Wednesday, February 13, 2008

شبعت


شبعت من كل حاجه
شبعت من المكاسب ومن الخسائر
شبعت من الشغل ومن الاجازات
شبعت من الجد ومن اللهو
شبعت من السفر ومن الفسح
شبعت من الفلوس ومن الفلس
شبعت من الافترا ومن القهر
شبعت من الزهو ومن الخزى
شبعت من النساء ومن متعتهم
شبعت من تحقيق الاهداف ومن ضياع الامال

لم يعد هناك شئ مغرى
كل حاجه زى اى حاجه
الجنيه بقى زى الالف جنيه
السيات بقت زى المرسيدس
ساندوتش الفول بقى زى طبق الجمبرى
الفراش الدافئ بقى زى البارد
النوم بقى زى الصحيان
القراية بقت زى التليفزيون
التركيز بقى زى السرحان
البحر بقى زى النيل

لم يعد لى هدف ابذل له جهد
ولم يعد لى جهد ابذله لهدف

يا دنيا ما اجملك
لكنى
شبعت منك

29 comments:

الغالية زوجة المحظوظ said...

يا ترى قصدك فعلا شبعت والا تقصد تقول زهقت بس مكسوف - عموما قصيدتك بتقول انك ناقصك شىء كبير مش ممكن تزهق منه الا وهو .........
والا اقولك ما انت عارفه بس يتقاوح يا ريس - كونك اب ده شىء جميل كونك كاتب ومفكر ده شىء رائع كونك عبقرى والكترونى ده شىء مبهر - لكن انت انسان وعلشان تستحمل الحياة لغاية ما تنتهى لازم تـ ايه ...... تحب يا استاذ

الساحرة said...

دي مش حاله شبع دي حاله جوع

Anonymous said...

عبرت عما أشعر به
رغم أنني لم أجرب كثير مما ذكرت
بس مش عارفة ليه الدنيا بقت محصلة بعضها بالنسبة لي كدة

عالمى ازرق said...

لازم يكون فيه نقطه دايما نسعى اليها
ربما فقدتها
مش معنى كده انها مش موجوده .. ممكن مش تكون على مدى رؤيتك الحاليه
ابحث عنها .. وجدد اهدافك او حياتك



الدنيا فقيره اوى مهما اديتنا وشوفنا فيها
اللى عند ربنا اجمل

koko said...

التعليقات جامدة جدا لدرجة انى مش لاقيه حاجه اقولها بس فعلا الواحد لما مايكونش عايز حاجه و لا نفسه فى حاجه بيحس ان الدنيا انتهت

بس عموما هى حاله بتاخد وقتها و بتعدى و ماتقلقش بكرة القدر يبعت لك حاجه تحرك المياه الراكده و يمكن كمان تزلزلها

Blank-Socrate said...

عزيزى
انا فى منتصف عمرك و أشعر بما تشعر به الان
هل نصحتنى كيف اكمل؟
لا رغبه لى فى شىء

حوريه said...

وحشتوووونى كتييير
تعطل الانترنت خلانى عرفت قيمتكم بجد
ربنا يخليكم يارب
-----------------
و مين سمعك عزيزى ؟ عندى نفس الشعور و ما عادتش تفرق معايا .. كله محصل بعضة بس فيه احساس موازى بانى ماعشتش زى ما كنت عايزة و ان عمرى و ارادتى اتسرقت منى ..
و فيه سؤال بيلح على يا ترى ربنا ممكن يحاسب انسان عن تحمله قرارات غيره ؟؟ مش لازم الاول الانسان يكون حر ؟
اقول لك ايه ؟؟
كل سنة و انت طيب و افرح بفرحة غيرك و الآخرة خير و أبقى ان شاء الله
تحياتى و تمنياتى الطيبة
حوريه

klmat said...

مش انت لوحدك اللى
عندك المشاعر دى
هو احاس بالملل والزهق
لاحساسنا سوى اتكلمنا او ماتكلميناش
مافيش جديد
ربنا يعينا ويارب تكون حاله
وقتيه وتعدى

Van Gogh said...

كل فترة ألاقى نفسى مشتاق ادخل مدونتك

احس بأنى عايز انفض دماغى شوية

عايز اشغلها

مش دماغى بس

قلبى كمان

عارف
ايه اكتر حاجة مختلف معاك فيها؟؟

اسم هارملس

يمكن لانى بعيش مع كل حرف بتكتبه

وبحث ان لو فى ناس بتفكر وتحلل زيك فى بلادنا..وفى موضع قيادة..يسمح لهم بالتغيير كان حالنا اختلف كتير

تحياتى ليك

Hannoda said...

