Saturday, April 21, 2007

السقوط


السقوط المقصود ليس هو السقوط الاخلاقى ولكن السقوط الفيزيقى اما السقوط الاخلاقى فهو بوست قادم ان شاء الله

وهذا البوست بمناسبه اطلاق القمر الصناعى المصرى الذى تم من يومين
والسؤال
كيف يدور القمر الصناعى حول الارض وهو لا يحتوى على اى ماكينات او صواريخ او وقود وكل ما يملكه بعض الخلايا الشمسيه التى تكفل له طاقه محدوده وهى اللازمه لتشغيل اجهزة التصوير والاتصال بالارض

الموضوع بسيط جدا وهو تطبيق لاحد قوانين نيوتن الذى يقول
الجسم يحتفظ بحالته من الحركه او السكون ما لم تؤثر عليه قوه تغير من حالته

تخيل انك تلقى طوبه فى الهواء فما الذى سيحدث
سترسم الطوبه قوس فى الهواء ثم تسقط على الارض

طيب
لو القينا الطوبه بقوه اكبر
سترسم قوسا اكبر فى الهواء وتسقط على مسافه ابعد

طيب
لو القينا الطوبه بقوه اكبر فاكبر حتى صار القوس الذى ترسمه فى الهواء قطره هو قطر الكره الارضيه نفسها
تخيل
ستظل الطوبه تسقط الى الابد ولكنها لا تصل للارض ابدا
لانها تسقط خلال قوس يعلو الارض وبنفس قطر الارض كانه دائرة حولها فتظل تتدور وتدور دون ان تصل للارض

هذه هى الحقيقه العلميه الذى استعجب لها جدا
الاقمار الصناعيه فى حاله سقوط دائم على الارض
وهى اسيره قوتين
قوه قذفها التى تحاول ان تطيح بها فى الفضاء الخارجى
وقوة جذب الارض لها
ومحصله القوتين هو هذا القوس الذى لا ينتهى

ولان هذه العمليه خارج نطاق الغلاف الجوى
فليس هناك قوة مقاومه تضعف قوه القذف فتتغلب عليها قوة الجذب

الاعجب ان نفس هذه القاعده هو سر دوران القمر حول الارض
انه فى حاله سقوط دائم على الارض

وهو نفسه سبب دوران الارض حول الشمس
فهى فى حاله سقوط دائم على الشمس

والموضوع اكبر من هذا ايضا
الارض بقمرها هى وامثالها باقى كواكب المجموعه الشمسيه وباقمارهم ايضا يسقطون على الشمس
والشمس بكل منظومتها ومعها ملايين النجوم بعشرات الملايين من الكواكب يسقطون او يدورون حول مركز مجرة درب اللبانه

ومركز المجره فى مكان سحيق فى الفضاء ولكى تتخيل مكانه فتخيل سرعة الضوء الذى يسافر من الاسكندرية لاسوان ثلاثمائه مره فى الثانيه الواحده ويسافر الى الشمس فى ثمانى دقائق
يسافر من الشمس الى مركز المجره فى ثلاثين الف عام

فالمجره على شكل كره قطرها مائه الف سنه ضوئيه ونصف قطرها من مركزها الى حافتها خمسون الف سنه ضوئيه وتقع الشمس على بعد ثلاثين الف سنه ضوئيه من المركز وعشرين الف سنه ضوئيه من الحافه

وكل هذه المجره بملايين نجومها ومعها ملايين المجرات يفعلون نفس الشئ يدورون او يسقطون جميعا على مركز الكون فى مكان لا يعلمه الا الله

وكل هذه الحركات المتراكمه بسرعه لا يتخيلها العقل والتى تعنى ان فى كل ثانيه تترك الارض مكانها فى الكون الى مكان اخر يبعد عشرات الالاف من الاميال

طيب
من الذى قذف هذه الاجرام العملاقه واعطاها قوة الدفع هذه
من الذى قذف الارض واعطاها هذه القوة المحسوبة بدقه والتى هى اضعف من ان تفلت من جاذبيه الشمس فتهيم فى الفضاء وفى نفس الوقت اقوى من ان تسيطر عليها جاذبيه الشمس فتهوى فى جحيمها

نحن نقول الله
والملحدون يقولون انه الانفجار العظيم الذى نشأ منه الكون

والحقيقه ان قوانين السقوط مثيره
مثلا قانون سرعة سقوط الاجسام على الارض به مسافه السقوط وعجله الجاذبيه الارضيه فقط
ليس به كتله الجسم

ماذا يعنى هذا؟
يعنى ان كل الاجسام تسقط بنفس السرعه بغض النظر عن وزنها
اى ان القاء صنجه حديد وورقه من اعلى الجبل سيصلون الارض فى نفس الوقت

عجبا
ولكننا نرى الورقه تتارجح ولا تسقط بسرعه الحديد
السبب ان مقاومه الهواء للسقوط فى حاله الورقه اكبر
ولو الهواء غير موجود لوصلا الارض فى نفس الثانيه

اى اننا لو القينا الورقه والحديده من على جبل فوق القمر
فسيصلون سطح القمر فى نفس الوقت حيث لا هواء هناك

من ضمن عجائب السقوط ايضا ان الجسم يفقد وزنه
يكون بلا وزن
غريبه؟

لو تركب مصعد وبدأ النزول وزنك على ارضيه المصعد سيقل
ولو زادت سرعته يقل وزنك ويقل فاذا وصل المصعد الى سرعة السقوط الحر انعدم ضغط قدميك على ارضيته تماما
ولو زادت سرعته عن ذلك لصار وزنك بالنسبه له سالبا فتطير فى الهواء وتخبط راسك فى السقف

