر خاص بيه

اما بقي المرشيحين الافاضل
وسيرتهم الذاتيه فدي حاجه تبشر بالخير الي هيعم علي المنطقه

يعني اهلا بالمفاهيم الجديده والقيم والمثلي
والقدوه الحسنه

ربنا يستر


وبعدين انت بقالك
شهرين بس

يبقي لازم تعمل حاجه علشان فيه قانون بعد شهرين من التدوين
لازم تعزم المدونين علي شاي وجاتو

مش عارفه ايه حكايه الجاتو الي لازقه معايا دي

طيب عزومه في هيلتون مثلا
دا قانون طلع جديد ازاي متعرفوش


ولا بقولك

تقترح انت تحتفل ازاي

واوع تهرب

تدبيسه بقي معلش


تحياتي
تحياتي

دوللي said...

كل ابنائك خانوكي يا مصر
فعلا كلهم اللي خانها بالعمل و اللي خانها بالسكوت و السلبيه

Anonymous said...

تحول كل الجالسين الى لصوص ومرتشين بسرعة البرق فى حلقة مدتها 90 دقيقة


ياترى باقى بؤرة الفساد فيكِ يا مصر تاخد كمان كام دقيقة

صاحب البوابــة said...

لا تيأس يا عزيزي

فالفجر قادم ولو تأخر

والطغيان سيسقط ولو توغل

صدقني

احزن على حال مصر كما تريد

لكن بالله عليك لا تيأس

Unknown said...

وفي النهاية

كل الجثث تتشابه

جملة من نفس الفيلم من المشهد اللي بعده على طول
وبرضه ريتشارد اللي قالها

في أفلام السينما ... الأبطال مابياخدوش وقت
علشان يستوعبوا دروس الحياة

ده .. في السينما

Bossy said...

السلام عليكم
انا اول مرة ادخل المدونة وبجد سعيده باول بوست اقراه فيها
لان جميل جدا انا مشفتش الحلقه
بس اعرفهم واعرف اللي زيهم وامثاله
مش لوحده اللي خان البلد وخان الناس اللي بتعتقد انه زعيم وبطل اسطوري وانسان شريف لان الناس دي معروف بيتكلموا امتي وبيسكتوا
بس في الكويسين والله اعلم برده ما جايز يطلعوا زيهم اللي هيطلعنا من دا احنا
مش حد تاني

loumi said...
This comment has been removed by the author.
loumi said...

مبروك
هما صحيح شهرين مش كتير
ويمكن عدوا بسرعه بس المعلومات
اللى فيهم اكبر بكتير من الزمن اللى اسغرقته كتابتهم.
مستنيه تعليقاتك
والدعوة عامه لكل مريديك من المدونين وغير المدونين.

harmless said...

جهينة

صحبتك لا قيمة فى الدنيا تساويها
ولا متعه فى العالم تضاهيها

و لولا الاخطاء الزمنية والاخطاء المكانية التى حكمت معرفتى بكى لرأيتى منى ما يسرك

لكن
آدى الله وآدى حكمته

harmless said...

همسات

اشكرك على زيارتك
واشكرك انك اتحتى لى فرصه التعرف على مدونتك

كلها اراء ومشاعر وافكار
متميزة جدا

harmless said...

دولى

المصيبه الكبرى ليست فى وجود المنافقين والاذلاء واشباه الرجال
المصيبه فى تقبل المجتمع لهم والاحتفاء بهم ووضعهم فى مصاف الابطال والنجوم

المصيبه ان تغم الرؤيا وتتشوش الصور وتنطلى الخدعه على الجميع

harmless said...

نبيذ

دائما ما كنت الوم ما صار اليه اسلوب تفكيرنا من سهولة اساءه الظن بالناس وبساطه نعتهم بالخيانه واللصوصية وصعوبه تصديقنا لشرف الشريف وعفة العفيف

ولكن يبدو اننا صرنا هكذا لاسباب منطقية

harmless said...

صاحب البوابه

كبرت فى السن وانقضى معظم عمرى
وصرت اشعر انى لا اياس من شئ ولا اامل فى شئ

صرت اشعر اننا مجرد نقطه فى تاريخ طويل وسننتهى فى النهايه الى سطر فى كتاب سنه تالته اعدادى مكتوب فيه ان مصر عاشت ايام انحطاط وتخلف وظلم وقهر وتراجع فى العهد الفلانى وبدأت عصر نهضه فى العهد الفلانى

قفط اشفق على عمرى الذى ضاع فى عصور الانحطاط

harmless said...

أميرة

نحن فى عصر تتشابه فيه الجثث
ويتشابه فيه الاحياء ايضا
فالاحياء صاروا اقرب للموتى من الاحياء

ربما لم يبق لنا الا ان نحافظ على ان نظل احياء

harmless said...

بوسى

الدنيا موزونه بشكل مدهش
لا يستطيع فيها كذاب ان يكذب الى الابد
لابد ان تحدث احداث تكشفه
لابد ان يصادف يوما شريفا يكشفه او جريئا يفضحه
او ربما لا يعدم حاسد او واش فيجعل الله من شره سببا لكشف صاحبنا

ولولا دفع الناس بعضهم البعض لفسدت الارض

اشكرك على الزيارة وارجو ان يدوم تواجدك

harmless said...

لمى

مبروك المدونة
حتصيفى امتى بقى؟

MAKSOFA said...

تعجبني

فعلا كلمك مظبوط كلهم خونه وممثلين ونصابين وبيضحكوا علينا

harmless said...

مكسوفة

عارفه؟
المشكلة فى المسارات
اى نظام فى اى بلد له مسارات

فيه مسارات لا تسمح بالشهره والعلو وتبوء المراكز العليا الا للاذكياء الموهوبين المخلصين المستحقين للثقه
هم او من يمثلون انهم كذلك

وفيه مسارات لا تسمح بالتقدم الا للمنافقين والقوادين واللصوص والمجرمين

ونظامنا مساراته من النوع الثانى
ولذلك
فمن النادر ان يشتهر الا من هو مثل هذا