فكرتني بكلام أغنية بتقول
أن مش رايح أنا مش جاي أنا مش واقف حتى مكاني

لعلها حالة و تمر.. وحتى لو طالت

يارب تمر

أصل حرام على العقول اللي بتعرف تستوعب التفاصيل و المتناقضات و التفاهات مهما صغر حجمها
و المعاني الضخمة مهما على شأنها
القلوب ده صعب تشبع
وصعب ما تلاقيش كل يوم جديد يخلق حولها حياه جديدة كل يوم
ده معلوماتي عن صديق عزيز

وأنا أثق في معلوماتي التي أصل لها بإحساسي

ةلة اني أصغر من إني أقولك معلومة
ولو إني عارفة انك عارفها أكيد
بس حاقولها

مهما عشنا و اتعلمنا و فهمنا و قابلنا و جربنا
الدنيا أكبر بكتير و تفاصيلها لا تحصي
المهم بس النفس الطويل
و القلب الصاحي

ربنا يحفظلك قلبك و عقلك يارب

تحياتي

زُمُرده said...

آآآآآآآآآه ومين سمعك

ده انا كنت جايه اخرج من المود
ادور ع الحكمه بين السطور
والامل والتفاصيل اللي بتشدني وتاخدني

مااااالك
ده انت كده زهقت وزهدت
وفقدت الرغبه في كل شيء

الحاله دي عرفاها
ويارب تخرج منها بسرعه

حاول علشانا لأني لو قلتلك علشانك هتقولي مش فارقه

فاكر تعليقك ع اخر بوست عندي عن الاسكندرانيين
وانهم حالمين وبيتكلموا عن الذكريات وبيبقوا اهدى
الظاهر كمان الزهق والزهد لما بيجيي بيبقى موجه جارفه بتاخد منهم كتيييير


ابحث عن التجديد
سافر
ابعد
اتفرج على اشياء لاتعرفها
ازرع احلام جديده
لون دنيتك بالوان مختلفه

سيب مشاعرك
متحكمش عليها

واخيرا اقرب من ربنا وادعيه
يخرجك من الحاله دي علشان تنفع الناس وتفيدهم

ارجع بسرعه يا غالي

harmless said...

الغالية زوجة المحظوظ

والله فكره يا عزيزتى
بس هو الانسان بيقول لنفسه حب يقوم يحب؟
ده قرار آلهى مش معروف اسبابه

ولا ايه رايك؟

harmless said...

الساحرة

اهلا بكى صديقة جديدة
صحيح تعليقك مقتضب ولكنه يثير تساؤل
جوع لايه؟

على العموم ساقرأ مدونتك لافهمك اكثر ولنا عوده ان مد الله فى عمرنا

تحياتى

harmless said...

Anonymous

التغيير والحركه مطلوبه
ودائما هناك ما لم نجربه
ربما الخطوة الاولى هى الصعبه

harmless said...

عالمى ازرق

عندك حق يا عزيزتى
التغيير مطلوب ودائما هناك الجديد
الظاهر بس من كتر اللف الواحد بيحتاج يهمد شوية

تمنياتى لكى بكل الخير

harmless said...

koko

منتظر فعلا احداث جديده تحرك المياه الراكده
دائما يحمل كل يوم احتمالات جديده

harmless said...

Blank-Socrate

يا اخى العزيز هذه مشاعر لا تأتى لمن هو فى سنك
اين طاقتك واين نشاطك
لولا انه غير لائق الحديث عن النفس كنت حكيتلك اللى كنت باعمله وانا فى سنك
والله كنت باستخسر انام

المهم
عليك واجبات يا اخى مش عليا
ومطلوب منك تضحيات مش مطلوبه منى
انتم اللى حتبنوا البلد اللى هدينهالكم
شد حيلك

دنــــيــــــا مـحـيـرانـي said...

هذه رسالة وداع لدنيا و لا زهق
اعتقد انها زهق الحال من بعضه

harmless said...