وبتصور اسهل
لو انت تسقط فى الهواء وتسقط بجانبك خزنه حديد وزنها طن
ووضعت يدك اسفل منها كانك تحملها
لن تجد لها وزنا يضغط على يدك

اخيرا
ساقول لك اغرب انواع السقوط والذى يحدث لكل منا يوميا الاف المرات

بداية كيف يتزن الانسان وكيف يسقط من ناحيه الفيزياء؟

يوجد فى جسم الانسان مثله مثل باقى الاجسام نقطه اتزان
وهى النقطه الذى اذا علقناه منها فى الهواء اتزن
وهى نقطه فى منطقه حول السره تقريبا

وانت واقف على الارض ارسم مربع يمس قدميك من الخارج بحيث تكون قدميك داخله
هذا المربع هو محور ارتكاز جسمك

طول ما نقطه اتزانك تقع فى هذا المربع فانت لا تسقط على الارض
الان مل بجسمك قليلا الى الامام فتتحرك نقطه الاتزان راسيا الى طرف المربع الامامى
اول ما تخرج نقطه الاتزان خارج المربع تسقط على الارض فورا ومستحيل الا تقع
وهى ممكن تخرج من الامام فتقع على وجهك او تخرج من الخلف فتقع على ظهرك او من اليمين او اليسار

لاحظ انك لو وقفت على ساق واحده فسيكون مربع الارتكاز هو مساحه قدم واحده فقط وهو ما يجعل اتزانك هشا لانه يجب ان تحافظ على الا تخرج نقطة الاتزان من مربع اصغر من المربع السابق بكثير

الان
تريد ان تسير
فما الذى تفعله؟
تميل الى الامام
فتخرج نقطه اتزانك من مربع ارتكازك
ويبدأ جسمك بالسقوط على الارض
وقبل ان يكتمل السقوط تحرك ساقك الخلفيه وتضعها فى الامام
فيتغير موقع مربع ارتكازك
وتجد نقطه اتزانك نفسها فجأه فى المربع الجديد فيتزن جسدك فورا ولا تسقط

ثم تميل بجسدك مره اخرى فتسقط مرة اخرى ثم تلحق نفسك مره اخرى بنقل مربع ارتكازك لمكان جديد فيتزن جسدك
وهكذا كل خطوة تخطوها

طيب ماذا لو اعقنا ساقك الخلفيه من ان تاخذ مكانها الجديد
يكتمل سقوطك بالتاكيد وتقع على الارض
هذا ما نفعله بكعبله شخص بتعليق ساقه بساقنا
الحقيقه اننا لا نوقعه ولكنه هو كان يقع فعلا ونحن فقط منعناه ان يلحق نفسه

هل تتخيل ان المشى هو سقطات متتاليه؟

58 comments:

gohayna said...

ينهار ابيض


بجد ينهار ابيض

انا هقوم ارسم المربع واعمل زي مانت قولت

وهشوف هقع ولا لا؟

وهقولك تاني

حاجه تانيه ملهاش دعوه بالموضوع


بجد انا حبيت الرقم 79

هدخلك تاني

سلام مؤقتا

gohayna said...

بجد عندك الف مليون حق

انا فعلا جربت

وصدقت

وسط كميه المعلومات الرائعه الي انت ذكرتها

اكتر كلمه شدتني اخر جمله

ان السير ما هو الا سقطات متتاليه

استوقفتني الجمله دي اوي

حسيت ان ليها معني علمي
وانت ذكرته

ومعني تاني فلسفي مختفي بس بيتفهم

دا من وجهه نظري انا حسيت كدا

تسلم ايدك بجد
دايما بتوعيني علي حجات عمري ما فكرت فيها مع انها بتكون عاده الواحد اتعود عليها

زي موضوع المشي

عمري ما فكرت فيه بالطريقه دي ابدا

بجد تسلم ايد يا هارملس

تحياتي

Unknown said...

مساء الخير

أتساءل
كيف يمكن تطبيق ماشرحت بشكل غير مادي ؟

كيف تتمكن الجاذبية المعنوية من حماية بعض الأرواح من السقوط ؟
الإنهيار يعني

كيف يتضائل ثقل الهموم في لحظة دون شبهة سقوط ؟
بل على العكس
أراها لحظة إرتفاع

كيف يدور العقل حول فكرة ما
وتضيق دائرة الدوران شيئاً فشيئاً
دونما إندفاع نحو مركز الدوران ؟


أسئلتي لا تعني المعارضة

لأ... وحياة ربنا

أسئلتي تعني الإمتنان

تحياتي ليك

... said...

احترم كل ما قلت

بجد

harmless said...

جهينة

كعادتك
انهار من الرقه وطوفان من الجمال وجبال من الذوق وبحور من الصفاء ومالانهاية من البراءه والانسانيه

اسرتى القلوب فاحب الاسير آسره وتمسك السجين بسجانه واعتنق المسبى سابيه

حفظك الله وابقاكى نورا لمحبينك وسعاده لكل من اقترب منك

harmless said...

أميرة

يعجبنى كلامك دائما يا أميرة
يعجبنى ربطك الدائم بين المشاعر والماديات ونظرتك الثاقبه التى تحلل ما وراء القوانين الجامده

فكرتينى بقصيدة نظمها احمد شوقى تمجيدا للبطل السيد نصير الفائز بميدالية دورة امستردام

القصيدة اعجاز وروعه ومتعه
اكتب لكى منها اخر سبع ابيات وسترين انها تسير على نفس اسلوب تفكيرك العميق فى المقارنه بين حمل الاثقال فى الرياضه وحمل اثقال الحياة
والبيت الثانى يقصد دينا من الديون
والبيت الرابع يقصد بـ منا من يمن على فلان بما فعل له من خدمات
ثم انظرى الحكمه فى آخر بيت



قل لي نصير‏,‏ وأنت بر صادق
أحملت إنسانا عليك ثقيلا؟

أحملت دينا في حياتك مرة؟
أحملت يوما في الضلوع غليلا؟

أحملت ظلما من قريب غادر
أوكاشح بالأمس كان خليلا؟

أحملت مَنا بالنهار مكررا
والليل‏,‏ من مسد اليك جميلا؟

أحملت طغيان اللئيم اذا اغتني
أو نال من جاه الأمور قليلا؟

أحملت في النادي الغبي إذا التقي
من سامعيه الحمد والتبجيلا؟

تلك الحياة‏,‏ وهذه أثقالها
وُزن الحديد بها فعاد ضئيلا

harmless said...

