والحمار بقى لبيب
والخروف بقى ديب
والزمن بقى غريب
مافيش فيه نصيب
لبكاء او نحيب
او ضربات لا تصيب
الشرفا مراكيب
والراكب هليب
ومهما يعجز ويشيب
لايتوب ولا ينيب
ولايمشى ولايسيب
وحالف ليجيب
ولى عهد نجيب
لاعب لعيب
حيخربها تخريب
ويخليها كراكيب
وانت بقى يا حبيب
لاتشتم ولا تعيب
يا اما تغور وتغيب
يا تزمر بيب بيب
21 comments:
بيب بيب شاعر نجيب
قريتها 4 مرات ودخلت ع الكومنتس فقمت قريتها مرة كمان
رائعةوواضح فيها فيها سخط ومرارة..
بس أقولك حاجة؟؟
فيه تفاؤل شديد جواي إن اللي جاي فيه تغيير للأحسن
عشان مؤمنة بإن الخطوة التالية بعد الوصول للقاع هي الصعود
الشرفا مراكيب
والراكب هليب
ومهما يعجز ويشيب
لايتوب ولا ينيب
ولايمشى ولايسيب
كلام قوي جدا
تحياتي
الشرفا مراكيب و الراكب هليب قانون الغاب و هناك الهدف اشباع الغرائز و تلبيه احتياجات الجسد مرة واحد صاحبى قالى اتامل فى الزباله (على اساس انى سقراط) قلتله الزباله احسن مننا لانها المفروض انها زباله و لم تعترض و زى ما لكنا شايفين هى زباله لكن الانسان المفروض يكون انسان اى ما بعد الحيوان العاقل احنا الان اقل من الحيوان العاقل وعجبى
انا اسف على كلامى المرة اللى فاتت بس انا متأكد انك فهمتنى
واخجلتم تواضعنا
لا بقي
هي شوطة وطنية واجتاحت المدونين ولا ايه
انا اول مرة اعرف ان انت شاعر
ايه الكلام الكبير دة
بجد كلام رائع ومعبر عن حالنا جدا
ومهما يعجز ويشيب
لايتوب ولا ينيب
ولايمشى ولايسيب
وحالف ليجيب
ولى عهد نجيب
لاعب لعيب
حيخربها تخريب
كلام جه علي الوجع
وجعني وكلامك داس علي الجرح
بس لينا رب
وربنا يفرجها علينا يارب
فعلا الكلام رزق
مش عرف اعلق اقول ايه
بس حلو اوى
فكرته جديده
جميل فعلا
:))))))))
رائع اخى الكبير هارملس كلمات اذا دلت تدل على صاحبها الجياش بالمشاعر ووصفة بما يدور من حولنا بشكل مفهوم ومباشر
مدونتك مضافة عندى فى الفوفريت
استمررررررر
هارملس
من حروف صغيرة شكلت معانى كبيرة بتقول بكل بساطة عن كل حاجة جوانا معاصرنها وعايشنها وابدا فى نومنا مش ناسينها لكن يا ريت الكلام كان حروف من نار مع كل حرف يموت جبان لكن للاسف تفضل الحروف حروف والرصاص والنار مش فى ايدينا متحرم علينا
يمكن قلت اللى جوانا وده عزائنا اننا لسه بنملك حروفنا
تحياتى
الشعر موزون بطريقة رائعة
السهل الممتنع
يحمل معانى و مواضيع تجعلنا نفكر و نتامل
معلش بقي حايزمر
بيب بيب بيب للصبح
كل ده كلام جواك
:)
كلمات قليله وبسيطه لكنها معبره جدا
والمعنى فى بطن الشاعر
حقيقى رائعه
تحياتى
على رأي أيمن بهجت قمر
ده احنا لا صوتنا اتنبح
ولا في مالطة بندّن
.....