حورية

مرحبا بكى وبعودتك الحميدة ولا اعاد الله ايام انقطاع النت وانقطاعك عن محبينك واصدقائك والمعجبين بكى

غالبا وتقريبا انا عكسك
انا حاسس انى عشت الحياة اللى باحبها وعملت فيها كل اللى باحبه واستمتعت بكل احداثها ولحظاتها
وحاسس ان الدنيا اعطتنى اكثر مما استحق وحرمتنى اقل مما استاهل ولو فارقتها اليوم سافارقها راضيا عنها وراضية عنى وحبايب

تخيلى مقدمات مختلفه ممكن تؤدى الى نفس النتائج

احب بس اجدد اعجابى بكى دائما
تحياتى

الغالية زوجة المحظوظ said...

العزيز هارم
ولا انت هارم ولا حاجة - سامحنى قد اكون كنت قاسية بعض الشىء - بس يمكن لانى شيفاك الاقوى دائما -واشراقة الشمس تاتى من نزيف قلمك ودموع حروفك دائما - لكن لك الحق كل الحق ان تزهد الايام وتفقد الحبيب وتتالم ولن ابخل عليك ثانية بالاذن الصاغية - والعين المستوعبة لحالك - سامحنى

Salwa said...

أعتقد إن هذه مشاعر نمر بها جميعا
على اختلاف الأسباب

كلنا نقف أحيانا ونقول زهقت
مش عايز أي حاجه خلاص

بس يا ترى ده زهد ولا يأس
أم أنه شبع فعلا من الدنيا


في النهايه إحنا عايشين في الدنيا
بس المهم نعيش بدون استسلام

تحياااااااااتي

harmless said...

كلمات

بالتأكيد حالة وتعدى
وبالتأكيد ان الزهق يجلب شبع والشبع يجلب زهق

وبالتأكيد ايضا ان الحياة اجمل من ان يزهد فيها زاهد

واذا كان هناك زاهدون فلن اكون منهم ان شاء الله

ثم
أأزهد فى حياة فيها كلمات؟

harmless said...

Van Gogh

اشكرك صديقى العزيز على مشاعرك وعلى كلماتك الرقيقه التى لا استحق بعضها وارجو ان يكون لى نصيب دائم فى صداقتك

رأيت لك خمس مدونات واحترت ابدأ بأيهما
يا ترى ايهما تعبر عنك اكثر؟

harmless said...

هانوده

اشكرك يا عزيزتى
اشكرك يا صديقتى الدائمه
اشكرك يا مصدر الراحه والاطمئنان والارتياح والامل

شكرى واعجابى لا نهاية لهم

harmless said...

زمردة

عزيزتى الغالية كلامك كله صحيح وجميل
ربما يكون البحر بتقلباته الحاده داخلنا
ربما يكون ما يمثله البحر من اللانهائيه يجعل مشاعرنا متطرفه

اذا رأينا حالنا يوما لا نتخيل ابدا انه سيكون النقيض غدا
ولكن البحر جميل فى كل حالاته فهل نأمل ان نحب كل حالاتنا؟

لكن اقول
وبكل صدق واخلاص
جميلة الحياة التى بها زمردة

harmless said...

دنيا محيرانى

جميل وجودك يا اختنا العزيزة
عاجبنى جدا بوست كيس مكرونه
جمال كلامك متجدد بشكل عجيب

تحياتى واعجابى

harmless said...

الغالية زوجة المحظوظ

تعليقك الاخير يؤكد لى مرة اخرى رأيى فيكى
انتى مختلفه
مختلفه جدا

اتعجب بشده من ان يكون اى انسان اتاحت له الدنيا فرصة معرفتك ولم يفهم قيمة هذه المنحة

مع انى اعرف انك حتى لا تدركين كم انتى رائعه
رائعه جدا

harmless said...

salwa

فعلا كلنا نفعل هذا احيانا بشكل او بآخر
وربما نفعل هذا لنكتشف اننا نحتاج لقضيه نكافح لها وتبذل من اجلها الجهود
حتى لو كانت قضيه تافهه او انانيه او مراهقه او خاصه

لكن الحياة بدون قضيه يوصلنا الى حالة الشبع فورا

Anonymous said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品

A片,A片,A片下載,做愛,成人電影,.18成人,日本A片,情色小說,情色電影,成人影城,自拍,情色論壇,成人論壇,情色貼圖,情色,免費A片,成人,成人網站,成人圖片,AV女優,成人光碟,色情,色情影片,免費A片下載,SEX,AV,色情網站,本土自拍,性愛,成人影片,情色文學,成人文章,成人圖片區,成人貼圖

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人