حلم

اشكرك على زيارتك الاولى
وقد ذهبت الى موقعك لاتعرف عليكى وعلى افكارك اكثر

فوجدت لكى مدونات كثيره
ووجدتك تكتبين فيهم كلهم بصفه مستمره

رايت ان استشيرك
من منهم اقرب لكى حتى ابدأ بها
انا مبدئيا سابدأ بطائرة ورق
ايه رأيك؟

Unknown said...

القصيدة رائعة

إمتناني زاد آلاف الكيلوجرامات
.....

وماذا تقول إذن لمن يجعل لأثقالنا وزن الريشة
فيأبى الضمير أن ننال تقديراً لا نستحقه ؟

ماذا تقول لمن يمسح علامات الإرهاق وآثار السهر
فيصمت داخلنا صراخ الشكوى ؟

ماذا تمنح لمن يرفع من قيمة ما نقول وما نفعل
فلا نهتم حينئذ بالحاقدين والسفهاء ؟

....
هتقول إيه ؟

harmless said...

أميرة

عادة لا اقول قبل ان أسال
اذا سأسال
لماذا يفعل هذا ذلك؟

Unknown said...
This comment has been removed by the author.
Hannoda said...

اللي قلته حقائق و قوانين معروفة ويمكن التعرف إليها في كثير من الكتب
معلومات تفتح العقل لقدرة الله و لسهولة قوانين الكون .. سهولة تحمل تعقيدا شديدا.. وهي كلها مؤدية إلى انبهارنا بقدرة الله و التسليم بربوبيته

هذا ما تحمله معلوماتك
وهو مفهوم جدا ولا غريب فيه

لكن الغريب

هذا العقل الذي أقرأ كلماته الآن
الغريب هو انت بحق

أنا الآن في شده اندهاشي و اعحابي و آلاف التساؤلات .. وبالعربي كده.. أنا فقمة ازبهلالي

هي نعمة أن يمكلك الإنسان ما تملكه من عين ثاقبة تري ماوراء الأشياء

وليس عين فنانة فقط
بل أيضا فكر فنان.. قادر على صياغة كل ما يملكه وكأنه يسكب ماء في كفك

لأول مرة أشعر أن قوانين الكون تحمل لنا رسالة ما .. عدي التسليم بوجود الله

أول مرة أجد فيها أضواء تلقى عليّ وعلى خبراتي في الحياه

أشكرك على معلوماتك وشكري الأكبر على القيمة الروحية التي تملأنا بها

... said...

طائرة ورق صفحتى الرئيسية
مرحبا بك فيها وفى غيرها دوما
انت مضاف للريدر عندى منذ وقت
ربما قصرت فى الدخول والتعليق عندك
لكنى ..أتابع دوماً

تحياتى لك

harmless said...

هانوده

صدقينى لا استحق اى اطراء
خاصه من ملكه المشاعر الرقيقه هانوده

ولكنى ساقول لكى كيف تتوارد هذه الخواطر كمثال

كنت جالسا ليلا اتفرج على قناة دبى
وفجأه قطعوا الارسال لاذاعه اذان الفجر

نظرت الى الساعه فوجدت انه متبقى ساعه ونصف على اذان الفجر فى مصر

تعجبت جدا
فاى اذان فى اى مكان يقيس موقع الشمس بالنسبه لهذا المكان

اى ان بعد ساعه ونصف سيكون موقع الشمس بالنسبه لمصر مثل موقعه الان عند دبى

اى ان الارض تتحرك امام الشمس قدر المسافه بين دبى والقاهره فى خلال ساعه ونصف

يا نهار مش فايت
ده انا باسافر من القاهره لدبى فى اربع ساعات كامله
والارض تسافرها فى ساعه ونصف؟

ماهذه السرعه الرهيبه التى تتحرك بها الارض ونحن لا ندرى بها

كم نحتاح من الطاقه وكم سنحرق من مليارات براميل البترول لنحرك كتله رهيبه مثل كتلة الارض بغلافها الجوى ومدنها ومحلوقاتها بهذه السرعه

الله يحركها بقوانينه من ملايين السنين ببساطه ويحرك امثالها واكبر منها ملايين المرات

والله يمسك الكون بقدرته وقبضته ولا تأخذه سنه ولا نوم
ولو هانت قبضته جزء من ثانيه لانهار الكون على نفسه

سبحان الله
ما اعضم قدرته

Hannoda said...

سبحان الله
الذي خلق هذا الكون و خلق لنا عقولا تفهم ما صنعه
وقلوبا تعرف كيف تتعلق به و تسبخه على ما خلق

gohayna said...