معبرة.... و جميلة
محمد عبد الغفار
على قلة كلامك
انت مقنع
موهبة
فيه موضوع كنت عايز اختلف فيه معك
انتظره فى مدونتك قريبا
------------
هنوده
انا مثلك متفائل
على المدى البعيد متفائل
لكن خائف من الانتكاسات
وانتى احييكى على اخر بوستاتك
واسالك نفس السؤال
من اى فردوس تأتين بكلامك
مثلك عندما يغترب
يغترب الوطن كله
------------
Blank-Socrate said...
من حب الانسان لنفسه
نشأ قانون الغاب
ومن نفس هذا الحب
نشأ قانون الانسان
لكن
كلما فكر الانسان بفردية
ساد قانون الغاب
وكلما فكر بجماعية
ساد قانون الانسان
تفاءل
--------------
سمراء النيل
كلما قرأت لكى استرجعت احد ارائى
فانا اعتقد ان الله خلق الانسان
ثم خلق له جمالا
فصرنا نجد المتشابهان احدهما اجمل من الاخر
ثم خلق له القبول عند البشر
فصرنا نرى شخصيتان متشابهتان واحدهما محبوبه ومقبوله اكثر
وانتى
خلق الله لكى قبولا ومحبه
من اول كلمه وبدون مجهود
توته توته
بس كده؟
فين الفضفضه؟
مش قصدى على تعليقك
قصدى على بوستك
رائع
--------------
محض روح
بعد ما قرات كلماتك فى مدونتك
ارى نفسى منضما لسائلك
اانتى 21 سنه فقط؟
عبقريتك بدأت من اختيارك الاسم
وكلامك يقطر انسانية
لا خاب وطن ينجب امثالك
-------------
حنتكلم
سعادتى بك تتجدد دائما
سعيد بسنك
سعيد باهتمامك بالوطن
سعيد بتفكيرك المتقدم
السابق لعمرك
كيف نجا من هم مثلك من دوامه الاغراءات التى تحوط الشباب من كل جانب
سبحان الله
يريد خيرا بهذه الامه
-------------
توتااااااااا
لازال الخطر قائم
طمنينا
هل ستتوقفين؟
احيانا اشعر ان بعض الحقوق الواضحه جدا يجب حرمان البعض منها
لو بيدى لحرمتك من حق التوقف
ما علينا
بما انك دارسه للكيمياء
بانواعها المختلفه
فهل دللتينا عن سر جمال مذكراتك؟
هل بسبب بساطتها وانسانيتها وصراحتها
ام هى كيميا
-------------
مكسوفة
من فرط جمال النساء
صارت كل الصفات جميله عليهن
الخجوله جميله
والجريئه جميله
ستظلين جميله على اى حال
حتى بعد ان اكتشفنا انك لستى بمكسوفه
-------------
امانى
اشكرك على كلامك
واشكرك على حبك لصديقتك
هكذا يتعامل الراقيين
وهكذا يشعر الرائعين
وهكذا يتصرف الصادقين
جميله الدنيا بكم
------------
أميرة
عندى سؤال واضح صريح جلى بسيط
ازاى الواحد يتوقف عن التفكير فى كلامك؟
كلامك لا يفارق الراس بسهوله
حرام كده
-------------
مذكرات امرأه مثليه
عندما اسال نفسى عن اجمل ايام حياتى
وعن اجمل شخصية استمتعت بصحبتها
اجد ان اجمل ايامى كانت فى المغرب
واجمل شخصية كانت مغربية
لذا احب المغرب واحب ناسه
ولذا احبك واهتم بكى
وهذا رد السؤال الذى سالتيه لى فى مدونتك
اخطأت فى ردى على سمراء النيل
فرفعت المنصوب
وعند رفع المنصوب يصير الكلام صادما للاذن ومنفرا للعين
احترت
الغى الكومينت واعيده
ام اتركه شاهدا على تقصيرى فى مراجعة ما اكتبه
ام اتركه واكتب هذا التصحيح
اخترت الثالثه
جامدة اخر حاجة
بجد الكلام جامد جدا و طبعا قرتيها كذا مرة
باحلم ان كلنا نزمر بيب بيب.
يا ترى ممكن؟
باحلم ان كلنا نزمر بيب بيب.
يا ترى ممكن؟
شكرا على التقدير
تحياتي
Post a Comment