كلمات نزار قباني قد ايه بتمثل واقع انا لمسته من خلال عيشتي هناك في دول الخليج لفتره كبيره اوي

قبل وبعد حر الكويت

ولمست طباعهم بنفسي

عايزه اقولك اهم رغم اموالهم المكدسه

والحسابات الي في البنوك

والثراء الفاحش الرهيب
وكل ما لذ وطاب من متع الحياه

الا انهم بيفتقدو الشعور بالامان

او بالاحري عندهم عقده نقص

دايما حسين انهم اضعف من كل البشر

وانهم لازم بستندوا ويتشبثوا بالاقوي

لانهم عارفين في قراره نفسهم انهم لا يمتلكو من امور القوي سوي المال
والمال فقط

فلا ارث تاريخي
ولا شيئ سوي البترول

اكيد لا يخفي عليك قطر والوجه المزدوج الي بتظهر بيه

اما الكويت فحدث ولا حرج
بعد بوطولات بوش في حرب الكويت

كل معني للكرامه العربيه انتهي من القاموس

لو تشوف البلد دلوقتي تلقيها مسخره لخدمه الامريكان والبريطانين

وبعض الدول تحاول انها تقاوم التيار لكن دون امل

يعني ياختصار
ان الشعور بعدم الامان والنقص المتمكن فيهم هو الي بيدفعهم لكدا

صحيح دا مش سبب علشان اتخلي عن قضيه عربيه
وانتهج سبيل شاذ

بس الظروف والاخلاق والمستوي التعليمي
والموروث الديني

هو الي بيتحكم في تصرفاتهم

اما بالسلب
او الايجاب

طولت عليك يا هرملس

بس كلماتك الي اخترتها من نزار
مكنش ينفع اعديها من غير ما اقولك
اني بجد سعيده بمعرفتك

وهو دا الظاهر الي غير الباطن


تحياتي

Ma 3lina said...

ربنا يسامحك الشغل كله اتفرج عليا و اتاكدلهم انى عااقلة

ايه طوفان المعلومات اللى نزل دا انا فتحت مدونتك اول حاجة علشان اقرا بمزاج بدون سربعة

فكرتنى بايام علوم اعدادى كنت بحب اوى علم الكواكب دا جدا

و علم الفيزياء كمان

سيظل الكون سر بالنسبة لنا و الانسان يحاول يفك طلاسمه

عاوزة اطلب طلب من سيادتك بما انك فتحت الموضوع

ما راى سعادتك فى وجود حية على كواكب اخرى ؟؟ ايه رايك فى فرضية النظرية دى

وهل لو كان فيه حياة فعلا مش كان ربنا ذكرها ؟؟

Diala said...

سررت للتعرف إلى مدونتك المثيرة للإهتمام

سأعود للإطلاع على المزيد

تحياتي

harmless said...

جهينة

زرت جميع الدول العربيه وقابلت اناس كثيرون من كل بلد ودارت مناقشات عديده بيننا

وقد تقلبت كثيرا فى الافكار عن الامه العربيه وهل هى امه واحده كما درسنا وتربينا ام هى عده امم ولا سبيل لتجميعها

ويبدو اننا لكى نفهم سلوك شعب يجب ان نستعين بالخيال من جهه وبمعلومات التاريخ القريب من جهه وان نتعايش مع مشاعرهم من جهه

هل مثلا تتخيلين ان من يبلغ من العمر خمسه وخمسون عاما من ابناء دول الخليج عاش وحضر وقت ان كانوا يعيشون فى خيام ولا يوجد عمارة فى المنطقه؟

اليس هذا الانقلاب الرهيب فى مستوى المعيشه له تأثير فى الشخصيات؟

الا يجعل اى انسان يفقد اتزانه ويتعالى ويتضخم ويتكبر على من كان يعلمونه فصاروا خدامه؟

ثم
ماذا يفعلون عندما يرون حكومه شعب عريق كمصر تفقرهم وتذلهم وتدفعهم للهجره وتسلم ارواحهم للعابثين من الخليجيين يقتلونهم يسباقات السيارات ثم يسمحون بسفرهم معززين مكرمين او يسلمون اجساد المصريين لكلاب امرائهم ينهشونها وهم فى بلادهم ولا يجرؤ احد على محاسبتهم وتعلق الابنه المصونه قائله
ايه المشكله كلب عض كلب

اتذكر قصه تحزنى دائما
كنت فى تونس وقت حريق قطار الصعيد الذى تفحمت فيه جثث عشرات المصريين وكنت اتمشى قرب بائع جرائد وصور الجثث معلقه على حبل امامه واثنان من التونسيين يتفرجون ويمصمصون الشفاه
سمعت احدهم يقول لزميله

حكومتهم بتعاملهم معاملة البهايم

harmless said...

ما-علينا

انتى عاقله وست العاقلين كمان
ربنا يخليكى

رأيى الشخصى عن حياة اخرى انه
مية الف مليون مؤكد ان فيه الاف ملايين المخلوقات الاخرى

كيف نتخيل ان الله خلق كل هذا الكون ثم خلق حياة فقط فى هذا الكوكب التافه الصغير

مئات الملايين من الاجرام لا يعرف عددها الا الله كلها خاليه من الحياة؟
لماذا؟

انا ليس فقط مقتنع الى درجه اليقين ان هناك حيوات اخرى كثيرة ولكن متاكد ايضا ان هناك اكوان اخرى بقوانين اخرى وانماط حياة اخرى مما لا يخطر على قلب بشر

harmless said...

diala

نورتى يا اختنا ويارب يكون يوم الفرح الكبير فى جيلنا ونحتفل به كلنا

gohayna said...

عندك حق في كل الي قولته

اسمحلي اضفلك حاجه لسه عارفاها من قريب

في الكويت مكان عمل والدي

وفي السفاره المصريه
كان فيه مشروع علشان التامين علي الارواح ضدد بنود كتيره اوي

العجز والموت وحجات تانيه كتير

المشروع دا اتقال علي التلفزيزن في البيت بيتك
وفي كذا قناه محترمه اخري

وتفضل والدي بالسؤال علي الموضوع دا في السفاره هناك

تكرم واحد من المصريين الي هناك وقله انهم معندهمش علم باي شيء من هذا القابيل

ولما كان بيتناقش في دوانيه مع ناس كويتين


تخيل ردو عليه وقالوا ايه؟

انت كدا يا المصاروه

تكدبو الكدبه وتصدقوها
وحكومتكم بتأكلكم الاونطه

في حين سيدي العزيز
من كام شهر فات ولما ارتفع سعر البترول واصبح فيه وفره في الدخل

امر امير الكويت هناك

بمكافأه لكل الشعب الكويتي
من شيوخ لحد الاطفال
200 دينار كويتي

بس علشان عائدات النفط ذادت

بعد المقارنه بين الطرقتين
افتكر ليهم حق ميحترموناش

علشان اساسا حكومتنا محترمتناش
وخلتنا مسخره للعالم كله
وليس العالم العربي بس

كلمتين جيت افك بيهم عن نفسي شويه

ارجو مكنش تقلت عليك

تحياتي سيدي العزيز

أسوور said...

هو ليه مافيش رجالة بتعلق عندك
وبعدين برضه كل البنات الحلوين اللى بييجوا هنا يعلقوا بينالو حظ من كلماتك الجامدة موووووت
على فكرة الكلام دة ممنوع وماينفعش وماتقلهوش لية خالص .. اصلى معقدة .. انت فاهمنى
:)))))
معلومات قيمة يافندم بجد
بس خايفة اقول اكتر من كدة أحسن تقوللى
الأسير وآسره وكدة بقى

كويس انك يوم 16/4 كنت مبسوط رغم تعطل القطار .. طبعا عشان كنت قاعد جنب الست ذات الخمسون ربيعا التى بالتاكيد أمتعتك بحديثها
:)))))))))
صحيح .. بتحب الأكل الصينى؟؟
اصلى بحبه

harmless said...

ياسمين

لا يتبقى بين الناس الا الكلام الطيب
وخصوصا على النت
كل كلام هنا هو بعيد عن الشبهات
لاننا كلنا فى النت افكار بدون اجساد
لا نملك ضرا لاحد ولا نفعا لاحد

على العموم
كتر خيرك يا غالية
ربنا يقدرنى على خدمتك
تقريبا بعد تعليقك محدش حيخشلى تانى
لا راجل ولا ست

على فكره الاكل الصينى رائع
بس خلى بالك
الجمبرى المسلوق احلى بكتير من البانيه
فيه ناس فاهمه وفيه ناس غشيمه

و بمناسبة السيده ذات الخمسين ربيعا
والله كنتى حتحبيها جدا وحتصاحبيها فورا
اجتماعية جدا وحبوبة جدا ودمها خفيف
وقعدت اعاكس فيها طول السكه وهى ميته من الضحك

حلو الكلام؟

Ali Mahdi said...

السلام عليكم
دى الزيارة الاولى للمدونة
انا رغم انى دراستى بعيدة كل البعد عن الفلك
لكن انا اعشق القراءة عن الكون والاجرام والنجوم والمجرات والشموس وكل شىء عن الفلك الخارجى

انا احمد مغازى
دارس للعلوم السياسية
انا هضيف مدونتك عندى
ويا ريت تشرف مدونتى البسيطة بالزيارة
we can

طبعا المعلومات اللى انت ذكرتها والحمد لله انا ملم بيها

بس الواحد لا يملك فى كل مرة يقراها إلا انه يقول سبحان الله العظيم

واذا كان الغربيين هيقولوا الانفجار العظيم , طيب ومين اللى عمل الانفجار؟
وهل الانفجارات العظمى تكون الابداع ده؟

Ali Mahdi said...

نسيت , اية حكاية ان كل الزوار هنا من البنات بس؟
هو انت مانع الرجالة ولا اية؟

harmless said...

احمد حجازى

اشكرك يا صديقى على الزيارة
وقد القيت نظره سريعه على مدونتك فوجدتها من النوع الذى يسرنى ويستهوينى ويبدو انه سيكون بيننا الكثير

ياسمين اختنا الغالية فقط تداعبنى
والحقيقه ان لى اصدقاء هنا لا مثيل لهم فى الذكاء والحماس والفكر والاحساس

والان
حالا
زاد اصدقائى صديق كريم
اذا اذنت طبعا

تحياتى

أسوور said...

ايه دة بجد البانيه مش حلو
طب كويس انك نبهتنى
يا عم أنا بأناغشك بس
أوعى تكون زعلت
والست على عبنى وعلى راسى بس متغاظة انك انت اللى استمتعت بصحبتها وأنا لأ
عموما مش متضايقة قوى لأنى استمتعت برضه بصحبة بعض الناس اللذيذة
:)))))))))

Unknown said...

لأ لأ لأ

بجد الصورة دي مؤلمة جداً

Unknown said...

أنا آسفة على تعليقي اللي فات
رد فعل اللحظة مش أكتر

بس أنا متغاظة لأنها مجرد صورة
علشان أنا لو شايفاها في الحقيقة ، كنت رُحت علقت صاحب العربية مكان الحمار

أو إدينا الحمار الميدالية الذهبية في كل الدورات الأولمبية من أول ما إخترعتها اليونان
في حمل الأثقال والهموم وقسوة قلوب البشر

آه ياااني

Anonymous said...

روعة واستفادة من مغلوماتك الفيزيائية
وتحياااااااااااتي

كراكيب عادل said...

اسمحلي بجد اقدم كل تحياتي اليك

انا اول مرة اجي هنا ونادم انها مكانتش من زمان انا زهقت من اغلب المواضيع الغير هادفة
كمية المعلومات واختيار الدلائل روعة

كان ناقصك شوية صور وتكمل وتبقي موسوعة صغيرة

تحياتي

harmless said...

مصراوى قوى

مرحبا بك وساتصفح مدونتك حالا لزياده المعرفه بشخصيتك
اتمنى صداقه دائمه

harmless said...

كراكيب عادل

اشكرك على كلامك الرقيق
قرأت لك كثيرا وطبعا حصانك الراكض لا تخطئه العين

مواضيعك شيقه وجميله ولى تعليقات على بعضها ارجو الا تكون كراكيب زياده فى كراكيب عادل

تحياتى

harmless said...

أميرة

مخلوق مسكين الحمار
مع الانسان فى عمل شاق لا ينتهى
ولو فى غابه فمصيره طعام للضوارى

من سوء حظه انه حمار جسما
ومن حسن حظه انه حمار فهما

Hannoda said...

هارملس

اسمحولي أن أتدخل في حوارك أنت وجهينة
عن أبناء دول الخليج

دائما طالما سمعت عن غرورهم و تكبرهم عندما كنت في الكويت أيضا

كنت حينها أصغر من أن ألاحظ طباع الناس

ولكني سمعت

وتكونت لدي فكرة كبيرة عن طباع كريهة .. تحولت الفكرة لخوف و رفض شديد للسفر إلى قطر

وهنا اشتغلت بتدريب الككمبيوتر في أحد المراكز الكبيرة

ويمر علي الكثيييير من القطريين
وما أندهش له جدا جدا

أنهم يا سيدي في شده البساطة و التعامل الفطري و التسليم بأنهم شعب لا يعرف و أن المقيمين هم من يعرفوا

وأنهم دوما يشعروا بالعرفان لمن يعلم فيعلّمهم

أكثر جنسية في طلابي تسلم بأنني المعلم .. وهم المتلقون المطيعون

كم أندهش لما أراه هنا... وكثيرا أحاول تفسير هذا الاختلاف عما سمعته عن باقي شعوب بعض الدول الأخرى

حقا لا أفهم

harmless said...

هانوده

كان لى اثنان اولاد عمتى
والاثنان اشقاء وفرق السن بيننا كبير

احدهما من قدام الاخوان متدينا بشده
والاخر كان رجلا يعيش يوما بيوما وليس له علاقه بالتدين ورما كان اقرب للبحبحه
رحمهم الله الاثنان

الاثنان سافرا الى السعوديه وعاشا هناك عشر سنوات على الاقل
كل منهم فى مدينه

فى ايام الزيارات سالت كل منهما سؤالا عامدا متعمدا

والسؤال هو مارايك فى السعوديين؟
المتدين قال لى انهم قوم ملائكيين اعدهم الله لحمايه دينه وبهم شده فى الحق حتى لو على اولادهم

والثانى قال لى انهم اكبر هلاسين فى الارض والخمور انهار ويقضون اوقاتهم فى مشاهده الافلام الاباحية


اردت ان اقول لكى ان هذا هو اسلوب الانسان فى تكوين رأى عن مجموعه لا ينتمى اليهم
دائما يعمم صفات احدهم على الجميع

بالاضافه ان كل انسان يعايش ما يتوافقون معه او يرضى بمعايشتهم فيظن انهم عينه مثالية للمجتمع كله

وللحق
انا تعاملت مع كثير من الناس من كل المستويات فى الدول العربيه

ومؤكد فيهم ما فى كل البشر من مشاعر وغرائز وافكار تأثرت بالفقر او الغنى والخلفيات الثقافيه والاجتماعيه ..الخ

ولكن من المؤسف جدا جدا
ان نظرة الاغلبية من السعوديين والخليجيين عن المصريين ليست جيده
اقول هذا بحياد وباعذار وبفهم لاسباب تكون هذه الفكره عن المصريين

واذا اردتى ان تتأكدى ادخلى على البال توك وانكشى اى سعوديين او خليجيين واسمعى الشتائم
لكن لاتنسى ان تدخلى باسم رجالى
فهم ضعفاء جدا امام النساء

والتعميم مرفوض فى كل ما سبق
انا اتكلم عن نسبه معتبره فقط

gohayna said...

ايه الصوره القويه دي

فكرتني باعلان زبد لوربارك
العلان انهم بيدلعوا الابقار علشان يحصلوا علي احلي زبده

يجوا عندنا هنا ويشوفو

ويجوا الناس بتوع الرفق بالحيوان علشان يشوفوا احنا قد ايه مهتمين بالحمير

من كتر اهتمامنا بندلعهم لدرجه اننا شلناهم من علي الارض شيل

يا سلام علي القلب الحنين

تقدر تقولي صاحب العربيه خسر كام علشان يوفر للحمار بتاعه مرجيحه

منتهي الرفق

ودا الي جيبنا ورا والله قلبنا رهيف او مش بنستحمل

دا تهكم وانت عارف كدا
ما بالنسبه لهانوده


فانا معاك التعميم بالايجاب او السلب عمره مكان صح

كل مجتمع فيه الحلو والوحش
بس هما في الخليج زايدين شويه

تحياتي ليك يا هارملس
ا

Van Gogh said...
This comment has been removed by the author.
Van Gogh said...
This comment has been removed by the author.
Van Gogh said...

السلام عليكم
اولاً احب اشكرك عن البوست الذيذ ده...عجبنى جداً وعجبنى اكتر المعنى الجميل اللى وراه...هايل فعلاً
ثانياً انا بختلف معاك بشدة بالنسبة لوجود حياة كونية تانية خارج الارض...ونقاط المناقشة كتير..فأرجوا منك طرح الموضوع ده على كل قراء مدونتك ونحاول نفتح نقاش فى الموضوع ده
اخيراً اشكرك على الموضوع الجميل " السقوط" واكيد انت كسبت زائر دائم ان شاء الله

Anonymous said...

تفتكر ان مشكلته انه مش عارف انه حمار؟
والا مشكلتنا ان احنا اللى مش عارفين انه حتى لو كان حمار فى شىء اسمه الرفق بالحيوان وبالانسان كمان.
اما بالنسبه لموضوع مخلوقات اخرى فأنا على يقين زيك ويمكن كلنا عندنا اليقين ده بس مش واضح قوى لانه شىء غير ملموس بالنسبه لنا.احنا كلنا بنقول هو اللى خلقك ما خلقش غيرك وده اعتراف منناضمنيا ان فيه مخلوقات غيرنا فعالم الجان والملائكه موجود الا انهم ابعد من ادراكنا وقدراتناعلى الرؤياو دول على كوكبنا فاذا كنا لا نراهم وهم موجودون فالاحرى ان نتصور ان هناك مخلوقات على مجرات اخرىو خصوصا انه تبين ان النسيج الكونى مليءبالعديد والعديد من المجرات وايه المنطق فى اننا نكون احنا بس المخلوقين.طبعا موضوع السقوط شيق جدا دائماتتطرق للمواضيع من وجهات نظر ما حدش واخد باله منها .

harmless said...

Van Gogh

حللت اهلا يا عزيزى
واكرمتنى بصداقتك

رأيت لك 4 مدونات وهذا يعنى انك غزير الانتاج لذا فصداقتك مكسب كبير

تحياتى

harmless said...

لمى

مشاكلنا كتير بس مش مهم احنا
المهم الحمار

مش بذمتك لو فهم انه حمار مش كان اتصرف؟
يمكن كان انتحر وخلص

افتكرى
كام واحد فينا دمه يلطش ومشكلته الوحيده انه فاكر ان دمه خفيف

وكام واحد فينا بيشع غباء ومتخيل انه عبقرى لا يجود الزمان بمثله

وكام رئيس الشعب كله بيكرهه وهو متخيل انهم بيدوبوا فى دبابيبه

انا خايف يكون فى كل واحد منا حته من
اسمه ايه

حتيجى تصيفى امتى؟

Anonymous said...

كتييييييييييييييييييييييييييييييييير
اكيد كل واحد فينا فيه حتى من اسمه ايه
هههههههههههههه
حابقا اقولك

Hannoda said...

هارملس

أنا جاية حالا من عند Van Gogh ومليانة مشاعر سلبية كتيرة جدا
وأول حد فكرت فيه انت.. فقلت آجي أقولك عن مدونته بس لقيته عندك و لقيتك روحتله

لكن بطلب من تشوف مدونته اللي باسم
عندما نخاف الشمس

أكيد محتاجين رأيك بشده

harmless said...

هانوده

قرأت لاخى فان جوخ
قرأت بعينى وبمشاعرى
وتخيلت ما لم يكتبه

لكن بلدنا لن يبنيها الا مثل صديقنا ومثلك
لن يبنيها لاهى ولا متبلد ولا غبى
بلدنا تحتاج امثالكم
حزانى لحالها وحالهم
رافضين لواقعها وواقعهم
بلدنا تحتاج ان نكون كلنا مثلكم

لكن
الطريق ليس مظلما ابدا
الطريق سهل ومعروف ومطروق ومضاء ومحاط برعاية الله ورضاه

فقط لم نسير فيه بعد
وبدونه لن نجد الا حزينا او تائها او متبلدا يهتف
اللى يروح يروح واللى ييجى ييجى

gohayna said...

المشكله يا هرملس

انها اخذت الصمت طابع علشان تخفي الي اتعمل فيها

من اقرب الناس ليها

ولادها قطعو لسانها
ومسبوش غير عنين تتحسر علي الاحوال والي جري

هو انا هسافر من شويه؟

walaa said...

السلام عليكم ورحمة الله وبركاته
عادة كان الحديث عن الكون والاجرام غاية في الصعوبة .. فما به اليوم هنا في حديثك سبحن الله

الان لا اعلم ماذا يفترض بي ان اقول وعلى اي شيئ اعلق هل على هذا البوست الرائع والشيق عن حق .. ام عن هذه الصورة المؤلمة التي ازد على ما قيل انها من مقطع فيديو يتم تداوله عبر الهاتف واغرب وامقت ما فيها هو هذا الموقف الغااااية في الاستسلام من هذا الحيوان المسااالم .. فقط وكانه قد اعتاد الامــر .. يعلم ان العربة سترفع ثم يعاود كرتها مرة اخرى .. ليعاود جرها ويسير .. !!! ام اعلق على الحديث عن صنوف اهل الخليج .. عموما حديثك هذا ومثالك عن اربائك السعوديين لهو ابلغ ما قد يقال .. الكل يرى كل الامور من منظوره هو .. ومن واقع احتكاكه بالبعض لا بالكل .. فنحن نصدر الاحكام ونعممها بناء على خبرات مفردة خاصة .

اعذرني على الحكي الكثير هنا ولكن .. البوست شيق والمواضيع الاخرى التي تطرق لها الحديث ايضا شيقة .. ( انت المسئول ) ..

تحياتي

david santos said...

Thanks for you work and have a good weekend

harmless said...

جهينة

عارفه؟
بالرغم ان الاماكن مش مهمه على النت
واى مكان زى اى مكان
بس خبر سفرك مش مريح وجالب للزعل

بس فكرنى بموضوع حصل وانا فى تانيه اعدادى بالظبط
حاحكيهولك بس ما تتريأيش عليا عشان انا اتريأت بدالك بما فيه الكفايه

كان لى صديقه جميله اسمها حنان
وكنا مشتركين فى نشاط ثقافى بتشرف عليه الدوله وكان فيه تفاهم بينا وصداقه اعلى من باقى المجموعه

وفجأه اسرتها قررت تهاجر وتاخد حنان معاها
فكتبلتها الجواب التالى واديتهولها وهى مسافره

لاحظى انى باتكلم عن نفسى بصيغه الجمع
تقريبا للتعظيم او خجل من شعورى انى محتاج وجودها

-------------
حنان قد علمتى ما فينا
وقد علمنا ما فيكى

ورأيتى الحب من جانبنا
ورأينا نحن تجافيكى

فان كنت مسافره لاسرتك
فنحن هنا اهاليكى

وان كانوا يسرون لرؤيتك
فنحن نحيا بين ايديكى

فان بقيتى فستظفرى
بألسنه تلهج بتبجيلك

وان سافرتى فتذكرى
ان هنا اعينا تبكيكى

---------------

ياترى اكتبلك انتى ايه لو سافرتى؟

harmless said...

ولاء

سعيد جدا بوجودك
بصراحه عندى ضعف ناحيه الكويت وابناءها وارضها

اتذكر اول مرة زرت الكويت
كان فى يوليو
ووصلت الطائرة ليلا
وعندما وصلت للسلم فوجئت بالهواء يشوى جلدى فارتددت الى داخل الطائرة مذعورا

وقلت لنفسى اذا كان هذا الحال ليلا
فما بال الحال فى النهار

ولكنى تعودت سريعا
وحفظت شوارع السالميه
وشوارع الجهره
والسباحه فى الخليج فجرا
وسينما السيارات
والبرج الكروى

وفى الكويت عرفت اصدقاء اعزاء
ورأيت نقائض لم اجدها فى اى بلد

واول مره اعرف شخصا لا حدود لثراءه كان فى الكويت
كان عمله الاساسى فى التبغ ولكن
تصورى نسيت اسمه
بالرغم انه استضافنى يوما فى قصره
وسافرت معه فى طائرته الى سويسرا
واستضافنى يوما اخر فى قصره هناك
ثم تركنى وانا اسأل نفسى
بدون حقد ولا حسد
مجرد سؤال
هل من المناسب ان يكون هناك شخص ثرى الى هذا الحد؟

ومازلت لا اعرف اجابه

harmless said...

david santos

the mystery friend
thank u

gohayna said...

تصدق بالله يا هرملس

والله حنان خسرت كتير بسفرها


بعد كل الكلام الجميل الي انته كاتبه دا وسافرت


صدقني خسرت كتير اوي


وبعدين الكلام والله رائع
واسلوب الجمع فيه خجل

بس سؤال؟

الكلام دا انت متأكد انك كاتبه وانت في تانيه اعدادي

بالشكل والتنسيق والسجع والاحساس دا؟

الله اكبر

امال لما بقيت في الجامعه ولما كبرت واشتغلت وحبيت كتبت ايه؟

دا مش حسد والله

بس انا كل يوم بكتشف فيك حاجه تخليني مبسوطه اني عرفتك

حتي لو من ورا الاسلاك وشاشات الكمبيوتر

حتي وانا مش عارفه اسمك

بس بجد بحترمك
وبحترم تفكيرك وثقافتك
وشخصيتك الي باينه في ردوردك وتعليقاتك
واتمني اني اكون في يوم بنفس القدر من العقل والرزانه والثقافه دي

وتقدر تعتبرني بعاكس


اما بالنسبه لسفري للكويت
فبجد انا لو لقيت نفسي هنا كنت قعدت
انا لسه كنت بتكلم مع الفنان حسني سليمان في الموضوع دا

وقالي ان السفر مؤلم وشيء صعب

وقلتله ان الي اصعب منه انك متلقيش نفسك في بلدك
وتموت كل احلامك علي عتبات المحسوبيه والكوسه والوسطه
وتحس انك ملكش قيمه ولا نفع

يبقي ادور علي نفسي في حته تانيه افضل بدل ما اموت مخنوقه بفعل الظروف

حاجه تانيه هقولهاك

الواحد فعلا بيكون سعيد لما يتعرف علي اشخاص امثالك وصعب اني اضحي بالمعرفه دي ابدا حتي لوسافرت


وبجد تاني مره حنان خسرانه كتير والله

كتييييييييير

Hannoda said...

عجوزنا قالى مواصل
لاخر نفس حاواصل
لاتقولى هم حاصل
ولا شلل ووجع مفاصل
قلتله طب فاصل ونعود
قالى لأ نعود ثم فاصل

في البداية قريت أول كلمة "عجوز قاللي" بدل "عجوزنا قاللي

إقراها تاني كده زي ما قريتها.. إبدأ بكلمة عجوز وهي نكرة

حاتديلك شعور بالإرادة القوية الغير مرتبطة بالسن و لا الهموم ولا الظلم... تديك إحساس بالإصرار رغم كل العقبات و تخيلت الإصرار و الإراده ده كلها فعجوز .. وتخيلت المقابل لها في وجدان شباب صغيرين و حسيت بلامفارقة

وكالعادة دايما بحب أقرأ الأشياء لأكثر من مرة

فلما قريتها تاني انتبهت للخطأ

ولقيت إنها "عجوزنا" يعني معرفة بالملكية

فطبعا اتضحت الصورة

ولما اتضحت الصورة اتقلب المعنى

تفتكر مش صدفة إني أقراها غلط؟؟؟

شباب روش طحن said...

الحقيقة كلامك أكثر من رائع وأنا من متابعين مدونتك

harmless said...

هانوده

ملاحظاتك دقيقه كالعاده
دماغ نشاطه عالى جدا
ماشاء الله

harmless said...

شباب روش طحن

اشكرك ويسعدنى وجودك
ويارب دايما

loumi said...

كل شهر وانت طيب.مستنيه تعليقاتك.